JINGPYNPAW 11:9 - KA BAIBL

⁹ Te kiba na kita ki paidlang bad ki jaid bad ki thylliej bad ki kynja bynriew kin ïakhmih ïa kita ki metïap jong ki, lai sngi shiteng, bad kin ym shah ban buh ïa kita ki metïap jong ki ha ki jingtep.

Khasi CL Bible (BSI)

⁹ Ki briew na baroh ki hima, ki kynja bynriew, ki jait ktien, bad ki jaitbynriew kin shu khmih ïa kita ki metïap jong ki haduh lai sngi shiteng bad kin ym shah ban tep ïa ki.

JINGPYNPAW 11:9 ပူးပေါင်းရင်းမြစ်များ

1 SYIEM 13:22

bad me la bam kpu bad dih um ha ka jaka, ïa kaba u la ong ha me, “Wat bam kpu, lymne dih um”; ka metïap jong me kan ym phai sha ka jingtep ki kpa jong me.’ ”

EKLESIASTIS 6:3

Lada u briew un pynkha shispah ngut ki khun, bad ba u im bun snem, kumta ba ki sngi ki snem jong u ki long shibun, hynrei, lada ka mynsiem jong u kam dap da ka babha, bad ba yn ym tep ïa u; nga ong ba lah uba khalor ban ïa uta:

ISAÏAH 33:1

Kordit ïa me uba lute, te ïa me ym shym la lute; bad uba leh shukor, te kim shym la leh shukor ïa me! Ynda me la wai noh ban lute, yn sa lute ïa me; bad ynda me la pynkut noh ban leh shukor, kin sa leh shukor ïa me.

JEREMAÏAH 7:33

Bad ki metïap une u paidbah kin long ka jingbam ïa ki sim bneng, bad ïa ki mrad jong ka khyndew; bad yn ym don mano mano ban pynma ïa ki.

MATHAÏOS 7:2

Naba da ka jingbishar ba phi bishar, yn bishar ïa phi: bad da ka jingthew ba phi thew, yn thew pat ïa phi.

JINGPYNPAW 10:11

Bad u la ong ha nga, “Ka dei ïa me ban ïathuhlypa pat shaphang shibun ki paidlang, bad ki kynja bynriew, bad ki thylliej, bad ki syiem.”

JINGPYNPAW 11:11

Te hadien kita ki lai sngi shiteng, U Mynsiem ka jingim na U Blei u la leit bsut ha ki, bad ki la ïeng joit da ki kjat jong ki; te ka jingsheptieng bakhraw ka la ngat ha kita kiba la khmih ïa ki.

JINGPYNPAW 13:7

Bad la ai bor ha u ban ïaleh thma bad kita ki riewkhuid, bad ban jop noh ïa ki: bad la ai ha u ïa ka bor synshar halor ka jaid, bad u paidlang, bad ka thylliej, bad ka kynja bynriew baroh.

JINGPYNPAW 17:15

Te u la ong ha nga, “Kita ki um ïa kiba me la ïohi, ha kaba kata ka nuti ka shong, ki long ki paidlang, bad ki paidbah, bad ki kynja bynriew, bad ki thylliej.

JINGPYNPAW 5:8

Te mynba u la shim ïa kata ka kitab, kita ki saw ki jingthaw ba-im bad kita ki arphew saw ngut ki tymmen basan ki la ïahap dem ha khmat uta U Khun langbrot, ki da don uwei pa uwei la ka duitara, bad ki pliang ksiar ba dap da ki jingainguh thang baiwbih, kiba long ki jingduwai jong ki riewkhuid.

JINGPYNPAW 5:9

Bad ki ïarwai ïa ka jingrwai bathymmai, ki da ong, “Me long uba dei ban shim ïa kata ka kitab, bad ban plie ïa kita ki jingpyndait jong ka; naba la pynïap keiñ ïa me, bad me la siewspah ha U Blei da ka snam jong me ïa kiba na ka jaid, bad na ka thylliej, bad na u paidlang, bad na ka kynja bynriew baroh;