JINGPYNPAW 11:7 - KA BAIBL

⁷ Te ynda ki la ïoh pyndep noh ïa kata ka jingphla jong ki, uta u mrad uba kiew noh na kata ka 'liewlong bakhlem trai, un pynlong ïa ka jingïaleh thma bad ki, bad un jop thiaw ïa ki, bad un pynïap noh ïa ki.

Khasi CL Bible (BSI)

⁷ Haba ki dep ban pynbna ïa ka khubor jong ki, uta u mradkhlaw uba wan kiew na ka liewlong ba khlem trai un ïaleh pyrshah ïa ki.

JINGPYNPAW 11:7 ပူးပေါင်းရင်းမြစ်များ

DANIEL 7:25

Bad un kren ki ktien kiba pyrshah ïa U Bahakhlieh Tam Eh, bad un pynduh noh ïa ki riewkhuid jong U Bahakhlieh Tam Eh: bad un thmu ban pynkylla ïa ki por bad ïa ka hukum; bad yn ai noh ïa ki ha ka kti jong u haduh ka por bad ki por bad ka shiteng por.

LOUKAS 13:32

Te u la ong ïa ki, “Khie leit ïathuh ha uta u myrsiang, ‘Ha khmih, nga beh noh ïa ki ksuid, nga trei ruh ïa ki kam pynkhiah mynta bad lashai, te ha ka balai ka sngi yn sa pynjanai ïa nga.

LOUKAS 8:31

Te ki la ïakyrpad ïa U, ba un ym hukum ïa ki ban leit noh sha dujok.

ÏOANNIS 17:4

Nga, nga la pyndonburom ïa me ha ka pyrthei: nga la pyndep ïa kata ka kam ïa kaba me la ai ha nga ba ngan leh.

ÏOANNIS 19:30

Te mynba U Jisu u la shim ïa kata ka bajew, u la ong, “La pyndep:” bad haba u la noh lyngngeh ïa la ka khlieh, u la aiti noh ïa la ka mynsiem.

KI KAM 20:24

Hynrei, nga kheiñduh ïa la ka jingim, bad ngam ñiewkor shuh ïa ka, ba kumta ngan ïoh pyndep noh ïa ka jingphet jong nga, bad ïa kata ka kam U Blei kaba nga la ïoh na U Trai Jisu, ïa ka ban phla ïa ka gospel ka jingaiei U Blei.

2 TIMOTHI 4:7

Nga la ïaleh ïa kata ka jingïaleh babha, nga la pyndep ïa la ka jingphet, nga la ri ïa ka jingngeit.

JINGPYNPAW 11:3

Bad ngan ai bor ha ki ar ngut ki nongïaphla jong nga, te kin ïathuhlypa shi hajar arspah hynriewphew sngi, kiba la kup ki jaiñ khain.”

JINGPYNPAW 12:17

Te uta u ïakjakor u la sngewbitar lep ïa kata ka briew, bad u la leit noh ban ïaleh thma bad kita kiba sah na u symbai jong ka, kita kiba sumar ïa ki hukum U Blei bad kiba bat ïa kata ka jingphla ïa U Jisu Khrist. Te u la ïeng halor u shyiap ka duriaw.

JINGPYNPAW 13:11

Bad nga la ïohi ïa uwei pat u mrad khlaw uba kiew noh na kata ka khyndew; bad u la don ar tylli ki reng ba syriem kum i khun langbrot, bad u la kren kum u ïakjakor.

JINGPYNPAW 13:7

Bad la ai bor ha u ban ïaleh thma bad kita ki riewkhuid, bad ban jop noh ïa ki: bad la ai ha u ïa ka bor synshar halor ka jaid, bad u paidlang, bad ka thylliej, bad ka kynja bynriew baroh.