JINGPYNPAW 11:4 - KA BAIBL

⁴ Kine ki long kita ki ar tylli ki dieng Olib bad kita ki ar tylli ki dieng pynïeng sharak, kiba ïeng ha khmat U Trai jong ka khyndew.

Khasi CL Bible (BSI)

⁴ Ki ar ngut ki sakhi ki long ki ar tylli ki dieng Olib bad ki ar tylli ki diengpynïeng sharak kiba ïeng ha khmat U Trai jong ka pyrthei.

JINGPYNPAW 11:4 ပူးပေါင်းရင်းမြစ်များ

1 SYIEM 17:1

Te u Elijah u nong Tishbi, uba la long uwei na ki nong Gilead, u la ong ha u Ahab, “Katba im U Trai, U Blei ki Israel, ha khmat jong uba nga ïeng, kan ym don umjer lymne slap ha kine ki snem, hynrei, tang katba kum ka ktien jong nga.”

SALM 52:8

Hynrei, ma nga, nga long kum u dieng Olib uba jyrngam ha ka ïing U Blei: nga shaniah ha ka jingisynei U Blei, junom junom.

EKSODOS 8:22

Bad ngan pynkyrpang ha kata ka sngi ïa ka ri Goshen, ha kaba ki ïashong u paidbah jong nga, ba kita ki bun jaid ki skain kin ym don hangta; khnang ba men ïoh tip ba nga long U Trai hapdeng ka pyrthei.

ISAÏAH 54:5

Naba U Nongthaw jong pha u long u tnga jong pha; ‘U Trai ki paid’ long ka kyrteng jong u: bad uta U Bakhuid jong ki Israel long u nongsiewspah jong pha; ‘U Blei ka khyndew baroh’ yn khot ïa u.

JEREMAÏAH 11:16

U Trai u la kyrteng ïa pha, ‘U dieng Olib bajyrngam, ba-itynnad na u soh babha:’ da ka jingsawa ka jingkhihwin bakhraw u la sliew ding halor jong u, bad ïa ki tnat jong u la pynkheiñ.

MIKAH 4:13

To ïeng bad shoh kba, ko khun ka Seïon: naba ngan pynlong nar ïa ka reng jong pha, bad ngan pynlong rnong ïa ki khnap jong pha: te phan shoh lwet ïa bun ki jaid bynriew: bad phan pynkyntang ha U Trai ïa ka jingïoh jong ki, bad ïa ka spah jong ki ha U Trai ka khyndew baroh.

LOUKAS 11:33

“Ym don u briew, haba u la thang ïa ka sharak, uba buh ïa ka hapoh khrum, lymne hapoh ka shang, hynrei, ha ka dieng pynïeng sharak keiñ, ba kita kiba rung hapoh kin ïohi ïa ka jingshai.

LOUKAS 21:36

Namar kata, to sharai phi ha la ka sngi da kaba duwai, ba yn ïoh ñiew ïa phi kaba bit ban lait noh na kine kiei kiei baroh ki ban sa jia, bad ban ïeng ha khmat U Khun u briew.”

Ka Shithi U Paul Sha Ki Nong Rom 11:17

Hynrei, lada la pynkheiñ noh ïa kiba na kita ki tnat, bad la pynïadait ïa me uba long u tnat Olib khlaw hapdeng jong ki, bad la pynlong ïa me u nongïaïoh lem na u tynrai bad na ka khleiñ ka jong uta u dieng Olib;

DEUTERONOMI 10:8

Ha kata ka por, U Trai u la pynkyrpang ïa ka jaid Lebi, ïa ka ban bah ïa ka synduk ka jutang U Trai, ïa ka ban ïeng ha khmat U Trai, ïa ka ban shakri ïa u, bad ïa ka ban kyrkhu ha ka kyrteng jong u, haduh kane ka sngi.

JINGPYNPAW 1:20

ïa ka jingmaïan shaphang kita ki hynñiew ki khlur ïa kiba me la ïohi ha ka kti kamon jong nga, bad ïa kita ki hynñiew ki dieng pynïeng sharak ksiar. Kita ki hynñiew ki khlur ki long ki angel jong kita ki hynñiew balang, bad kita ki hynñiew ki dieng pynïeng sharak ki long ki hynñiew balang.