JINGPYNPAW 11:3 - KA BAIBL

³ Bad ngan ai bor ha ki ar ngut ki nongïaphla jong nga, te kin ïathuhlypa shi hajar arspah hynriewphew sngi, kiba la kup ki jaiñ khain.”

Khasi CL Bible (BSI)

³ Ngan sa phah ïa ki sakhi jong nga ar ngut kiba kup da ki jaiñ khain, bad kin pynbna ïa ka khubor U Blei ha kita ki shihajar arspah hynriewphew sngi.”

JINGPYNPAW 11:3 ပူးပေါင်းရင်းမြစ်များ

JENESIS 37:34

Te u Jakob u la kad ïa la ki jaiñkup, bad u la buh da ka jaiñ khain ha la ka syngkai, bad u la ïam leh sngewsih ïa la u khun bun sngi.

2 SAMUEL 3:31

Bad u Dabid u la ong ha u Joab, bad ha uta u paidbah baroh uba don lem bad u, “To kad ïa la ki jaiñ, bad to panpoh ïa lade ha ka jaiñ khain, bad to ïambriew ha khmat u Abner.” Bad u Dabid syiem ruh u la bud hadien ka krong.

1 SYIEM 21:27

Te ynda u Ahab u la ïohsngew ïa kita ki ktien, u la kad ïa la ki jaiñ, bad u la kup jaiñ khain ha ka doh jong u, u la shah jingit ruh, bad u la thiah ha ka jaiñ khain, bad u la ïaid jar jar.

2 SYIEM 19:1

Te ynda u syiem Hesekaïah u la ïohsngew ïa kata, u la kad ïa la ki jaiñ, bad u la kup ïa lade da ka jaiñ byrni, bad u la leit sha ïing U Trai.

1 KHRONIKL 21:16

Te u Dabid u la khmied ïa la ki khmat, bad u la ïohi ïa uta u angel U Trai ba u ïeng hapdeng ka khyndew bad ka bneng, uba bat ka waitlam ba la sei ha la ka kti ba la kner halor ka Jerusalem. Ynda kumta, u Dabid bad ki tymmen basan, kiba la kup da ki jaiñ byrni, ki la hap dem la ki khmat.

NEHEMAÏAH 9:1

Bad ha ka ba-arphew saw sngi na une u bnai, ki khun Israel ki la ïalang da kaba shah jingit, bad kup jaiñ byrni, bad ki da ïasleh khyndew de.

Ka Kitab U Job 16:15

Nga la suh da ka jaiñ byrni halor la ka snep, bad nga la buh ïa la ka reng ha ka 'dewmet.

SALM 69:11

Haba nga la pynlong la ki jaiñ da ka jaiñ khain, nga la long ka jingkynshi ïa ki.

ISAÏAH 22:12

Ha kata ka sngi ruh, U Trai, U Trai ki paid, u la khot ïa ka ban ïam, bad ïa ka ban ïam sngewsih, bad ïa ka ban pynlyndum khlieh, bad ïa ka ban panpoh jaiñ byrni:

JEREMAÏAH 1:10

ha khmih, ha kane ka sngi nga la thung ïa me halor ki jaid bynriew bad halor ki hima, ïa ka ban rat noh bad ban pyntwa, ïa ka ban pynduh ruh bad ban pynkyllon; ïa ka ban tei, bad ïa ka ban thung.”

SNGEWSYNEI 2:10

Ki tymmen basan ka khun ka Seïon ki shong halor ka khyndew, ki ïasngap jar noh; ki la kynting ka 'dewmet halor la ki khlieh; ki la panpoh ïa lade da ka jaiñ byrni: ki theisotti ka Jerusalem ki pyndem ïa la ki khlieh haduh khyndew.

ESEKIEL 4:6

Pat ruh, haba me la lah pyndep ïa kine, men thiah pyrshing sa sha kamon jong me, bad men kit sa ïa ka jingbymhok ka ïing Judah, sawphew sngi; kawei kawei ka sngi ïa ka shi snem, nga la buh ïa kata ha me.

DANIEL 12:7

Bad nga la ïohsngew ïa uta u briew uba la kup jaiñ linen, uba la don halor ki um jong kata ka wah, mynba u la rah ïa ka kti kamon jong u bad ïa ka kti kadiang jong u sha bneng, bad ba u la smai ha uta u ba-im ha la ka rta ba kan long shi por, ki por, bad ka shiteng; bad ynda ki la lah pynduh ïa ka bor jong kita ki briew ki bakhuid, ïa kine baroh yn sa pyndep.

DANIEL 7:25

Bad un kren ki ktien kiba pyrshah ïa U Bahakhlieh Tam Eh, bad un pynduh noh ïa ki riewkhuid jong U Bahakhlieh Tam Eh: bad un thmu ban pynkylla ïa ki por bad ïa ka hukum; bad yn ai noh ïa ki ha ka kti jong u haduh ka por bad ki por bad ka shiteng por.

DANIEL 8:14

Bad u la ong ha nga, “Haduh ar hajar laispah sngi; ynda kumta, ïa kata ka jaka kyntang yn pynkhuid noh.”

JOEL 1:13

“To panpoh ïa lade da ki jaiñ byrni, bad to ïam sngewsih, phi ki lyngdoh; to lynñiar, phi ki shakri ka duwan; ale, to thiah baroh shi miet ha ka jaiñ byrni, phi ki shakri U Blei jong nga; naba ïa ka jingainguh bam bad ka jingainguh dih la bat noh na ka ïing U Blei jong phi.

JONAH 3:5

Te ki nong Ninebeh ki la ngeit ïa U Blei; bad ki la pynbna ïa ka jingshah jingit, bad ki la phong da ki jaiñ byrni, naduh uba khraw tam jong ki haduh uba rit tam jong ki.

JONAH 3:8

hynrei, ai ban tap ïa ki da ki jaiñ byrni, bad briew bad mrad, bad ai ba kin pyrta kyang ha U Blei: shisha, ai ba kin phai noh uwei uwei baroh na la ka lynti basniew, bad na kata ka jingleh-jubor kaba ha ka kti jong ki.

JINGKHEIÑ 11:26

Hynrei, ar ngut na kine ki briew, ki la sah ha kaba shong dara, ka kyrteng uwei ka la long “u Eldad”, bad ka kyrteng uta uwei pat, “u Medad”: te kata ka mynsiem ka la shong sah halor jong ki: namar ki la long na kita ïa kiba la thoh, hynrei, kim shym la leit mih noh sha Ka Tabernakl: pleng ki la ïathuhlypa ha kata ka jaka shong dara.

MATHAÏOS 11:21

“Kordit ïa pha Khorasin! Kordit ïa pha Bethsaida! naba lada la leh ha ka Tyros bad ka Sidon ïa kita ki kambah ïa kiba la leh ha phi, kin da la kylla-ka-bamut la mynslem da ki jaiñ khain bad da ka dpei.

MATHAÏOS 18:16

Te lada um sngew, to shim lem bad me ïa uwei ne ar ngut kiwei pat, ba da ka shyntur ar ngut ne lai ngut ki sakhi yn pynskhem ïa ka ktien baroh.

LOUKAS 10:13

“Kordit ïa pha, Khorasin! Kordit ïa pha, Bethsaida! Naba lada la lah leh ïa kita ki kambah ha Tyros bad Sidon, ïa kiba la lah leh ha phi, kin jin da la kylla-ka-bamut la mynslem, kin da shong ha ka jaiñ khain bad ka dpei.

LOUKAS 24:48

phi ruh phi long ki sakhi ïa kine kiei kiei.

ÏOANNIS 15:27

Bad phi ruh phin phla, naba phi la don lem bad nga naduh kaba mynnyngkong.

ÏOANNIS 3:27

U Ïoannis u la ïathuh bad u la ong, “U briew um lah ban ïoh diang ei ei ruh em lymda la ai ha u na bneng.

KI KAM 1:8

Hynrei, phin ïoh diang ïa ka bor, ynda la wan U Mynsiem Bakhuid ha phi; bad phin long ki nongphla ïa nga ha Jerusalem, bad ha Judia baroh bad ha Samaria, bad haduh bakut ka pyrthei.”

KI KAM 13:31

Bad la ïohi ïa U bun sngi da kita kiba la ïawan kiew lem bad U na Galilaïa sha Jerusalem; kiba long mynta ki nongphla jong U ha u paidbah.

KI KAM 2:32

Ïa une U Jisu keiñ, U Blei u la pynmih pat; shaphang kata, ma ngi baroh ngi long ki nongphla.

KI KAM 3:15

bad ïa U Syiem ka jingim, phi la pynïap noh; ïa uba U Blei u la pynmih pat na ki baïap; shaphang kata, ngi, ngi long ki nongphla.

1 KORINTH 12:28

Te don kiba U Blei u la thung ha ka balang: ka banyngkong ki apostol, ka ba-ar ki nongïathuhlypa, ka balai ki nonghikai, ynda kumta, kiba leh ïa ki kambah, hadien kata, ki jingaibor ban pynkhiah, ki nongïarap, kiba synshar bad kiba bun jaid ki thylliej.

2 KORINTH 13:1

Kane ka long ka balai sien ba ngan wan ha phi. Da ka shyntur ar ngut ne lai ngut ki sakhi yn pynskhem ïa ka ktien baroh.

EPHESOS 4:11

Bad u la thung ïa kiwei, ban long ki apostol; bad ïa kiwei, ki nongïathuhlypa; bad ïa kiwei, ki nongïathuhkhana; bad ïa kiwei, ki nongsharai bad ki nonghikai;

DEUTERONOMI 17:6

Ha ka shyntur ar ngut ki nongsakhi, ne lai ngut ki nongsakhi, yn pynïap noh ïa uta uba dei ban ïap; hynrei, ha ka shyntur uwei u nongsakhi keiñ, yn ym pynïap noh ïa u.

DEUTERONOMI 19:15

“Wat shah ïa u nongsakhi ba tang uwei, ban ïeng ïaleh pyrshah ïa u briew namar kano kano ruh ka jingpalat, lane namar kano kano ruh ka pop, ha kano kano ka pop baroh ba u leh pop: da ka shyntur ar ngut ki nongsakhi, lane da ka shyntur lai ngut ki nongsakhi, yn pynskhem ïa kata ka kam.

JINGPYNPAW 1:5

bad na U Jisu Khrist, uba long U Nongphla ïa uba lah ban shaniah, ïa uba la kha nyngkong na ki baïap, bad U Nongsynshar ki syiem ka pyrthei. Ha uta uba la ieit ïa ngi, bad uba la sait ïa ngi na ki pop jong ngi ha ka snam jong u hi;

JINGPYNPAW 11:2

hynrei, ïa ka phyllaw kaba shabar kata ka templ U Blei men iehnoh noh, men ym thew ïa ka; naba la ai noh ïa ka ha ki Jentil: bad ïa ka nongbah ka bakhuid kin ïaïuh top jin sawphew ar bnai.

JINGPYNPAW 11:6

Kine ki don ka bor ban khang khop ïa ka bneng, ba u slap un ym hap ha ki sngi kata ka jingïathuhlypa jong ki: bad ki don ka bor halor ki um ban pynkylla snam ïa ki, bad ban shoh ïa ka khyndew da ki jingïapthem baroh katno katno sien ruh katba ki ïakwah.

JINGPYNPAW 12:6

Bad kata ka briew ka la phet ïap sha ka ri khlaw, ha kaba ka don ka jaka ïa kaba la khreh da U Blei, khnang ba hangta kin ïoh ïabsa ïa ka, shi hajar arspah hynriewphew sngi.

JINGPYNPAW 13:5

Te la ai ha u ka shyntur kaba ïalap ïa kiei kiei ki bakhraw, bad ïa ki jingkrenbeiñ Blei; bad la ai ha u ïa ka bor synshar ban sah jin sawphew ar bnai.

JINGPYNPAW 19:10

Te nga la hap dem ha khmat ki kjat jong u ban mane dem ha u. Te u ong ha nga, “To sumar me, wat leh ïa kata! nga long u para shakri jong me bad jong kita ki parabangeit jong me kiba bat ïa ka jingphla U Jisu. To mane dem ïa U Blei” (namar kata ka jingphla U Jisu ka long ka mynsiem ka jingïathuhlypa).

JINGPYNPAW 20:4

Bad nga la ïohi ïa ki khet, bad don kiba la shong halor jong ki, bad la ai ka jingbishar ha ki; bad nga la ïohi ïa ki mynsiem jong kita ïa kiba la khrai khlieh na ka bynta kata ka jingphla ïa U Jisu, bad na ka bynta ka ktien U Blei, bad jar ki bym shym la ïamane dem ïa uta u mrad khlaw, lymne ïa ka dur jong u, bad kim shym la pdiang ïa kata ka dak halor ka shyllangmat jong ki bad halor ka kti jong ki; te ki la im, bad ki la synshar lem bad U Khrist, shi hajar snem.