JINGPYNPAW 11:2 - KA BAIBL

² hynrei, ïa ka phyllaw kaba shabar kata ka templ U Blei men iehnoh noh, men ym thew ïa ka; naba la ai noh ïa ka ha ki Jentil: bad ïa ka nongbah ka bakhuid kin ïaïuh top jin sawphew ar bnai.

Khasi CL Bible (BSI)

² Hynrei wat thew ïa ki phyllaw kiba shabar, namar la ai noh ïa ki ha kiba mane blei thala, ki ban sa ïuhroit ïa ka Nongbah Bakhuid haduh sawphew ar bnai.

JINGPYNPAW 11:2 ပူးပေါင်းရင်းမြစ်များ

SALM 79:1

A U Blei, ki nongmane bleithaw ki la poi sha ka jingïoh kynti jong me; ïa ka templ bakhuid jong me ki la pyntngit; ki la pynkyllon ïa ka Jerusalem, sah sa ki kynroh.

ISAÏAH 48:2

Naba ki khot ïa lade ki jong ka shnong bakhuid, bad ki shaniah ha U Blei ki Israel; “U Trai ki paid” long ka kyrteng jong u.

ISAÏAH 5:5

Te to ieh; ngan ïathuh ïa phi ïa-ei ngan leh ïa ka brisoh jong nga: ngan weng noh ïa ka jingker jong ka, bad yn bam duh ïa ka; ngan pynpra ïa ka kynroh jong ka, bad yn ïuh top ïa ka:

ISAÏAH 52:1

To khie, to khie, to kup ïa la ka bor, ko Seïon, to kup ïa la ki jaiñkup ba-itynnad, ko Jerusalem, ka shnong ka bakhuid: naduh mynta u bym shym la otsher bad u basang kin ym wan shuh ha pha.

SNGEWSYNEI 1:10

U nongïaleh pyrshah u la pyiar ïa la ka kti ha kiei kiei kiba itynnad jong ka baroh: naba ka la ïohi ba ki riewkyndong ki la rung sha ka jaka kyntang jong ka, kiba me la hukum ïa ki ba kin ym rung sha ka jingïaseng jong me.

ESEKIEL 4:6

Pat ruh, haba me la lah pyndep ïa kine, men thiah pyrshing sa sha kamon jong me, bad men kit sa ïa ka jingbymhok ka ïing Judah, sawphew sngi; kawei kawei ka sngi ïa ka shi snem, nga la buh ïa kata ha me.

ESEKIEL 42:20

U la thew ïa ka ha ki sawdong jong ka: ka la don ka kynroh baroh sawdong, ka lynter, sanspah, bad ka pyngkiang, sanspah, ïa ka ban pynïakhlad hapdeng kata ka bakhuid bad kata ka bymkhuid.

DANIEL 12:7

Bad nga la ïohsngew ïa uta u briew uba la kup jaiñ linen, uba la don halor ki um jong kata ka wah, mynba u la rah ïa ka kti kamon jong u bad ïa ka kti kadiang jong u sha bneng, bad ba u la smai ha uta u ba-im ha la ka rta ba kan long shi por, ki por, bad ka shiteng; bad ynda ki la lah pynduh ïa ka bor jong kita ki briew ki bakhuid, ïa kine baroh yn sa pyndep.

DANIEL 7:19

“Ynda kumta, nga la kwah ban tip ïa ka jingshisha sa ïa uta u mrad u basaw, uba la long pher na kita baroh, uba itieng shikatdei eh, uba ki bniat jong u, ki la long da u nar, bad ki tyrsim jong u, da ka rnong; bad uba la bam duh, uba la pynlwet jin, uba la kyrdem ïa kaba sah da ki kjat jong u;

DANIEL 7:25

Bad un kren ki ktien kiba pyrshah ïa U Bahakhlieh Tam Eh, bad un pynduh noh ïa ki riewkhuid jong U Bahakhlieh Tam Eh: bad un thmu ban pynkylla ïa ki por bad ïa ka hukum; bad yn ai noh ïa ki ha ka kti jong u haduh ka por bad ki por bad ka shiteng por.

DANIEL 8:10

Bad ka la man khraw jin haduh u paidbah bneng; te na uta u paidbah bad na ki khlur de don kiba ka la pynhap sha ka khyndew, bad ka la ïuh roit ïa ki.

DANIEL 8:13

Ynda kumta, nga la ïohsngew ïa uwei u bakhuid ba u da kren; bad uwei pat u bakhuid u la ong ha uta uba la kren, “Slem katno kan long kata ka jingithuhpaw shaphang kata ka jingainguh thang kaba borabor, bad kata ka jingpalat kaba pynjot, ban aiti noh ïa kata ka jaka kyntang bad ïa uta u paidbah ba yn ïuh roit ïa ki?”

DANIEL 8:14

Bad u la ong ha nga, “Haduh ar hajar laispah sngi; ynda kumta, ïa kata ka jaka kyntang yn pynkhuid noh.”

JINGKHEIÑ 14:34

Katba kum ka jingkheiñ jong kita ki sngi ba phi la ïakhmih syntiat ïa kata ka ri, sawphew sngi keiñ, ïa kawei ka sngi namar kawei ka snem, phin ïakit shitom shi jot ïa ki pop jong phi jin sawphew snem, te phin ïoh tip keiñ, ïa ka jingkylla ïa ka jingthmu jong nga.’

MATHAÏOS 27:53

bad haba ki la mih noh te na kita ki jingtep hadien ka jingmihpat jong u, ki la leit shapoh kata ka nongbah ka bakhuid, bad ki la paw ha kiba bun.

MATHAÏOS 4:5

Ynda kumta, u Soitan u la ïalam ïa U sha ka nongbah ka bakhuid; bad u la buh ïa U halor jrong ka dong ka templ,

MATHAÏOS 5:13

“Phi, phi long ka mluh ka pyrthei: te lada kata ka mluh ka la kylla blad, da ei yn pynbha pat ïa ka? Naduh kata, ym donkam shuh ïa ka, hynrei, tang ban bred noh shabar bad ban ïuh ïa ka hapoh ki kjat ki briew.

LOUKAS 21:24

Kin kyllon ruh da ka syrti waitlam, bad yn ïalam mraw ïa ki sha ki kynja bynriew baroh; bad kan long ba la ïuh top ïa ka Jerusalem da ki Jentil, tad ynda yn pyndep ïa ka Ïa ki Jentil.

HEBRU 10:29

ka jingpynshitom ba kham jur katno, phi tharai, kan dei ïa uta uba la ïuh hapoh ki kjat ïa U Khun U Blei, bad ba la ñiew bymkhuid ïa ka snam ka jutang, da kaba la pynkhuid ïa u, bad ba la lehbeiñ ïa U Mynsiem ka jingaiei?

JINGPYNPAW 11:11

Te hadien kita ki lai sngi shiteng, U Mynsiem ka jingim na U Blei u la leit bsut ha ki, bad ki la ïeng joit da ki kjat jong ki; te ka jingsheptieng bakhraw ka la ngat ha kita kiba la khmih ïa ki.

JINGPYNPAW 11:3

Bad ngan ai bor ha ki ar ngut ki nongïaphla jong nga, te kin ïathuhlypa shi hajar arspah hynriewphew sngi, kiba la kup ki jaiñ khain.”

JINGPYNPAW 12:6

Bad kata ka briew ka la phet ïap sha ka ri khlaw, ha kaba ka don ka jaka ïa kaba la khreh da U Blei, khnang ba hangta kin ïoh ïabsa ïa ka, shi hajar arspah hynriewphew sngi.

JINGPYNPAW 21:10

Te u la rah noh ïa nga ha U Mynsiem shalor u lum bakhraw bad bajrong, bad u la kdew ha nga ïa kata ka nongbah ka bakhuid, ka Jerusalem keiñ, ba ka wan hiar na bneng na U Blei,

JINGPYNPAW 21:2

Bad nga la ïohi ïa ka nongbah ka bakhuid, ka Jerusalem bathymmai, ba ka da wan hiar na U Blei na bneng, ïa kaba la khreh kum ka nongleit-kurim ïa kaba la pynibha khnang ïa u tnga jong ka.

JINGPYNPAW 22:19

te lada uno uno ruh un shim noh na kita ki ktien ka kitab jong kane ka jingïathuhlypa, U Blei un shim noh ïa ka bynta jong u na u dieng ka jingim, bad na kata ka nongbah ka bakhuid, bad na kita kiei kiei ruh ïa kiba la thoh ha kane ka kitab.