JINGPYNPAW 10:6 - KA BAIBL

⁶ bad u la smai ha uta uba ïai-im sha ki bymjukut ki bymjukut, uba la thaw ïa ka bneng bad kiei kiei ruh kiba ha ka, bad ïa ka khyndew bad kiei kiei ruh kiba ha ka, bad ïa ka duriaw bad kiei kiei ruh kiba ha ka, ba kan ym long ka jingpyntud shuh:

Khasi CL Bible (BSI)

⁶ bad u la smai ha ka kyrteng U Blei, uba im junom la junom, uba la thaw ïa ka bneng, ïa ka khyndew, bad ïa kata ka duriaw, bad baroh kiba don ha ki. Uta u angel u la ong, “Yn ym don jingpynslem shuh!

JINGPYNPAW 10:6 ပူးပေါင်းရင်းမြစ်များ

JINGPYNPAW 4:11

“Me long uba dei, A Trai bad U Blei jong ngi, ban pdiang ïa kata ka burom bad ïa kata ka jingpyndonburom bad ïa kata ka bor, naba me la thaw ma me ïa kiei kiei baroh, bad namar kata ka mon jong me ki ïalong, bad la thaw ïa ki.”

JINGPYNPAW 16:17

Bad uta u bahynñiew u la theh noh ïa ka pliang jong u sha ka suiñbneng; te ka la wan mih noh ka ktien bajam na kata ka templ, na kata ka khet, ka da ong, “La pyndep!”

JINGPYNPAW 4:9

Bad haba kita ki jingthaw ba-im ki ïa-ai ka burom bad ka jingpyndonburom bad ka jingnguh ha uta uba shong halor kata ka khet, ha uta u ba-im sha ki bymjukut ki bymjukut,

JENESIS 14:22

Te u Abram u la ïathuh ha u syiem ka Sodom, “Nga la kyntiew ïa la ka kti sha U Trai, uba U Blei U Bahalor Tam Eh, uba U Trai ka bneng bad ka khyndew,

EKSODOS 6:8

Ngan wallam ruh ïa phi sha kata ka ri, shaphang kaba nga la smai ban ai ïa ka ha u Abraham, ha u Isaak, bad ha u Jakob ruh; te ngan ai ïa ka, ban long ka bynta jong phi: ma nga, nga long U Jehobah.’ ”

EKSODOS 20:11

naba ha ki hynriew sngi, U Trai u la thaw ïa ka bneng bad ïa ka khyndew, ïa ka duriaw ruh, bad ïa baroh katba don ha ki, u la shong sngi ruh ha kata ka sngi ka bahynñiew: namar kata, U Trai u la kyrkhu ïa ka sngi Sabbaton, bad u la pynkyntang khuid ïa ka ruh.

JINGKHEIÑ 14:30

da shisha keiñ, phin ym ïoh poi sha kata ka ri, ïa kaba nga la smai da kyntiew ïa la ka kti, ïa ka ban pynshong duh ïa phi ha ka, hynrei, tang u Kaleb u khun u Jephunneh, bad u Joshua u khun u Nun.

ESEKIEL 20:5

bad to ong ha ki, ‘Kumne u ong U Trai U Blei: Ha kata ka sngi ha kaba nga la jied ïa u Israel, bad ba nga la rah ïa la ka kti ha u symbai ka ïing u Jakob, bad ba nga la pynpaw ïa lade ha ki ha ka ri Ijipt, haba nga la rah ïa la ka kti ha ki, nga da ong, “Nga long U Trai U Blei jong phi;”

DANIEL 12:7

Bad nga la ïohsngew ïa uta u briew uba la kup jaiñ linen, uba la don halor ki um jong kata ka wah, mynba u la rah ïa ka kti kamon jong u bad ïa ka kti kadiang jong u sha bneng, bad ba u la smai ha uta u ba-im ha la ka rta ba kan long shi por, ki por, bad ka shiteng; bad ynda ki la lah pynduh ïa ka bor jong kita ki briew ki bakhuid, ïa kine baroh yn sa pyndep.

JINGPYNPAW 1:18

bad nga la jia long u baïap, te ha khmih, nga long u ba-im sha ki bymjukut ki bymjukut, bad nga don keiñ ki shabi ka dujok bad ka jingïap.

JINGPYNPAW 4:10

kita ki arphew saw ngut ki tymmen basan ki ïahap dem ha khmat uta uba shong halor kata ka khet, bad ki ïamane ïa uta u ba-im sha ki bymjukut ki bymjukut, bad ki ïabred ïa kita ki pansngiat jong ki ha khmat kata ka khet, ki da ong,

JINGPYNPAW 6:11

Bad la ai ha uwei pa uwei baroh ïa ka jaiñkup balieh; bad la ong ha ki, ba kin da ïashong thait shuh sa shibit ar bit, tad ynda yn pyndep noh ïa kita ki para shakri jong ki ruh bad kita ki parabangeit jong ki, ïa ki ban sa pynïap noh kumba ïa ki ruh.

JINGPYNPAW 12:12

Naba kumta to ïakmen, ko ki bneng, bad phi kiba shong ha ki. Kordit ïa kata ka khyndew, bad ïa ka duriaw! naba uta u Ksuid u la leit hiar ha phi, uba don ka jingbitar bakhraw, naba u tip ba u don tang khyndiat por.”

JINGPYNPAW 21:6

Bad u la ong ha nga, “La pyndep. Nga long ma nga U Alpha bad U Omega, u basdang bad u bakut. Ha uta u basliang ngan ai ei na ka jong kata ka pukri ka um ka jingim.