JINGPYNPAW 10:5 - KA BAIBL

⁵ Te uta u angel ïa uba nga la ïohi ba u da ïeng halor kata ka duriaw bad halor kata ka khyndew, u la rah ïa la ka kti kamon sha bneng,

Khasi CL Bible (BSI)

⁵ Te u angel ïa uba nga la ïohi ba u ïeng halor ka duriaw bad halor ka khyndew u la rah ïa la ka kti kamon sha bneng

JINGPYNPAW 10:5 ပူးပေါင်းရင်းမြစ်များ

JENESIS 14:22

Te u Abram u la ïathuh ha u syiem ka Sodom, “Nga la kyntiew ïa la ka kti sha U Trai, uba U Blei U Bahalor Tam Eh, uba U Trai ka bneng bad ka khyndew,

NEHEMAÏAH 9:6

“Me long U Trai, tang ma me hi; me la thaw ïa ka bneng, ka bneng jong ki bneng, bad ki paidbah jong ki baroh, ïa ka khyndew bad kiei kiei baroh katba don ha ka, ïa ki duriaw bad baroh katba don ha ki, bad me kyrshan ïa ki baroh; bad u paidbah bneng u mane ïa me.

SALM 146:5

Suk uta uba ka jingïarap jong u long U Blei u Jakob, uba ka jingkyrmen jong u ka ha U Trai U Blei jong u:

EKSODOS 20:11

naba ha ki hynriew sngi, U Trai u la thaw ïa ka bneng bad ïa ka khyndew, ïa ka duriaw ruh, bad ïa baroh katba don ha ki, u la shong sngi ruh ha kata ka sngi ka bahynñiew: namar kata, U Trai u la kyrkhu ïa ka sngi Sabbaton, bad u la pynkyntang khuid ïa ka ruh.

EKSODOS 6:8

Ngan wallam ruh ïa phi sha kata ka ri, shaphang kaba nga la smai ban ai ïa ka ha u Abraham, ha u Isaak, bad ha u Jakob ruh; te ngan ai ïa ka, ban long ka bynta jong phi: ma nga, nga long U Jehobah.’ ”

ESEKIEL 20:15

Nalor kata ruh, nga la rah pat ïa la ka kti ha ki ha ka ri khlaw, ba ngan ym leit lam ïa ki sha kata ka ri kaba nga la ai ïa ki, kaba tuid da ka dud bad ka ngap, kaba long ka burom jong ki ri baroh;

ESEKIEL 20:23

Nga la rah pat la ka kti ha ki ha kata ka ri khlaw, ba ngan pynsaphred ïa ki hapdeng ki jaid bynriew, bad ngan pynsakma ïa ki sha kylleng ki ri;

ESEKIEL 20:28

Naba haba nga la wallam ïa ki sha kata ka ri, ïa kaba nga la rah ïa la ka kti ban ai ha ki, te ki la shu ïohi ïa u lum bajrong baroh, bad ïa u dieng uba bniap baroh, bad ki la ainguh ïa la ki jingkñia hangta, bad hangta ki la ïa-ai ïa la ki jingainguh kiba pynkhih bitar, hangta ruh, ki la pynlong la ki jingiw baiwbih, bad hangta ki la ïatheh noh ïa la ki jingainguh dih.

ESEKIEL 20:42

Bad phin ïoh tip ba nga long U Trai, haba ngan wallam ïa phi sha ka ri Israel, sha ka ri kaba nga la rah la ka kti ban ai ha ki kpa jong phi.

ESEKIEL 20:5

bad to ong ha ki, ‘Kumne u ong U Trai U Blei: Ha kata ka sngi ha kaba nga la jied ïa u Israel, bad ba nga la rah ïa la ka kti ha u symbai ka ïing u Jakob, bad ba nga la pynpaw ïa lade ha ki ha ka ri Ijipt, haba nga la rah ïa la ka kti ha ki, nga da ong, “Nga long U Trai U Blei jong phi;”

ESEKIEL 36:7

namar kata, kumne u ong U Trai U Blei: “Nga la rah ïa ka kti jong nga, nga da ong, Da shisha kita ki Jentil kiba sawdong ïa phi, kin kit ïa ka jinglehrain jong ki hi.

ESEKIEL 47:14

Bad phin ïoh kynti ïa ka, uwei kumjuh kum uwei pat; shaphang kata, nga la rah la ka kti ban ai ïa ka ha ki kpa jong phi: bad kane ka ri kan hap ha phi ban long ka jingïoh pateng.

DANIEL 12:7

Bad nga la ïohsngew ïa uta u briew uba la kup jaiñ linen, uba la don halor ki um jong kata ka wah, mynba u la rah ïa ka kti kamon jong u bad ïa ka kti kadiang jong u sha bneng, bad ba u la smai ha uta u ba-im ha la ka rta ba kan long shi por, ki por, bad ka shiteng; bad ynda ki la lah pynduh ïa ka bor jong kita ki briew ki bakhuid, ïa kine baroh yn sa pyndep.

KI KAM 14:15

ki da ong ruh, “Ko rangbah, balei phi leh ïa kine kiei kiei ruh! Ngi ruh ngi long tang ki briew kiba kum phi hi, bad ngi ïathuhkhana babha ha phi ba phin phai noh na kine ki jingmane thala sha U Blei u ba-im, uba la thaw ïa ka bneng, bad ïa ka khyndew, bad ïa ka duriaw, bad ïa kiei kiei baroh kiba don ha ki.

KI KAM 17:23

namar haba nga ïaid bad nga khmih thuh ïa kiei kiei ruh ki jingmane jong phi, nga la shem ka duwan ha kaba la don ka jingthoh kum kane, ‘Ha U Blei ïa u bymithuh.’ Ïa uba phi ïamane namar kata khlem da ithuh, ïa une keiñ nga ïalap ha phi:

Ka Shithi U Paul Sha Ki Nong Rom 1:20

namar ïa kita kiei kiei ruh ki bym lah ïohi ki jong u naduh ka jingpynlong ïa ka pyrthei la ïohi shynna, ba la shemphang ïa ki na kita kiei kiei ruh ba la thaw, kiba long, ka bor bymjukut ruh bad ka jinglong Blei jong u, khnang ba kin long khlem jingkrendong shuh.

DEUTERONOMI 32:40

Naba nga rah ïa la ka kti sha bneng, bad nga ong, “Nga im ha la ka rta.”

HEBRU 6:13

Namar U Blei haba u la kular ha u Abraham, naba um lah ban smai dano dano ruh uba kham khraw, u la smai da lade hi,

JINGPYNPAW 1:18

bad nga la jia long u baïap, te ha khmih, nga long u ba-im sha ki bymjukut ki bymjukut, bad nga don keiñ ki shabi ka dujok bad ka jingïap.

JINGPYNPAW 10:2

bad u don ha ka kti jong u ka kitab rit ba la plie. Bad u la buh ïa ka kjat kamon jong u halor ka duriaw, bad ïa kadiang halor ka khyndew;

JINGPYNPAW 14:7

bad u ong da ka ktien bajam, “To sheptieng ïa U Blei, bad to ai ka burom ha u; naba la wan ka por ka jingbishar jong u: bad to phin ïamane dem ïa uta uba la thaw ïa ka bneng bad ïa ka khyndew, bad ïa ka duriaw bad ïa ki pukri um.”

JINGPYNPAW 16:17

Bad uta u bahynñiew u la theh noh ïa ka pliang jong u sha ka suiñbneng; te ka la wan mih noh ka ktien bajam na kata ka templ, na kata ka khet, ka da ong, “La pyndep!”

JINGPYNPAW 4:11

“Me long uba dei, A Trai bad U Blei jong ngi, ban pdiang ïa kata ka burom bad ïa kata ka jingpyndonburom bad ïa kata ka bor, naba me la thaw ma me ïa kiei kiei baroh, bad namar kata ka mon jong me ki ïalong, bad la thaw ïa ki.”

JINGPYNPAW 4:9

Bad haba kita ki jingthaw ba-im ki ïa-ai ka burom bad ka jingpyndonburom bad ka jingnguh ha uta uba shong halor kata ka khet, ha uta u ba-im sha ki bymjukut ki bymjukut,