JINGPYNPAW 10:3 - KA BAIBL

³ bad u la pyrta da ka ktien bajam, kumba kyrhuh u sing; te mynba u la pyrta, ki hynñiew ki pyrthat ki la ïalap ïa ki ktien sawa jong ki.

Khasi CL Bible (BSI)

³ bad u la pyrta da ka sur kaba jam kaba sawa kum ka jingkyrhuh ki sing. Hadien ba u la pyrta jam, ki hynñiew tylli ki pyrthat ki la jubab da ka jingkyrhuh.

JINGPYNPAW 10:3 ပူးပေါင်းရင်းမြစ်များ

SALM 29:3

Ka ktien sawa U Trai ka halor ki um: U Blei ka burom u riew pyrthat, U Trai keiñ halor bun ki um.

PROBERB 19:12

Ka jingbitar u syiem ka long kum ka jingkyrhuh u sing; hynrei, ka jingsngewbha jong u kum ka umjer halor u phlang.

ISAÏAH 31:4

Namar kumne u ong U Trai ha nga, “Kumjuh kumba u sing u kyrhuh bad u sing samla halor la ka jinglute, lada khot ruh ïa u paidbah ki nongaplangbrot ban ïaleh ïa u, un ym sheptieng na ka jingpyrta jong ki, lymne un ym pynrit ïa lade namar ka jingsawa jong ki: kumta U Trai ki paid un wan hiar ban ïaleh halor u lum Seïon, bad halor u lum rit jong u.

ISAÏAH 42:13

U Trai un mih noh kum u radbah; un pynkhih jingbitar kum u riewïapom: un pyrta, shisha keiñ, un kynhui; un leh borbah ïa la ki nongshun.

ISAÏAH 5:29

ka jingkyrhuh jong ki kan long kum u sing, bad kin kyrhuh kum ki sing samla; shisha keiñ, kin byrngem, bad kin kynrup ïa ka jinglute, kin rong noh shlur, bad yn ym don u ban pyllait noh.

JEREMAÏAH 25:30

“Namar kata, to ïathuhlypa pyrshah ïa ki, ïa kine ki ktien baroh, bad to ong ha ki, “ ‘U Trai un kyrhuh na jrong, bad un pynmih ïa la ka ktien na la ka jaka shong ka bakhuid; un kyrhuh jam pyrshah ïa la ka jingker; un pyrta, kum kita kiba ïuh ïa ki soh Waiñ, pyrshah ïa kiba shong ha ka khyndew baroh.

ESEKIEL 10:5

Bad ïa ka jingriew ki thapniang kita ki Kherub, la ïohsngew shaduh ka phyllaw kaba habar, kum ka jingsawa U Blei Badonbor Baroh haba u kren.

HOSIA 11:10

“Kin bud ïa U Trai, u ban kyrhuh kum u sing: namar u hi un kyrhuh, te ki khun kin wan da kaba khynñiuh na sepngi.

JOEL 3:16

Bad U Trai un kyrhuh na Seïon, bad un pynmih ïa la ka ktien na Jerusalem; bad ki bneng bad ka khyndew kin khih: hynrei, U Trai un long jaka rieh ïa la ki briew, bad ka kut baskhem ïa ki khun Israel.

AMOS 1:2

Bad u la ong, “U Trai un kyrhuh na Seïon, bad un pynmih ïa la ka ktien na Jerusalem; ki jaka pynbam phlang ki nongaplangbrot kin ïapstai, bad ka khlieh u Karmel kan ïap tyrkhong.”

AMOS 3:8

U sing u la kyrhuh, uei u ban ym sheptieng? U Trai U Blei u la kren, uei u ban ym ïathuhlypa?”

JINGPYNPAW 14:2

Bad nga la ïohsngew ïa ka ktien sawa na bneng, kum ka jingsawa shibun ki um, bad kum ka jingsawa u pyrthat bakhraw: bad kata ka jingsawa kaba nga la ïohsngew, ka la long kum ka jingsawa ki nongtem duitara haba ki ïatem ha ki duitara jong ki.

JINGPYNPAW 15:1

Bad nga la ïohi ïa kawei pat ka dak khyllah ha bneng, kaba khraw bad ba-iphylla, hynñiew angel kiba don hynñiew ki jingïapthem, kiba long ki bakhatduh; naba ha ki la pyndep noh ïa kata ka jingbitar U Blei.

JINGPYNPAW 15:7

Bad uwei na kita ki jingthaw ba-im u la ai ha kita ki hynñiew angel, hynñiew ki pliang ksiar ba-dap da ka jingbitar U Blei u ba-im sha ki bymjukut ki bymjukut.

JINGPYNPAW 4:5

Bad na kata ka khet ki mih noh ki leilieh bad ki jingsawa bad ki pyrthat. Bad la don hynñiew ki sharak ding bathang ha khmat kata ka khet, kiba long kita ki hynñiew ki mynsiem U Blei.

JINGPYNPAW 8:5

Bad uta u angel u la shim ïa kata ka pliang bathang iwbih, bad u la pyndap ïa ka da ka ding na kata ka duwan, bad u la bred ïa ka shalor ka khyndew; te la long ki pyrthat bad ki jingsawa bad ki leilieh, bad ka jingkhynñiuh jumai.