JINGPYNPAW 1:9 - KA BAIBL

⁹ Ma nga u Ïoannis, uba u parabangeit jong phi, bad u nongïaïoh bynta lem ha ka jingjynjar, bad ha ka hima bad ka jingïaishah U Jisu Khrist, nga la don ha kata ka 'dewlynnong ïa kaba la khot “Patmos”, na ka bynta ka ktien U Blei bad na ka bynta ka jingphla ïa U Jisu Khrist.

Khasi CL Bible (BSI)

⁹ Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.

JINGPYNPAW 1:9 ပူးပေါင်းရင်းမြစ်များ

MATHAÏOS 20:23

U ïathuh te ha ki, “Phin ïoh dih shisha na ka khuri jong nga, bad da kata ka jingbaptis da kaba la pynbaptis ïa nga, yn pynbaptis ïa phi keiñ, hynrei, ïa ka ban shong sha kamon jong nga bad sha kadiang jong nga, kam long ka jong nga ban ai, hynrei, tang ha kita ïa kiba U Kpa jong nga u la pynkhreh ïa ka.”

MARKOS 10:39

Te ki la ong ha u, “Ngi lah.” Hynrei, U Jisu u la ong ha ki, “Ïa kata ka khuri, na kaba ngan sa dih, phin dih shisha, bad da kata ka jingbaptis da kaba yn sa pynbaptis ïa nga, yn pynbaptis ïa phi ruh;

ÏOANNIS 16:33

Nga la kren ïa kine kiei kiei ruh ha phi, ba phin ïoh ka jingsuk ha nga; ha kata ka pyrthei phin ïoh ka jynjar, hynrei, to long shlur phi! nga, nga la jop ïa kata ka pyrthei.”

KI KAM 1:15

Ha kita ki sngi te, haba u Petros u la ïeng hapdeng ki synran, u la ong (te ka jingïalang ki briew ka la long jin shispah arphew),

KI KAM 14:22

ki da pynskhem ïa ki mynsiem jong ki synran, da kaba sneng ïa ki ban ïaineh ha kata ka jingngeit, bad ba ka dei ïa ngi ban bsut shapoh ka hima U Blei lyngba shibun ki jynjar.

Ka Shithi U Paul Sha Ki Nong Rom 8:17

kumta, lada ngi long ki khun, ngi long ki nongïoh pateng ruh; ki nongïoh pateng U Blei keiñ bad ki nongïaïoh pateng lem bad U Khrist de; lada shisha ngi ïashah shitom lem bad u, yn ïoh pyndonburom lem ïa ngi ruh bad u.

Ka Shithi U Paul Sha Ki Nong Rom 8:25

Hynrei, lada ngi kyrmen ïa kata kaba ngim ïohi, te da kaba ïaishah ngi khmih lynti ïa kata.

2 KORINTH 1:7

Te ka jingkyrmen jong ngi ka skhem shaphang jong phi, da kaba ngi tip ba kat kumba phi long kiba ïoh bynta na ka jong kita ki jingshahshitom, kumta ruh, phi long na kata ka jingpyntngen.

PHILIPPI 1:7

kumba ka long kaba dei keiñ ïa nga ban mut kumne shaphang jong phi baroh, naba phi don ha ka dohnud jong nga, namar ha kine ki kynjri jong nga bad ha ka jingïada bad ka jingpynskhem ïa ka gospel, phi long baroh kiba ïaïoh bynta lem bad nga na ka jingaiei.

PHILIPPI 4:14

La kumta ruh, phi la leh bha ba phi la don ka jingïasyllok bad ka jingshahshitom jong nga.

2 THESSALONI 3:5

Te U Trai un ïalam ïa ki dohnud jong phi sha ka jingieit jong U Blei, bad sha ka jingïaishah jong U Khrist.

2 TIMOTHI 1:8

Namar kata, wat sngewlehrain ïa kata ka jingphla ïa U Trai jong ngi, lymne ïa nga u nongsah byndi jong u; hynrei, to ïashah shitom bad ka gospel katba kum ka bor U Blei;

HEBRU 10:36

Namar phi donkam ïa ka jingïaishah, ba haba phi la ïoh leh ïa ka mon U Blei, phin ïoh pdiang ïa kata ka jingkular.

1 PETROS 5:1

Ïa ki tymmen basan kiba hapdeng jong phi, namar kata, nga kyntu, uba u para tymmen basan keiñ, bad u sakhi ïa kita ki jingshahshitom U Khrist, bad u nongïoh bynta ruh na kata ka burom ïa ka ban sa pynpaw,

JINGPYNPAW 1:1

Ka jingpynpaw U Jisu Khrist, ïa kaba U Blei u la ai ha u, ban pyni ha ki shakri jong u ïa kiei kiei ruh kiba dei ban jia long shen; bad haba u la phah da u angel jong u, u la pyntip ïa ka ha u Ïoannis u shakri jong u,

JINGPYNPAW 1:2

uba la phla ïa ka ktien U Blei, bad ïa ka jingphla U Jisu Khrist, ïa kita kiei kiei baroh keiñ kiba u la ïohi.

JINGPYNPAW 1:4

U Ïoannis, ha kita ki hynñiew balang kiba ha Asia: To long ka jingaiei ha phi bad ka jingsuk, na uta uba long bad uba la ju long bad u ban sa wan; bad na kita ki hynñiew ki mynsiem kiba long ha khmat ka khet jong u;

JINGPYNPAW 1:6

bad u la pynlong ïa ngi ki syiem bad ki lyngdoh ha U Blei bad U Kpa jong u; ha u to long ka burom bad ka jingsynshar sha ki bymjukut ki bymjukut: Amen.

JINGPYNPAW 11:7

Te ynda ki la ïoh pyndep noh ïa kata ka jingphla jong ki, uta u mrad uba kiew noh na kata ka 'liewlong bakhlem trai, un pynlong ïa ka jingïaleh thma bad ki, bad un jop thiaw ïa ki, bad un pynïap noh ïa ki.

JINGPYNPAW 12:11

Hynrei, ki la jop noh ma ki ïa u, namar kata ka snam jong uta u Khun langbrot, bad namar kata ka ktien ka jingphla jong ki; te kim shym la ieit ïa ka jingim jong ki jin haduh ka jingïap.

JINGPYNPAW 12:17

Te uta u ïakjakor u la sngewbitar lep ïa kata ka briew, bad u la leit noh ban ïaleh thma bad kita kiba sah na u symbai jong ka, kita kiba sumar ïa ki hukum U Blei bad kiba bat ïa kata ka jingphla ïa U Jisu Khrist. Te u la ïeng halor u shyiap ka duriaw.

JINGPYNPAW 13:10

“Lada uno uno ruh u ïalam mraw, u leit noh hi keiñ sha ka jinglongmraw: lada uno uno ruh u pynïap noh da ka waitlam, ka dei ban pynïap noh ïa u da ka waitlam. “Hangne don ka jingïaishah bad ka jingngeit jong kita ki riewkhuid.”

JINGPYNPAW 14:12

Hangne ka don ka jingïaishah jong kita ki riewkhuid, kita kiba sumar ïa ki hukum U Blei, bad ïa ka jingngeit U Jisu.

JINGPYNPAW 19:10

Te nga la hap dem ha khmat ki kjat jong u ban mane dem ha u. Te u ong ha nga, “To sumar me, wat leh ïa kata! nga long u para shakri jong me bad jong kita ki parabangeit jong me kiba bat ïa ka jingphla U Jisu. To mane dem ïa U Blei” (namar kata ka jingphla U Jisu ka long ka mynsiem ka jingïathuhlypa).

JINGPYNPAW 20:4

Bad nga la ïohi ïa ki khet, bad don kiba la shong halor jong ki, bad la ai ka jingbishar ha ki; bad nga la ïohi ïa ki mynsiem jong kita ïa kiba la khrai khlieh na ka bynta kata ka jingphla ïa U Jisu, bad na ka bynta ka ktien U Blei, bad jar ki bym shym la ïamane dem ïa uta u mrad khlaw, lymne ïa ka dur jong u, bad kim shym la pdiang ïa kata ka dak halor ka shyllangmat jong ki bad halor ka kti jong ki; te ki la im, bad ki la synshar lem bad U Khrist, shi hajar snem.

JINGPYNPAW 3:10

Naba pha la ri skhem ïa ka ktien ka jingïaishah jong nga, te nga ruh ngan ri kyndong ïa pha na kata ka por jong ka jingtynjuh, ka ban sa jia long ha ka pyrthei baroh kawei, ban tynjuh keiñ, ïa kita kiba shong ha ka khyndew.

JINGPYNPAW 6:9

Bad mynba u la plie ïa ka jingpyndait ka basan, nga la ïohi hapoh ka duwan ïa ki mynsiem ki jong kita ïa kiba la pynïap noh na ka bynta ka ktien U Blei, bad na ka bynta kata ka jingphla ïa kaba ki la ju ïabat skhem.

JINGPYNPAW 7:14

Te nga la ïathuh ha u, “Ko Kynrad, me tip ma me.” Te u la ong ha nga, “Kine ki long kita keiñ kiba wan na kata ka jingjynjar bakhraw, bad ki la sait ïa kita ki jaiñkup jong ki, bad ki la pynkhuid lieh ïa ki ha ka snam jong uta U Khun langbrot.