JINGPYNPAW 1:8 - KA BAIBL

⁸ “Nga long ma nga U Alpha bad U Omega,” ong U Trai uba U Blei, uta uba long bad uba ju long bad uta u ban sa wan, uta U Badonbor Baroh.

Khasi CL Bible (BSI)

⁸ “Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 1:8 ပူးပေါင်းရင်းမြစ်များ

JENESIS 17:1

Te u Abram u la long khyndaiphew khyndai snem, bad U Trai u la paw ha u Abram, bad u la ong ha u, “Nga long U Blei U Badonbor Baroh; to ïaid ha khmat jong nga, bad to long me uba janai.

JENESIS 28:3

Bad U Blei U Badonbor Baroh un da kyrkhu ïa me, bad un da pynkharoi ïa me, bad un da pynlong bun ruh ïa me, ba men ïoh long ka jingïalang ki paidbah.

JENESIS 35:11

U Blei u la ong ruh ha u, “Nga long U Blei U Badonbor Baroh: to da nang kharoi, bad to da nang man bun ruh; ka jaid bynriew bad ka jingïalang ki jaid bynriew kin ïamih noh na me bad ki syiem ruh kin mih na ki syngkai jong me.

JENESIS 43:14

bad to ai ba U Blei U Badonbor Baroh un ai ka jingisynei ïa phi ha khmat uta u rangbah, bad un phah pyllait noh ha phi ïa uta uwei pat u para jong phi, bad ïa u Benjamin de. Bad ma nga, lada yn pynduh khun ïa nga to yn pynduh khun keiñ.”

JENESIS 48:3

Bad u Jakob u la ong ha u Joseph, “U Blei U Badonbor Baroh u la mihpaw ha nga ha Lus ha ka ri Kanaan, bad u la kyrkhu ïa nga,

JENESIS 49:25

da U Blei u kpa jong me keiñ, u ban ïarap ïa me, bad U Badonbor Baroh, u ban kyrkhu ïa me da ki jingkyrkhu ka bneng na jrong, bad da ki jingkyrkhu kiba jylliew ba long shapoh, bad da ki jingkyrkhu ki jymbuiñ bad jong ka kpoh.

EKSODOS 3:14

Bad U Blei u la ïathuh ha u Moses, “NGA long ba NGA long”: u la ong ruh, “Kumne men ong ha ki khun Israel, NGA long u la phah ïa nga ha phi.”

EKSODOS 6:3

Te ha u Abraham, ha u Isaak, bad ha u Jakob, nga la mihpaw da ka kyrteng U Blei U Badonbor Baroh, hynrei, da ka kyrteng jong nga ‘JEHOBAH’ kim shym la ithuh ïa nga.

ISAÏAH 41:4

Uei ba la trei bad ba la leh ïa kane, u da khot ïa ki pateng bynriew naduh kaba mynnyngkong? Ma nga U Trai, u banyngkong, lem bad u bakhatduh ruh, nga long uta.

ISAÏAH 43:10

Ma phi, phi long ki sakhi jong nga,” ong U Trai, “bad u shakri jong nga ïa uba nga la jied: ba phin tip bad ba phin ngeit ha nga, bad sngewthuh ba nga long uta; ha shuwa jong nga ym shym la thaw blei, lymne hadien jong nga ruh yn ym long.

ISAÏAH 44:6

Kumne u ong U Trai, U Syiem u Israel, bad u Nongsiewspah jong u, U Trai ki paid: “Nga, nga long u banyngkong, bad nga, nga long u bakhatduh; bad nalor jong nga ym don Blei shuh.

ISAÏAH 48:12

“To shahshkor ïa nga, ko Jakob, bad ko Israel ïa uba la khot jong nga: ‘Nga long uta; nga, nga long u banyngkong, bad nga long u bakhatduh de.’

ISAÏAH 9:6

Namar ha ngi la kha ïa u khun, la ai ïa u khun ha ngi; te ka jingsynshar kan long halor ka tyrpeng jong u: bad yn khot ïa ka kyrteng jong u, “U Baphylla, U Nongsylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JINGKHEIÑ 24:4

u nongsngew ïa ki jingong U Blei u la ong, uba la ïohi ïa ka jingithuhpaw jong U Balah Baroh, uba la hap ha ka jingi-rngai, hynrei, haba ki dang peit ki khmat jong u:

2 KORINTH 6:18

bad ngan long U Kpa ïa phi, ma phi ruh, phin long ki khun shynrang bad ki khun kynthei ïa nga,” ong U Trai u Badonbor Baroh.

JINGPYNPAW 1:11

ka da ong, “Nga long ma nga U Alpha bad U Omega, u banyngkong bad u bakhatduh: ïa kaba me ïohi, to thoh ha ka kitab, bad to phah ha kita ki hynñiew balang; sha Ephesos, bad sha Smyrna, bad sha Pergamos, bad sha Thiateira, bad sha Sardis, bad sha Philadelphia, bad sha Laodikaïa.”

JINGPYNPAW 1:17

Bad haba nga la ïohi ïa u, nga la kyllon sbak ha ki kjat jong u kum uba ïap. U te u la buh ïa ka kti kamon jong u ha nga, u da ong, “To wat sheptieng; nga long ma nga u banyngkong bad u bakhatduh, bad uta U Ba-im;

JINGPYNPAW 1:4

U Ïoannis, ha kita ki hynñiew balang kiba ha Asia: To long ka jingaiei ha phi bad ka jingsuk, na uta uba long bad uba la ju long bad u ban sa wan; bad na kita ki hynñiew ki mynsiem kiba long ha khmat ka khet jong u;

JINGPYNPAW 11:17

ki da ong, “Ngi ïanguh ïa me, ko Trai uba U Blei Badonbor Baroh, uba long bad uba la ju long; naba me la shimti ïa la ka bor kaba khraw, bad me la synshar.

JINGPYNPAW 15:3

Bad ki ïarwai ïa ka jingrwai u Moses u shakri jong U Blei, bad ïa ka jingrwai jong uta U Khun langbrot, ki da ong, “Kiba khraw bad ba-iphylla long kita ki jingleh jong me, A U Trai uba U Blei Badonbor Baroh! ki bahok bad bashisha kita ki lynti jong me, U Syiem jong kita ki rta!

JINGPYNPAW 16:14

namar ki long ki mynsiem ki ksuid kiba leh ïa ki dak khyllah; kiba leit mih noh sha kita ki syiem jong kata ka pyrthei baroh kawei, ban ïalum lang ïa ki sha kata ka thma jong kata ka sngi ka bakhraw U Blei U Badonbor Baroh.

JINGPYNPAW 16:7

Bad nga la ïohsngew na kata ka duwan kaba ong, “Shisha, ko Trai uba U Blei Badonbor Baroh, kiba shisha bad ki bahok long kita ki jingkut bishar jong me.”

JINGPYNPAW 19:15

Bad na ka shyntur jong u ka mih noh ka waitlam banep, bad da kata un da shoh ïa ki kynja bynriew: te un synshar ïa ki da u dieng synshar nar: bad u ïuh roit ïa ka jingtylliat umsoh ka jingshla ka jong ka jingbitar U Blei U Badonbor Baroh.

JINGPYNPAW 19:6

Bad nga la ïohsngew kum ka jingsawa u paidbah byllien, bad kum ka jingsawa shibun ki um, bad kum ka jingsawa ki pyrthat bajam, ki da ong, “Halleluïa! naba U Trai uba U Blei jong ngi, U Badonbor Baroh, u la synshar.

JINGPYNPAW 2:8

“Bad ha uta u angel jong ka balang ha Smyrna to thoh: Ïa kine kiei kiei ruh u ong uta u banyngkong bad u bakhatduh, uba la jia long u baïap, bad u la im pat:

JINGPYNPAW 21:22

Bad ïa ka templ ngam shym la ïohi ha ka: namar U Trai uba U Blei U Badonbor Baroh, bad uta U Khun langbrot, ki long ka templ jong ka.

JINGPYNPAW 21:6

Bad u la ong ha nga, “La pyndep. Nga long ma nga U Alpha bad U Omega, u basdang bad u bakut. Ha uta u basliang ngan ai ei na ka jong kata ka pukri ka um ka jingim.

JINGPYNPAW 22:13

Nga long ma nga U Alpha bad U Omega, u banyngkong bad u bakhatduh, u basdang bad u bakut.”

JINGPYNPAW 4:8

Bad kita ki saw ki jingthaw ba-im ki da don uwei pa uwei, hynriew ki thapniang, baroh sawdong bad shapoh ki da dap da ki khmat, bad kim ïoh kaba shongthait mynsngi bad mynmiet, ki da ong, “U Bakhuid, U Bakhuid, U Bakhuid, U Trai uba U Blei Badonbor baroh, uta uba la ju long bad uta uba long bad uta u ban sa wan.”