JINGPYNPAW 1:7 - KA BAIBL

⁷ Ha khmih, u wan bad ki lyoh, bad ka khmat baroh kan ïohi ïa u, bad kita ruh kiba la sum ïa u; bad ki jaid bynriew baroh jong ka pyrthei kin ïalynñiar lympat namar jong u. Kumta shisha: Amen.

Khasi CL Bible (BSI)

⁷ Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!

JINGPYNPAW 1:7 ပူးပေါင်းရင်းမြစ်များ

Ka Kitab U Job 33:26

u duwai ha U Blei, U ruh U sngewbha ïa u; kumta, U khmih ïa ka khmat jong u da kaba kmen; bad U ai pat ha u briew ïa la ka hok.

SALM 22:16

Naba ki ksew ki la ker sawdong ïa nga: ka jingïaseng ki nongkam sniew ki la ker kut ïa nga; ki la sum ïa ki kti bad ïa ki sla'jat jong nga.

SALM 68:1

To ai ba U Blei un ïeng, to ai ban pynsaphred ïa ki nongshun jong u; ai ba kita ruh kiba shun ïa u kin phet ïap ha khmat jong u.

SALM 97:2

Ki lyoh bad ka jingdum kiba baroh sawdong ïa u: ka hok bad ka jingbishar ki long ka nongrim ka khet jong u.

ISAÏAH 19:1

Ka jingkit ka Ijipt. Ha khmih U Trai u shong halor u lyoh bastet, bad u wan sha Ijipt: te ïa ki bleithaw ka Ijipt yn sa pynkhynñiuh ha khmat jong u, bad ka dohnud ka Ijipt kan um hapdeng jong ka.

DANIEL 7:13

“Nga la ïohi ha ki jingithuhpaw mynmiet, “bad ha khmih, u la wan uwei da ki lyoh bneng kum u khun u briew, bad u la wan sha uta uba na mynhyndai kulong, bad ki la wallam ïa u hajan jong u.

NAHUM 1:3

U Trai u long uba tud ban bitar, bad uba khraw ka bor, bad un ym pynksan ïa u bymman da lei lei: U Trai u don la ka lynti ha ka lyer langthari bad ha ka 'erïong, bad ki lyoh ki long ka 'dewmet ki sla'jat jong u.

SEKHARAÏAH 12:10

“Te ngan theh buk buk halor ka ïing u Dabid, bad halor ki nong Jerusalem, ïa ka mynsiem ka jingaiei bad ka jingkyrpad; bad kin khmih ha nga ïa uba ki la sum; bad kin ïambriew ïa u, kumba uno uno u ïambriew ïa la u khun marwei, bad kin sngewkthang namar jong u, kumba uno uno u sngewkthang namar uba la kha nyngkong jong u.

SEKHARAÏAH 12:11

Ha kata ka sngi, kan long kaba ïambriew kaba khraw ha Jerusalem, kum ka jingïambriew Hadad-rimmon ha ka them Megiddon.

JINGKHEIÑ 24:17

Nga ïohi ïa u, hynrei, ym mynta: nga ïoh khmih ïa u, hynrei, ym najan: u khlur un wan noh na u Jakob, bad u dieng synshar un mih noh na u Israel, u ban shoh lwet ïa ki Moab baroh sawdong, bad u ban pynjot noh ïa ki khun baroh u Sheth.

MATHAÏOS 16:27

Naba U Khun u briew un sa wan ha ka burom U Kpa jong u lem bad ki angel jong u, ynda kumta, un ai ha uwei pa uwei katba kum ka jingleh jong u.

MATHAÏOS 16:28

Shisha nga ong ha phi, don kiba ïeng hangne ki ban ym mad ïa ka jingïap, tad ynda ki la ïohi ïa U Khun u briew ba u wan ha ka hima jong u.”

MATHAÏOS 24:30

Ynda kumta te, ka dak U Khun u briew kan paw ha bneng; te hangta ki jaid bynriew baroh ka pyrthei kin ïalynñiar lympat, haba kin ïohi ba u wan U Khun u briew ha ki lyoh bneng da ka bor bad ka burom bakhraw.

MATHAÏOS 25:31

“Ynda U Khun u briew un wan te ha ka burom jong u, bad ki angel bakhuid baroh lem bad u, ynda kumta, un shong halor ka khet ka burom jong u,

MATHAÏOS 26:64

U Jisu u la ong ha u, “Me la ong. Hynrei, nga ong ruh ha phi, ba phin ïohi lawei ïa U Khun u briew haba u shong sha kamon ka Bor baroh, bad haba u wan ha ki lyoh ka bneng.”

MARKOS 13:26

Ynda kumta, kin ïohi ïa U Khun u briew ba u da wan ha ki lyoh, bad ka borbah bad ka burom ruh.

MARKOS 14:62

U Jisu te u la ong, “Nga long. Bad phin ïohi ïa U Khun u briew ba u da shong sha ka kti kamon jong ka Bor, bad ba u da wan ha ki lyoh bneng.”

LOUKAS 21:27

Ynda kumta, te kin ïohi ïa U Khun u briew ba u da wan ha u lyoh, da ka bor bad ka burom bakhraw.

ÏOANNIS 19:34

la kumta ruh, uwei na kita ki shipai u la sum ïa ka krung jong u da u sum, te kumne kumne ruh la mih noh ka snam bad ka um.

ÏOANNIS 19:37

Bad sa kawei pat Ka Jingthoh ruh ka ong: “Kin ïakhmih ha uta ïa uba ki la ïasum.”

1 THESSALONI 1:10

bad ban khmih lynti ïa U Khun jong u na bneng, ïa uba u la pynmih pat na ki baïap, U Jisu keiñ, uba pyllait ïa ngi na kata ka jingbitar ka ban sa wan.

1 THESSALONI 4:17

Ynda kumta, ma ngi kiba dang im, ïa kiba la pynsah, yn rong noh ïa ngi lem bad ki ha ki lyoh, ïa ka ban ïashem ïa U Trai ha ka suiñbneng: te kumta, ngin ïailong junom junom lem bad U Trai.

HEBRU 10:29

ka jingpynshitom ba kham jur katno, phi tharai, kan dei ïa uta uba la ïuh hapoh ki kjat ïa U Khun U Blei, bad ba la ñiew bymkhuid ïa ka snam ka jutang, da kaba la pynkhuid ïa u, bad ba la lehbeiñ ïa U Mynsiem ka jingaiei?

HEBRU 6:6

bad hadien kata, ba ki la hap noh, ka long ka bym lah ban pynthymmai pat ïa ki sha ka jingkylla-ka-bamut; haba la sahnarphna pat da ki hi, ïa U Khun U Blei, bad la pynlehrain pyrshah ïa u.

1 ÏOANNIS 3:2

Ko hep ba-ieit, mynta ngi long ki khun U Blei, bad ym pat la pynpaw ïa kaei ba ngin sa long; hynrei, ngi tip ba, ynda la pynpaw ïa u, ngin long kiba kum ma u; naba ngin ïohi ïa u kumba u long hi.

JUDAH 1:14

Bad dei ïa kine, ba u Enokh ruh, u bahynñiew na u Adam, u la ïathuhlypa, u da ong, “Ha khmih U Trai u la wan bad ki shiphew hajar ki bakhuid jong u,

JINGPYNPAW 22:20

Uta uba phla ïa kine kiei kiei ruh u ong, “Shisha: nga wan kloi.” Amen, to wan, Trai Jisu.

JINGPYNPAW 22:4

bad kin ïohi ïa ka khmat jong u; bad ka kyrteng jong u kan long halor ki shyllangmat jong ki.

NONGBISHAR 5:31

“Kumta ai kin jot ki nongshun jong me baroh, A Trai: hynrei, ai ba kita kiba ieit ïa U kin long kum ka sngi haba ka dang ïeng ha ka bor jong ka.” Ka ri te ka la suk sawphew snem.