JINGPYNPAW 1:6 - KA BAIBL

⁶ bad u la pynlong ïa ngi ki syiem bad ki lyngdoh ha U Blei bad U Kpa jong u; ha u to long ka burom bad ka jingsynshar sha ki bymjukut ki bymjukut: Amen.

Khasi CL Bible (BSI)

⁶ bad pynlong ïa ngi ka hima jong ki lyngdoh ban shakri ïa U Blei bad U Kpa jong u. Ha U Jisu Khrist, to long ka burom bad ka bor junom la junom! Amen.

JINGPYNPAW 1:6 ပူးပေါင်းရင်းမြစ်များ

EKSODOS 19:6

phin long ruh ha nga ka hima lyngdoh bad ka jaid bynriew bakyntang. Kine ki ktien ïa kiba men kren ha ki khun Israel.”

ISAÏAH 61:6

Hynrei, yn jer kyrteng ïa phi: “Ki lyngdoh jong U Trai;” ki briew kin khot ïa phi; “Ki shakri U Blei jong ngi;” phin bam ïa ka spah ki jaid bynriew, bad ha ka burom jong ki phin kren ïaroh ïa lade.

DANIEL 4:34

“Te ha ka bakut kita ki sngi, nga, u Nebukhadnessar, nga la khmied la ki khmat sha bneng, bad ka jingshemphang jong nga ka la wan phai pat sha nga, bad nga la kyrkhu ïa U Bahakhlieh Tam Eh, bad nga la ïaroh bad nga la pyndonburom ïa uta u ba-im junom; “namar ka jingsynshar jong u ka long ka jingsynshar bymjukut, bad ka hima jong u pateng la pateng bynriew:

DANIEL 7:14

Bad la ai ha u ka jingsynshar, bad ka burom, bad ka hima, ba ki kynja bynriew baroh, ki jaid bynriew bad ki ktien kin shakri ïa u: ka jingsynshar jong u ka long ka jingsynshar bymjukut, ka ban ym duh noh, bad ka hima jong u ka ban ym pynjot noh ïa ka.

MATHAÏOS 6:13

To wat ïalam ïa ngi sha ka jingpynshoi ruh, hynrei, sumar ïa ngi na ka basniew. Naba ka jong me long ka hima, bad ka bor, bad ka burom ruh, ha la ka rta: Amen.

ÏOANNIS 5:23

ba baroh kin burom ïa U Khun, kumjuh kumba ki burom ïa U Kpa. Uta u bymburom ïa U Khun, um burom ïa U Kpa uba la phah ïa u.

Ka Shithi U Paul Sha Ki Nong Rom 11:36

Naba na u, bad da u, bad sha u, long kiei kiei baroh; ha uba to long ka burom sha ki bymjukut! Amen.

Ka Shithi U Paul Sha Ki Nong Rom 15:6

ba da kawei ka jingmut, phin ïoh pyndonburom da kawei ka shyntur ïa U Blei bad U Kpa U Jisu Khrist uba U Trai jong ngi.

PHILIPPI 2:11

bad ba u thylliej baroh un ïoh phla shynna ba U Jisu Khrist u long U Trai, ïa ka ban pyndonburom ïa U Blei uba U Kpa.

1 TIMOTHI 6:16

uba tang ma u hi uba don ka jingbymïap, uba shong ha ka jingshai bym lah kot; ïa uba ym don briew uba la ïohi, lane ba lah ban ïohi; ha uba to long ka burom bad ka borbah bymjukut: Amen.

HEBRU 13:21

un pynjanai ïa phi ha ka jingleh babha baroh, ïa ka ban leh ïa ka mon jong u, da kaba trei ha phi ïa kata kaba pynsngewbha eh ha khmat jong u, da U Jisu Khrist; ha uba to long ka burom sha ki bymjukut ki bymjukut: Amen.

1 PETROS 4:11

Lada uno uno ruh u kren, un kren keiñ kum ki jingong U Blei; lada uno uno ruh u leh basan, to un leh kum na ka bor ba ai U Blei: ba ha kiei kiei baroh yn ïoh pyndonburom ïa U Blei da U Jisu Khrist, ha uba long ka burom bad ka jingsynshar sha ki bymjukut ki bymjukut: Amen.

1 PETROS 5:11

Ha u, to long ka jingsynshar sha ki bymjukut ki bymjukut: Amen.

2 PETROS 3:18

Hynrei, to phin nang roi ha ka jingaiei bad ka jingtip ïa U Trai bad U Nongpynim jong ngi U Jisu Khrist. Ha u, to yn long ka burom mynta ruh bad haduh ka sngi ka bymjukut: Amen.

JUDAH 1:25

ha U Blei U Bastad tang ma u hi uba U Nongpynim jong ngi, da U Jisu Khrist uba U Trai jong ngi, to long ka burom, bad ka jingkhraw tam, ka jingsynshar bad ka bor, mynta ruh, bad sha ki bymjukut baroh: Amen.

JINGPYNPAW 1:9

Ma nga u Ïoannis, uba u parabangeit jong phi, bad u nongïaïoh bynta lem ha ka jingjynjar, bad ha ka hima bad ka jingïaishah U Jisu Khrist, nga la don ha kata ka 'dewlynnong ïa kaba la khot “Patmos”, na ka bynta ka ktien U Blei bad na ka bynta ka jingphla ïa U Jisu Khrist.

JINGPYNPAW 20:6

Uba suk bad u bakhuid long uta uba don ka bynta ha kata ka jingmihpat ka banyngkong: halor kine, kata ka jingïap ka ba-ar kam don bor shuh; hynrei, kin long ki lyngdoh jong U Blei bad jong U Khrist, bad kin ïasynshar lem bad u, shi hajar snem.

JINGPYNPAW 4:11

“Me long uba dei, A Trai bad U Blei jong ngi, ban pdiang ïa kata ka burom bad ïa kata ka jingpyndonburom bad ïa kata ka bor, naba me la thaw ma me ïa kiei kiei baroh, bad namar kata ka mon jong me ki ïalong, bad la thaw ïa ki.”

JINGPYNPAW 5:10

bad me la pynlong ïa ki, ki syiem bad ki lyngdoh ha U Blei jong ngi, bad kin ïasynshar ha ka pyrthei.”