JINGPYNPAW 1:5 - KA BAIBL

⁵ bad na U Jisu Khrist, uba long U Nongphla ïa uba lah ban shaniah, ïa uba la kha nyngkong na ki baïap, bad U Nongsynshar ki syiem ka pyrthei. Ha uta uba la ieit ïa ngi, bad uba la sait ïa ngi na ki pop jong ngi ha ka snam jong u hi;

Khasi CL Bible (BSI)

⁵ bad na U Jisu Khrist, u sakhi baïaineh, uba nyngkong ïa uba la pynmih na ka jingïap bad uba long ruh u nongsynshar jong ki syiem jong ka pyrthei. U ieit ïa ngi, bad da ka jingïap ba aiti lut jong u, u la pyllait ïa ngi na ki pop

JINGPYNPAW 1:5 ပူးပေါင်းရင်းမြစ်များ

SALM 51:2

To sait khuid ïa nga na ki jingleh bymhok jong nga, bad to pynkhuid ïa nga na ka pop jong nga.

SALM 72:11

Shisha keiñ, ki syiem baroh kin hap dem ha khmat jong u: ki jaid bynriew baroh kin shakri ïa u.

SALM 89:27

Nga ruh ngan pynlong ïa u, u khun nyngkong, uba kham ha khlieh na ki syiem ka pyrthei.

PROBERB 14:5

U sakhi uba shisha un ym lamler: hynrei, u sakhi uba lamler u kren ïa ki jinglamler.

ISAÏAH 55:4

Ha khmih, nga la ai ïa u ban long sakhi ha ki kynja bynriew, u nongïalam bad u nongai hukum ha ki kynja bynriew.

DANIEL 2:2

Ynda kumta, u syiem u la hukum ban khot ïa ki riewstad, bad ki nongleh byrtong, bad ki nongkheiñ ksuid, bad ki Khaldi, ban ïathuh ha u syiem ïa ki jingphohsniew jong u. Kumta, ki la wan hapoh bad ki la ïeng ha khmat u syiem.

DANIEL 7:14

Bad la ai ha u ka jingsynshar, bad ka burom, bad ka hima, ba ki kynja bynriew baroh, ki jaid bynriew bad ki ktien kin shakri ïa u: ka jingsynshar jong u ka long ka jingsynshar bymjukut, ka ban ym duh noh, bad ka hima jong u ka ban ym pynjot noh ïa ka.

LEBITIKOS 13:58

Bad kata ka jaiñ, la u long u ksai lynter, lane u ksai pyngkiang, lane la ka long kaei kaei ka kynja snieh, ïa kaba men sait, lada kata ka jingpang sniew ka la jah noh na ki, ynda kumta, ka dei ban sait ïa ka sa shi sien, bad kan long ka bakhuid.”

SEKHARAÏAH 13:1

“Ha kata ka sngi, kan long ka pukri um ba la tih ïa ka ïing u Dabid bad ïa ki nong Jerusalem, ïa ka pop bad ka jingbymkhuid.

MATHAÏOS 20:28

kumba U Khun u briew um shym la wan ba yn shakri ïa u, hynrei, ba u un shakri, bad ba un ai ïa la ka jingim ban long ka jingsiewspah ïa kiba bun.”

MATHAÏOS 28:18

U Jisu te u da wan u la kren ha ki, u da ong, “La ai ha nga ka bor baroh ha bneng bad ha ka khyndew:

ÏOANNIS 13:1

Te mynshuwa kata Ka Jingkhawai Niam Ka Jinglait, haba U Jisu u la tip ba kata ka por jong u ka la jia, ba un leit noh na kane ka pyrthei sha U Kpa, haba u la ieit ïa la ki jong kiba don ha ka pyrthei, u la ieit ïa ki haduh ka bakut.

ÏOANNIS 13:34

Ka hukum bathymmai nga ai ha phi, ba phin ïa-ieit paralok hi; kumba nga la ieit ïa phi, ba phi ruh phin ïa-ieit paralok hi.

ÏOANNIS 15:9

Kumba U Kpa u la ieit ïa nga, kumta nga ruh nga la ieit ïa phi; to phin ïaineh ha kata ka jingieit ka jong nga.

ÏOANNIS 18:37

Namar kata, u Pilat u la ong ha U, “Ma me, me long u syiem te?” U Jisu u la ïathuh, “Me ong keiñ ba nga long ma nga u syiem. Ïa kane khnang la kha ïa nga, bad ïa kane khnang nga la wan sha ka pyrthei, ba ngan ïoh phla skhem ïa ka jingshisha. Uei uei baroh uba da long na ka jong ka jingshisha, u shahshkor ïa ka ktien jong nga.”

ÏOANNIS 3:11

Shisha, shisha nga ong ha me, ba ïa kata kaba ngi ïatip, ngi ïakren, bad ïa kaba ngi la ïohi, ngi ïaphla; hynrei, phim pdiang satia ïa ka jingphla jong ngi.

ÏOANNIS 3:16

“Naba U Blei u la ieit katta katta ïa ka pyrthei katba u la aiti noh ïa la U Khun ba la kha marwei, ba uei uei ruh uba ngeit ha u, un ym jot shuh, hynrei, un ïoh ka jingim bymjukut.

ÏOANNIS 3:32

te ïa kaba u la ïohi bad ba u la ïohsngew, ïa kata u phla: hynrei, ym don ba pdiang ïa ka jingphla jong u.

KI KAM 20:28

To sumar shaphang ïa lade bad shaphang kata ka kynhun baroh, ha kaba U Mynsiem Bakhuid u la pynlong ïa phi ki nongsharai, ban bsa ïa ka balang U Blei, ïa kaba u la thied da ka snam jong u hi.

KI KAM 26:23

kumno ba ka la dei ïa U Khrist ban shah, bad kumno nyngkong da ka jingmihpat na ki baïap, un pynbna ka jingshai ha u paidlang ruh, bad ha ki Jentil.”

Ka Shithi U Paul Sha Ki Nong Rom 3:25

ïa uba la buh paw U Blei ban long ka jingpynïasuk da ka jingngeit ha ka snam jong u, ban pynpaw ïa ka hok jong u, na ka bynta kaba map ïa kita ki pop ïa kiba la leh mynshuwa, ha ka jingïaishah ka jong U Blei;

Ka Shithi U Paul Sha Ki Nong Rom 8:37

Hynrei, ha kine kiei kiei baroh keiñ ngi jop thiaw da uta uba la ieit ïa ngi.

1 KORINTH 6:11

Bad don na phi kiba la ju long kum kita: hynrei, la sait ïa phi, hynrei, la pynkhuid ïa phi, hynrei, la pynksan ïa phi ha ka kyrteng U Jisu Khrist uba U Trai bad da U Mynsiem U Blei jong ngi.

GALATIA 2:20

La sahnarphna ïa nga lem bad U Khrist: pynban, nga im; hynrei, ym ma nga shuh, hynrei, U Khrist keiñ u im ha nga: bad kata kaba nga im mynta ha ka doh nga im da ka jingngeit keiñ kaba ha U Khun U Blei, uba la ieit ïa nga, bad uba la aiti noh ïa lade na ka bynta jong nga.

EPHESOS 2:4

hynrei, U Blei, ba u long uba kynrei ka jingisynei, namar ka jingieit kaba khraw jong u da kaba u la ieit ïa ngi,

EPHESOS 5:2

bad to phin ïaid ha ka jingieit, kumba U Khrist ruh u la ieit ïa phi, bad u la aiti noh ïa lade na ka bynta jong ngi, kum ka jingainguh bad ka jingkñia ha U Blei, ïa ka ban long ka jingiw ka baiwbih.

DEUTERONOMI 18:2

Te kin ym ïoh ka jingïoh pateng hapdeng ki para jong ki: U Trai u long keiñ ka bynta pateng jong ki, kumba u la kren ha ki.

DEUTERONOMI 23:5

Pynban, U Trai uba U Blei jong me um mon ban shahshkor ïa u Balaam; hynrei, U Trai uba U Blei jong me u la pynkylla ka jingkyrkhu ha me ïa kata ka jingtim, namar U Trai uba U Blei jong me u la ieit ïa me.

DEUTERONOMI 7:8

hynrei, namar ba U Trai u la ieit ïa phi, bad namar ba un pyndep ïa ka jingsmai ïa kaba u la lah smai ha ki kpa jong phi, U Trai u la ïalam noh ïa phi da ka kti badonbor, bad u la pyllait noh ruh ïa phi na kata ka ïing ka jinglongmraw, na ka kti u Pharaoh u syiem ka ri Ijipt.

KOLOSSAI 1:18

Bad u long U Khlieh jong ka met, kaba long ka balang; uba long ka jingsdang, uba la kha nyngkong na ki baïap; ba un ïoh long uba halor ha kiei kiei baroh.

1 TIMOTHI 6:13

Nga hukum ïa me ha khmat U Blei, uba pynlong im ïa kiei kiei baroh, bad ha khmat U Khrist Jisu uba la sakhi ha khmat u Pontios Pilat ïa kata ka jingphla ka babha,

1 TIMOTHI 6:15

ïa kaba un pyni ha la ki por ba dei hi, uba long Uba la kyrkhu bad U Bakhrawbor tang ma u hi, U Syiem ki syiem bad U Trai ki trai;

HEBRU 10:29

ka jingpynshitom ba kham jur katno, phi tharai, kan dei ïa uta uba la ïuh hapoh ki kjat ïa U Khun U Blei, bad ba la ñiew bymkhuid ïa ka snam ka jutang, da kaba la pynkhuid ïa u, bad ba la lehbeiñ ïa U Mynsiem ka jingaiei?

HEBRU 9:14

da katno tam ka snam U Khrist, uba da U Mynsiem bymjukut u la ainguh ïa lade ba khlem jingduna ha U Blei, kan pynkhuid ïa ka jingïatiplem jong phi na ki jingleh baïap, ïa ka ban shakri ïa U Blei ba-im?

1 PETROS 1:19

hynrei, da ka snam bakordor, kum ka jong u khun langbrot bakhlem pop bad bakhlem thohbria, ka jong U Khrist keiñ:

1 ÏOANNIS 1:7

hynrei, lada ngi ïaid ha kata ka jingshai kumba u long ma u ha kata ka jingshai, ngi don ka jingïasyllok lem paralok hi, bad ka snam U Jisu U Khun jong u ka pynkhuid ïa ngi na ka pop baroh.

1 ÏOANNIS 4:10

Ha kane ka long ka jingieit, ym naba ngi la ieit ma ngi ïa U Blei, hynrei, naba u la ieit ma u ïa ngi, bad ba u la phah ïa la U Khun ban long ka kuna na ka bynta ki pop jong ngi.

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”

JINGPYNPAW 11:3

Bad ngan ai bor ha ki ar ngut ki nongïaphla jong nga, te kin ïathuhlypa shi hajar arspah hynriewphew sngi, kiba la kup ki jaiñ khain.”

JINGPYNPAW 17:14

Kine kin ïaleh thma bad uta U Khun langbrot, bad uta U Khun langbrot un jop noh ïa ki, naba u long U Trai ki trai, bad U Syiem ki syiem; kumjuh ruh kita kiba don lem bad u, ïa kiba la khot, bad ïa kiba la jied bad kiba ïaineh.”

JINGPYNPAW 19:11

Bad nga la ïohi ïa ka bneng ba la plie, bad ha khmih ka kulai balieh; bad ïa uta uba shong halor jong ka la khot U Baïaineh bad U Bashisha; bad ha ka hok, u bishar bad u ïaleh thma.

JINGPYNPAW 19:16

Bad u don halor ka jaiñkup, bad halor ka lbong jong u, ka kyrteng ba la thoh, “U Syiem Ki Syiem bad U Trai Ki Trai”.

JINGPYNPAW 2:13

“ ‘Nga ithuh hangno pha shong, wat ha kaba don keiñ ka khet u Soitan: bad pha bat skhem ïa ka kyrteng jong nga, bad pham shym la len noh ïa kata ka jingngeit ha nga, wat shisha ha kita ki sngi ha kiba u Antipas u la long u nongphla uba ïaineh jong nga, ïa uba la pynïap noh hapdeng jong phi, ha kaba u Soitan u shong.

JINGPYNPAW 3:14

“Bad ha uta u angel jong ka balang ha Laodikaïa to thoh: Ïa kine kiei kiei ruh u ong U Amen, U Nongphla U Baïaineh bad U Bashisha, ka jingsdang ka jingpynlong jong U Blei:

JINGPYNPAW 7:14

Te nga la ïathuh ha u, “Ko Kynrad, me tip ma me.” Te u la ong ha nga, “Kine ki long kita keiñ kiba wan na kata ka jingjynjar bakhraw, bad ki la sait ïa kita ki jaiñkup jong ki, bad ki la pynkhuid lieh ïa ki ha ka snam jong uta U Khun langbrot.