JINGPYNPAW 1:2 - KA BAIBL

² uba la phla ïa ka ktien U Blei, bad ïa ka jingphla U Jisu Khrist, ïa kita kiei kiei baroh keiñ kiba u la ïohi.

Khasi CL Bible (BSI)

² bad u Ïoannis u la ïathuh ïa baroh kaba u la ïohi. Kane ka long ka jingïathuh jong u shaphang ka khubor na U Blei bad ka jingshisha ba la pynpaw da U Jisu Khrist.

JINGPYNPAW 1:2 ပူးပေါင်းရင်းမြစ်များ

ÏOANNIS 1:32

U Ïoannis u la phla ruh u da ong, “Nga la ïohi ïa U Mynsiem ba u hiar kum ka paro na bneng, bad u la sah halor jong U.

ÏOANNIS 12:17

Namar kata, uta u paidbah uba la don lem bad U, u la ïaphla ba U la khot ïa u Lasaros na ka jingtep, bad ba U la pynmih pat ïa u na ki baïap.

ÏOANNIS 19:35

Te uta uba la ïohi, u la phla, bad ka jingphla jong u ka long kaba shisha: bad uta u tip ba u ong kaba shisha, ba phi ruh phin ïoh ngeit.

ÏOANNIS 21:24

Une u long uta u synran uba phla shaphang kine kiei kiei ruh, bad uba la thoh ïa kine kiei kiei ruh; bad ngi tip ba ka jingphla jong u ka long kaba shisha.

ÏOANNIS 3:11

Shisha, shisha nga ong ha me, ba ïa kata kaba ngi ïatip, ngi ïakren, bad ïa kaba ngi la ïohi, ngi ïaphla; hynrei, phim pdiang satia ïa ka jingphla jong ngi.

KI KAM 22:15

Naba men ïoh long u nongphla na ka bynta jong u ha ki briew baroh, shaphang kita kiba me la ïohi bad ba me la ïohsngew.

KI KAM 26:16

Hynrei, to khie to ïeng ruh, namar khnang ïa kane keiñ nga la mihpaw ha me, ban thung ïa me ban long u nongïalap bad u nongphla ïa kine kiei kiei ha kiba me la ïohi ïa nga, bad ïa kita kiei kiei ruh ha kiba ngan pynpaw ïa lade ha me,

KI KAM 4:20

namar ngi ngim lah ban ym kren ïa kiei kiei ruh, ïa kiba ngi la ïohi bad ngi la ïohsngew.”

1 KORINTH 1:6

kumba la pynskhem ïa ka jingphla U Khrist ha phi;

1 KORINTH 2:1

Kumta, ma nga ruh, haba nga la wan ha phi, ko parabangeit, ngam shym la wan katba kum ka jingpnah ka jingkren lane ka jingstad, da kaba ïalap ha phi ïa ka jingphla U Blei.

1 ÏOANNIS 1:1

Kata kaba la long na kaba mynnyngkong, ïa kaba ngi la ïohsngew, ïa kaba ngi la ïohi da ki khmat jong ngi, ïa kaba ngi la ïoh khmih pyllaw, bad ki kti jong ngi ki la ïoh tba, shaphang uta U Ktien ka jingim

1 ÏOANNIS 4:14

Bad ngi la ïoh khmih pyllaw, bad ngi ïaphla shai, ba U Kpa u la phah ïa U Khun ban long U Nongpynim jong ka pyrthei.

3 ÏOANNIS 1:12

Ïa u Dimetrios la phla babha da ki briew baroh, bad da ka jong ka jingshisha hi: ngi hi ruh ngi ïaphla babha, bad me tip ba kata ka jingphla jong ngi ka long kaba shisha.

JINGPYNPAW 1:11

ka da ong, “Nga long ma nga U Alpha bad U Omega, u banyngkong bad u bakhatduh: ïa kaba me ïohi, to thoh ha ka kitab, bad to phah ha kita ki hynñiew balang; sha Ephesos, bad sha Smyrna, bad sha Pergamos, bad sha Thiateira, bad sha Sardis, bad sha Philadelphia, bad sha Laodikaïa.”

JINGPYNPAW 1:19

Namar kata, to thoh ïa kiei kiei ruh ïa kiba me la ïohi, bad ïa kiei kiei ruh kiba long, bad ïa kiei kiei ruh ki ban sa long hadien kine;

JINGPYNPAW 1:9

Ma nga u Ïoannis, uba u parabangeit jong phi, bad u nongïaïoh bynta lem ha ka jingjynjar, bad ha ka hima bad ka jingïaishah U Jisu Khrist, nga la don ha kata ka 'dewlynnong ïa kaba la khot “Patmos”, na ka bynta ka ktien U Blei bad na ka bynta ka jingphla ïa U Jisu Khrist.

JINGPYNPAW 12:11

Hynrei, ki la jop noh ma ki ïa u, namar kata ka snam jong uta u Khun langbrot, bad namar kata ka ktien ka jingphla jong ki; te kim shym la ieit ïa ka jingim jong ki jin haduh ka jingïap.

JINGPYNPAW 12:17

Te uta u ïakjakor u la sngewbitar lep ïa kata ka briew, bad u la leit noh ban ïaleh thma bad kita kiba sah na u symbai jong ka, kita kiba sumar ïa ki hukum U Blei bad kiba bat ïa kata ka jingphla ïa U Jisu Khrist. Te u la ïeng halor u shyiap ka duriaw.

JINGPYNPAW 20:4

Bad nga la ïohi ïa ki khet, bad don kiba la shong halor jong ki, bad la ai ka jingbishar ha ki; bad nga la ïohi ïa ki mynsiem jong kita ïa kiba la khrai khlieh na ka bynta kata ka jingphla ïa U Jisu, bad na ka bynta ka ktien U Blei, bad jar ki bym shym la ïamane dem ïa uta u mrad khlaw, lymne ïa ka dur jong u, bad kim shym la pdiang ïa kata ka dak halor ka shyllangmat jong ki bad halor ka kti jong ki; te ki la im, bad ki la synshar lem bad U Khrist, shi hajar snem.

JINGPYNPAW 22:21

Ka jingaiei ka jong U Jisu Khrist uba U Trai jong ngi to kan long lem bad kita ki riewkhuid. Amen.

JINGPYNPAW 6:9

Bad mynba u la plie ïa ka jingpyndait ka basan, nga la ïohi hapoh ka duwan ïa ki mynsiem ki jong kita ïa kiba la pynïap noh na ka bynta ka ktien U Blei, bad na ka bynta kata ka jingphla ïa kaba ki la ju ïabat skhem.