JINGPYNPAW 1:16 - KA BAIBL

¹⁶ Bad u la don ha ka kti kamon jong u hynñiew ki khlur; bad na ka shyntur jong u, ka da mih noh ka waitlam ba ar liang syrti banep; bad ka khmat jong u, ka la long kum haba ka sngi ka tyngshaiñ ha ka borbah jong ka.

Khasi CL Bible (BSI)

¹⁶ U bat ïa ki hynñiew tylli ki khlur ha ka kti kamon jong u, bad ka waitlam arliang syrti ka mih na ka shyntur jong u. Ka durkhmat jong u ka la long phyrnai kum ka sngi kaba shai ha ka por shiteng sngi.

JINGPYNPAW 1:16 ပူးပေါင်းရင်းမြစ်များ

Ka Kitab U Job 38:7

haba ki khlur mynstep ki la rwai lang, bad ba ki khun U Blei baroh ki la risa namar ka jingkmen?

SALM 45:3

To kieng ïa la ka waitlam ha la ka lbong, A me u bakhlaiñ, to kup ïa la ka burom bad ïa la ka jinglong burom.

JINGRWAI SOLOMON 6:10

Kaei kane kaba i kum ka step, kaba i bha kum u bnai, kaba shai kum ka sngi, kaba ishyrkhei kum u paidïapom ba rah lama.

ISAÏAH 11:4

hynrei, da ka hok un bishar ïa ki baduk, bad un sneng da ka jingleh beit ïa ki bajemnud jong ka khyndew: te un shoh ïa ka pyrthei da u diengduh ka shyntur jong u, bad da ka jingpyrsad ki rmiang shyntur jong u un pynïap ïa ki bymman.

ISAÏAH 24:23

Bad ïa u bnai yn pynthap baïong, ïa ka sngi ruh yn pynlehrain; namar U Trai ki paid un synshar ha u lum Seïon, bad ha Jerusalem, ha khmat ki tymmen jong u ruh da kaba donburom.

ISAÏAH 49:2

te u la pynlong ïa ka shyntur jong nga kum ka waitlam banep, ha ka jingkah ka kti jong u, u la buhrieh ïa nga; u la pynlong ruh ïa nga u khnam ba la pynjlih, ha ka ryngkap jong u, u la buhrieh khop ïa nga:

DANIEL 12:3

Bad kita ki bastad, kin tyngshaiñ kum ka jingshai ka sahit bneng; bad kita kiba pynkylla bun sha ka hok kum ki khlur junom la junom.

DANIEL 8:10

Bad ka la man khraw jin haduh u paidbah bneng; te na uta u paidbah bad na ki khlur de don kiba ka la pynhap sha ka khyndew, bad ka la ïuh roit ïa ki.

MALAKHI 4:2

Hynrei, ha phi kiba sheptieng ïa ka kyrteng jong nga kan mih ka sngi ka hok bad ka jingpynkhiah ha ki thapniang jong ka; bad phin ïoh mih shabar, bad phin rynsied kum ki khun masi ba bsa ha ïing.

MATHAÏOS 17:2

bad la pynkylla dur ïa u ha khmat jong ki; ka khmat jong u te ka la tyngshaiñ kum ka sngi, bad ki jaiñ jong u ki la long lieh kum ka jingshai.

KI KAM 26:13

hamar shiteng sngi, ko syiem, nga la ïohi ha kata ka lynti ka jingshai na bneng, tam ïa ka jingtyngshaiñ ka sngi, ka da tyngshaiñ sawdong ïa nga, bad ïa kita kiba leit jingleit lem bad nga.

EPHESOS 6:17

To shim ruh ïa ka jingda khlieh ka jingpynim, bad ka waitlam U Mynsiem, kaba long ka ktien U Blei keiñ:

HEBRU 4:12

Namar ka ktien U Blei ka long kaba im, bad kaba don bor, bad kaba kham nep ban ïa kano kano ka waitlam ar liang syrti, bad kaba pei haduh kaba pynkhlad ïa ka jingim bad ïa ka mynsiem, ïa ki mat bad ïa ka khleiñ shyieng ruh, bad kaba bishar ïa ki jingmut bad ïa ki jingthmu ka dohnud.

JINGPYNPAW 1:20

ïa ka jingmaïan shaphang kita ki hynñiew ki khlur ïa kiba me la ïohi ha ka kti kamon jong nga, bad ïa kita ki hynñiew ki dieng pynïeng sharak ksiar. Kita ki hynñiew ki khlur ki long ki angel jong kita ki hynñiew balang, bad kita ki hynñiew ki dieng pynïeng sharak ki long ki hynñiew balang.

JINGPYNPAW 10:1

Bad nga la ïohi ïa uwei pat u angel bakhrawbor ba u wan hiar na bneng, uba la kup da u lyoh; bad u simpyllieng halor ka khlieh jong u, bad ka khmat jong u ka la kum ka sngi, bad ki kjat jong u, kum ki rijied ding;

JINGPYNPAW 12:1

Bad la ïohi ïa ka dak khyllah bakhraw ha bneng; ka briew kaba la kup da ka sngi, bad u bnai hapoh ki kjat jong ka, bad halor ka khlieh jong ka, ka pansngiat da ki khat-ar ki khlur;

JINGPYNPAW 19:15

Bad na ka shyntur jong u ka mih noh ka waitlam banep, bad da kata un da shoh ïa ki kynja bynriew: te un synshar ïa ki da u dieng synshar nar: bad u ïuh roit ïa ka jingtylliat umsoh ka jingshla ka jong ka jingbitar U Blei U Badonbor Baroh.

JINGPYNPAW 19:21

Bad ïa kita kiba sah la pynïap noh da kata ka waitlam jong uta uba shong halor kata ka kulai, kata ka waitlam keiñ kaba mih noh na ka shyntur jong u: te ïa kita ki sim baroh la pynkdang da ka doh jong ki.

JINGPYNPAW 2:1

“Ha uta u angel jong ka balang ha Ephesos to thoh: Ïa kine kiei kiei ruh u ong uta uba bat ïa kita ki hynñiew ki khlur ha ka kti kamon jong u, uta uba ïaid hapdeng kita ki hynñiew ki dieng pynïeng sharak ksiar:

JINGPYNPAW 2:12

“Bad ha uta u angel jong ka balang kaba ha Pergamos to thoh: Ïa kine kiei kiei ruh u ong uta uba don kata ka waitlam kaba ar liang syrti banep:

JINGPYNPAW 2:16

Namar kata, to kylla-ka-bamut; lymda kumta, nga wan kloi ha pha, bad ngan ïaleh thma ïa ki da ka waitlam ka shyntur jong nga.

JINGPYNPAW 3:1

“Bad ha uta u angel jong ka balang kaba ha Sardis to thoh: Ïa kine kiei kiei ruh u ong uta uba don kita ki hynñiew ki Mynsiem U Blei, bad ïa kita ki hynñiew ki khlur: ‘Nga ithuh ïa ki jingleh jong pha, ba pha don ka kyrteng ba pha im, hynrei, pha long ka baïap.

NONGBISHAR 3:16

Hynrei, u Ehud u la khreh ïa lade ka jamdor ar liang syrti, kaba jrong shi pruh; bad u la tynsat ïa ka hapoh la ki jaiñ ha ka syngkai sha kamon jong u.

NONGBISHAR 5:31

“Kumta ai kin jot ki nongshun jong me baroh, A Trai: hynrei, ai ba kita kiba ieit ïa U kin long kum ka sngi haba ka dang ïeng ha ka bor jong ka.” Ka ri te ka la suk sawphew snem.