JEREMAÏAH 8:4 - KA BAIBL

⁴ Nalor kata, men ong ïa ki, “Kumne u ong U Trai: Ki briew kin kyllon du, bad kin ym ïeng pat? Ju don uwei uba phai noh, bad u bym wan kylla pat?

Khasi CL Bible (BSI)

⁴ U Trai u la bthah ïa nga ban ong ha ki briew jong u, “Haba uno uno u kyllon, hato un ym ïeng pat? Lada uno uno u bakla lynti, hato un ym wan phai pat?

JEREMAÏAH 8:4 ပူးပေါင်းရင်းမြစ်များ

1 SYIEM 8:38

kano kano ka jingduwai bad ka jingkyrpad ba pynlong da uno uno u briew, lane da ki briew jong me ki Israel baroh, uba tip marwei marwei ïa ka jingshitom la ka jong ka dohnud, bad u rah ïa la ki kti sha kane ka ïing:

PROBERB 24:16

naba hynñiew sien u hap u bahok, te u ïeng pat: hynrei, ïa u bymman la pynkyllon da ka jingjynjar.

ISAÏAH 44:22

Nga la pyndam noh ïa ki jingpalat jong me, kiba kum u lyoh barben, bad ïa ki pop jong me, kiba kum u lyoh: to phai sha nga; namar nga la siewspah ïa me.

ISAÏAH 55:7

to u bymman un iehnoh ïa la ka lynti, bad u riewbymhok ïa la ki jingmut: to un phai ruh sha U Trai, te un sngewsynei ïa u; bad sha U Blei jong ngi, namar un map phar.

JEREMAÏAH 23:14

Ha ki nongïathuhlypa ka Jerusalem ruh nga la ïohi ïa kaba shyrkhei; ki klim, bad ki ïaid ha ka jinglamler, bad ki pynkhlaiñ ïa ki kti ki nongleh sniew, kumta ba ym don shuh uba phai noh na la ka jingbymman: ki baroh ki la wan long ha nga kum ka Sodom, bad kiba shong ha ka kum ka Gomorra.”

JEREMAÏAH 3:1

Ki ong, “Lada u briew un pyllait noh ïa la ka tnga, bad ba kan leit noh na u, bad kan long ka jong uwei pat u briew, te un leit phai pat sha ka? yn ym pyntngit shikatdei eh ïa kata ka ri? Hynrei, pha la leh nuti bad shibun ki nongieit; pynban, to wan phai pat sha nga,” ong U Trai.

JEREMAÏAH 3:22

“To wan phai, phi ki khun baphai dien, te ngan pynkhiah ïa ki jingphaidien jong phi.” “Ha khmih, ngi la wan sha me; naba me long U Trai U Blei jong ngi.

JEREMAÏAH 36:3

Lehse ka ïing Judah kan shahshkor ïa kata ka jingsniew baroh ïa kaba nga la thmu ban leh ha ki; ba kin phai noh uwei uwei na ka lynti basniew jong u; ba ngan ïohmap ïa ki jingleh bymhok bad ki pop jong ki.”

JEREMAÏAH 4:1

“Lada men wan phai, A Israel,” ong U Trai, “sha nga keiñ men wan phai: bad lada men bred noh ïa ki jingijli jong me na khmat jong nga, te yn ym pynkynriah noh ïa me;

ESEKIEL 18:23

Hato nga don ka jingsngewbha ha ka jingïap u bymman?” ong U Trai U Blei: “bad ngam kham sngewbha ba un wan phai na ka lynti jong u, bad ba un im?”

HOSIA 14:1

A ko Israel, to phai sha U Trai U Blei jong me; namar me la kyllon da la ka jingbymhok.

HOSIA 6:1

Ale, ïa ngin ïaphai sha U Trai: namar u la tar, te un pynkhiah ïa ngi; u la shoh, bad un sop spaiñ ïa ngi.

HOSIA 7:10

Bad ka jingsarong u Israel ka phla ha ka khmat jong u: pynban, kim shym la phai sha U Trai U Blei jong ki, lymne wad ïa u, ha kane baroh.

AMOS 5:2

“Ka theisotti Israel ka la kyllon; kan ym khie shuh: la bred ei ïa ka ha la ka khyndew; ym don shuh u ban pynïeng ïa ka.”

MIKAH 7:8

Wat leh risa pyrshah ïa nga, ko nongshun jong nga: haba nga kyllon, ngan ïeng; haba nga shong ha ka jingdum, U Trai un long ka jingshai ïa nga.