JEREMAÏAH 7:9 - KA BAIBL

⁹ Phin tuh, pynïap briew, bad klim, bad phin smai lamler, bad phin thang ka jingiwbih ïa u Baal, bad leit bud ïa kiwei pat ki blei kiba phim shym tip,

Khasi CL Bible (BSI)

⁹ Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

JEREMAÏAH 7:9 ပူးပေါင်းရင်းမြစ်များ

1 SYIEM 18:21

Te haba u Elijah u la wan hajan uta u paidbah baroh, u la ong, “Sa katno pat phin ïeng lyngngoh hapdeng ar ki jingmut? lada U Trai u long U Blei, to bud ïa u: hynrei, lada u Baal, te to bud ïa uta.” U paidbah te um shym jubab ïa u shikyntien ruh.

EKSODOS 20:3

“Men ym ïoh kiwei kiwei ki blei nalor jong nga.

ISAÏAH 1:13

Wat wallam shuh ki jingai bathala; ka jingiwbih thang ka long kaba ijli ha nga; u 'nai thymmai bad ka Sabbaton, kaba khot jingïaseng, ngam lah shah ka jingbymhok bad ka jingïaseng bakyntang.

ISAÏAH 58:2

Pynban, ki wad ïa nga ha la ka sngi, bad ki sngewbha ban tip ïa ki lynti jong nga: kum ka jaid bynriew ba la ju leh hok, bad bym ju la iehnoh ïa ka rukom U Blei jong ki, ki ïakylli na nga ïa ki rukom bahok, ki sngewbha ban wan hajan U Blei.

JEREMAÏAH 1:16

Bad ngan kren ïa ki jingbishar jong nga pyrshah ïa ki, shaphang ka jingbymman jong ki baroh, ha kaba ki la lyndet ïa nga, bad ki la thang ïa ka jingiwbih ha kiwei pat ki blei, bad ki la mane ïa ki kam ki kti jong ki hi.

JEREMAÏAH 11:13

Naba kat ka jingkheiñ ki shnong jong me, ki long ki blei jong me, ko Judah; bad kat ka jingkheiñ ki lynti shnong ka Jerusalem, phi la pynïeng ki duwan ïa kata kaba lehrain, ki duwan ban thang ka jingiwbih ïa u Baal keiñ.

JEREMAÏAH 11:17

Naba U Trai ki paid, uba la thung ïa pha, u la pynbna ïa ka basniew ïa pha, namar kata ka jingsniew jong ka ïing Israel bad ka jong ka ïing Judah kaba ki la leh pyrshah ïa lade ha kaba ki la pankwah ïa nga ban bitar, da kaba ainguh da ka jingiwbih ha u Baal.”

JEREMAÏAH 13:10

Une u paidbah basniew, u bym treh ban sngap ïa ki ktien jong nga, uba ïaid ha ka jingmutlop ka dohnud jong ki, bad kiba la leit bud ïa kiwei pat ki blei ban shakri ïa ki, bad ban mane ïa ki, kin long keiñ kum kane ka jingpanpoh, ka bymlarkam shuh.

JEREMAÏAH 18:15

Naba ki briew jong nga ki la klet ïa nga, ki la thang ka jingiwbih ïa ka jingthala; bad ki la pynjynthut ïa ki ha ki lynti jong ki, ha ki lynti ïaid ki barim, ba kin ïaid ha ki lynti khlaw, ha ka lynti bym ju ïaid;

JEREMAÏAH 19:4

Namar ba ki la kyntait ïa nga, bad ba ki la pynjngai ïa kane ka jaka, bad ki la thang ka jingiwbih ha ka ha kiwei pat ki blei, kiba kim ju ithuh, ma ki, lymne ki kpa jong ki, lymne ki syiem ka Judah; bad ki la pyndap ïa kane ka jaka da ka snam jong kiba lui lui;

JEREMAÏAH 32:29

te ki Khaldi, kiba ïaleh ïa kane ka nongbah, kin wan bad kin wiang ding ïa kane ka nongbah, bad kin thang ïa ka, lem bad ki ïing, halor jrong ïing jong kiba ki la ai jingiwbih ha u Baal, bad ki la theh ki jingainguh dih ha kiwei pat ki blei, ban pankwah ïa nga ban bitar.

JEREMAÏAH 44:3

na ka bynta ka jingleh bymman jong ki kaba ki la leh ban kynshuiñ ïa nga ban bitar, ha kaba ki la leit ban thang jingiwbih, bad ban shakri ïa kiwei pat ki blei, ïa kiba kim ithuh, lymne ma ki hi, lymne ma phi, lymne ki kpa jong phi ruh.

JEREMAÏAH 44:8

ha kaba phi pankwah ïa nga ban bitar da ki jingleh ki kti jong phi, phi da ïathang jingiwbih ha kiwei pat ki blei ha ka ri Ijipt, sha kaba phi la leit shong; ba yn ot noh ïa phi, bad ba phin long ka jingtim bad ka jingbeiñ hapdeng ki jaid bynriew baroh jong ka khyndew?

JEREMAÏAH 44:9

Phi la klet noh mo ïa ka jingleh bymman ki kpa jong phi, bad ïa ka jingleh bymman ki syiem ka Judah, bad ïa ka jingleh bymman ki tnga jong ki, bad ïa ka jingleh bymman jong phi hi, bad ïa ka jingleh bymman ki tnga jong phi ruh, kaba ki la leh ha ka ri Judah, bad ha ki lynti bah ka Jerusalem?

JEREMAÏAH 48:35

Nalor kata, ngan pynduh noh na Moab ïa uta uba ainguh ha ka jaka bajrong, bad ïa uta uba thang jingiwbih ha ki blei jong u,” ong U Trai.

JEREMAÏAH 5:2

Bad la ki ong, “Katba im U Trai;” shisha keiñ ki smai lamler.

JEREMAÏAH 5:7

“Kumno ngan map ïa pha? Ki khun jong pha ki la lyndet ïa nga, bad ki la smai da kita ki bymlong ki blei: mynba nga la lah bsa kdang ïa ki, ki la klim, bad ki la ïalang kynhun ha ki ïing ki nuti.

JEREMAÏAH 7:6

lada phim banbeiñ ïa u nongwei, ïa u khunswet, bad ïa ka riewkynthei, bad phim pynmih ïa ka snam balui lui ha kane ka jaka, lymne leit bud ïa kiwei pat ki blei ïa ka ban sniew ïa lade:

ESEKIEL 18:18

Te shaphang u kpa jong u, namar ba u la ban runar, u la lute ïa la u para da ka bor, bad u la leh ïa ka bymbha hapdeng ki briew jong u, ha khmih, un ïap ha ka jingbymhok jong u.

ESEKIEL 20:30

Namar kata, to ong ha ka ïing Israel, Kumne u ong U Trai U Blei: “Phi ïa-pyntngit ïa lade ha ka rukom ki kpa jong phi? bad phi ïaleit leh nuti ha kita ki jingijli jong ki?

ESEKIEL 23:39

Naba haba ki la pynïap ïa la ki khun sha ki bleithaw jong ki, ki la wan ruh ha kajuh hi ka sngi sha ka jaka kyntang jong nga ban lehbeiñ sang ïa ka; te ha khmih, kumta ki la leh hapdeng ka ïing jong nga.

ESEKIEL 5:11

Naba kumta, katba nga im,” ong U Trai U Blei, “shisha, namar ba pha la pyntngit ïa ka jaka kyntang jong nga da kiei kiei kiba isih ki jong pha, bad da ki jingijli jong pha baroh, namar kata, nga ruh ngan pynrit ïa pha; bad ka khmat jong nga kan ym riej, nga ruh ngan ym isynei.

HOSIA 2:13

Bad ngan pynhap kput halor jong ka, ïa ki sngi ki Baal, ha kiba ka la thang jingiwbih; haba ka la pyndeng ïa lade da la ki sohshkor bad da la ki jingdeng, bad ka la leit bud ïa la ki ba-ieit, ka la klet ïa nga ruh,” ong U Trai.

HOSIA 6:9

Bad kumba ki paid nongtuh ki ap thap ïa u briew, kumta ruh ka kynhun ki lyngdoh ka shoh noh ha lynti sha Shekhem: shisha keiñ, ki la leh awria.

AMOS 4:5

bad to kñia ïa ka jingkñia ainguh na kata kaba la khleh thiat, bad to pyrta ïa ki jingainguh sngewbha bad to pynbna ïa ki: naba ïa kane phi sngewbha, A phi ki khun Israel,” ong U Trai U Blei.

SEPHANAÏAH 1:5

bad ïa kita kiba mane halor ki neng ïing ïa u paidbah ka bneng; bad ïa kita kiba mane, kiba smai ha U Trai bad kiba smai da u Malkam;

MALAKHI 3:5

“Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

Ka Shithi U Paul Sha Ki Nong Rom 2:2

Bad ngi ïatip skhem ba ka jingkut bishar U Blei ka long katba kum ka jingshisha, pyrshah ïa kita kiba ïai-leh kat kita kiei kiei ruh.

DEUTERONOMI 32:17

Ki la kñia ha ki ksuid, ym ha U Blei keiñ, ha ki blei ïa kiba kim ju tip, ha ki blei thymmai ba dang mih shen, ïa kiba ki kpa jong phi kim shym la sheptieng.

JINGPYNPAW 21:8

Hynrei, ïa kita kiba sheptieng, bad ïa ki bymngeit, bad ïa kiba ijli, bad ïa kiba pynïap bad ïa kiba kyr-eit, bad ïa kiba ai ksuid, bad ïa kiba mane bleithaw, bad ïa kita baroh kiba lamler, ka bynta jong ki kan long ha kata ka pung ïa kaba thang da ka ding bad da u kyndok; kaba long kata ka jingïap ka ba-ar.”

JINGPYNPAW 22:15

Shabar ki long kita ki ksew, bad kita kiba ai ksuid, bad kita kiba kyr-eit bad kita kiba pynïap, bad kita kiba mane bleithaw, bad baroh kat kiba ieit bad bathaw ïa ka lamler.

NONGBISHAR 5:8

Ki la shim da ki blei thymmai; hangta te la don thma ha ki khyrdop: la ju ïohi mo ïa ka stieh lane ïa u sum hapdeng ki sawphew hajar ngut ha Israel?