JEREMAÏAH 7:7 - KA BAIBL

⁷ kumta te ngan pynsah ïa phi ha kane ka jaka, ha ka ri kaba nga la ai ha ki kpa jong phi, naduh mynbarim haduh ha la ka rta keiñ.

Khasi CL Bible (BSI)

⁷ Lada phi kylla, ngan shah ïa phi ban ïaisah hangne hapoh ka ri kaba nga la ai ha ki kpa tymmen jong phi kum ka jingdon jingem kaba neh.

JEREMAÏAH 7:7 ပူးပေါင်းရင်းမြစ်များ

2 KHRONIKL 33:8

lymne ngan ym pynkynriah shuh ïa ka kjat u Israel na ka ri kaba nga la buh ïa ki kpa jong phi; lada tang ba kin sumar ban leh baroh ïa kaba nga la hukum ha ki, ïa ka hukum bad ki aiñ bad ïa ki rukom baroh keiñ da ka kti u Moses.”

EKSODOS 22:22

Wat banbeiñ ïa kano kano ruh ka riewkynthei, lane ïa ki khunswet.

ISAÏAH 1:19

Lada phi long kiba kloi bad ba kohnguh, phin bam ïa ka jingbha jong ka ri:

JEREMAÏAH 25:5

ki ïa-ong, ‘To phai phi uwei uwei baroh na la ka lynti sniew jong u, bad na ka jingsniew ki jingleh jong u, bad to shong ha ka ri kaba U Trai u la ai ha phi bad ha ki kpa jong phi, naduh mynbarim bad haduh bymjukut:

JEREMAÏAH 26:13

Namar kata te, to pynbha ïa ki lynti jong phi bad ïa ki jingleh jong phi, bad to kohnguh ïa ka ktien U Trai U Blei jong phi; te U Trai un kylla-ka-bamut na kata ka jingsniew kaba u la kren pyrshah ïa phi.

JEREMAÏAH 3:18

Ha kita ki sngi, ka ïing Judah kan ïaid ryngkat bad ka ïing Israel, bad kin ïamih lang na ka ri kaba shaphang shatei sha kata ka ri kaba nga la ai ban long ka ri kynti ïa ki kpa jong phi.

JEREMAÏAH 35:15

Nga la phah ruh ïa ki shakri jong nga ki nongïathuhlypa baroh ha phi, nga da khie dang step bad nga phah ïa ki, da kaba ong, ‘To phai phi mynta uwei pa uwei na la ka lynti basniew, bad pynbeit ïa ki jingleh jong phi, bad wat leit bud ïa kiwei pat ki blei ban shakri ïa ki, bad phi ïoh shong ha ka ri kaba nga la ai ha phi bad ha ki kpa jong phi: hynrei, phim shym la shahshkor, lymne sngap ïa nga.’

JEREMAÏAH 4:1

“Lada men wan phai, A Israel,” ong U Trai, “sha nga keiñ men wan phai: bad lada men bred noh ïa ki jingijli jong me na khmat jong nga, te yn ym pynkynriah noh ïa me;

SEPHANAÏAH 3:7

Nga la ong, ‘Shisha phan sheptieng ïa nga, phan pdiang ïa ka jingsneng; ba kumta ïa ka jaka shong jong ka yn ym ot noh, katba kum ïa kiei kiei baroh ba nga la buh shaphang jong ka:’ pynban, ki la khie dang step bad ki la pynpyut ïa la ki jingleh baroh.

DEUTERONOMI 4:40

Men sumar, namar kata, ïa ki hukum jong u, bad ïa ki aiñ jong u, ïa kiba nga hukum ïa me ha kane ka sngi, ba kan long bha ïa me, bad ïa la ki khun hadien jong me, bad ba men ïoh pynslem ruh ïa ki sngi jong me ha ka khyndew, ïa kaba U Trai uba U Blei jong me u aiti ha me, ha la ka rta.”