JEREMAÏAH 7:6 - KA BAIBL

⁶ lada phim banbeiñ ïa u nongwei, ïa u khunswet, bad ïa ka riewkynthei, bad phim pynmih ïa ka snam balui lui ha kane ka jaka, lymne leit bud ïa kiwei pat ki blei ïa ka ban sniew ïa lade:

Khasi CL Bible (BSI)

⁶ Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

JEREMAÏAH 7:6 ပူးပေါင်းရင်းမြစ်များ

2 SYIEM 21:6

Bad u la pynïaid ïa la u khun lyngba ka ding, u la khan ïa ki por, bad u la kren byrtong, bad u la leit ha kita kiba kren blei, bad ha kita kiba kren byrtong: u la leh ka basniew shikatdei ha khmat U Trai, ban pankwah ïa u ban bitar.

2 SYIEM 24:4

bad na ka bynta ka snam balui lui ruh kaba u la pynmih; naba u la pynshlei ïa ka Jerusalem da ka snam balui lui: te U Trai um map shuh.

SALM 106:38

bad ki la pynmih ïa ka snam balui lui, wat ka snam ki khun shynrang bad jong ki khun kynthei jong ki, kiba ki la kñia ha kita ki durblei ka ri Kanaan; bad ki la pynsang ïa ka ri da ka snam.

PROBERB 23:10

Wat pynkynriah ïa u mawpud uba rim; bad wat leit sha ki lyngkha jong ki khunswet:

ISAÏAH 59:7

Ki sla'jat jong ki, ki phet sha ka basniew, bad ki long kiba stet ban pynmih snam balui lui: ki jingmut jong ki, ki long ki jingmut bymhok: ka jingpynduh bad ka jingpynjot ki long ha ki lynti ïaid jong ki.

JEREMAÏAH 13:10

Une u paidbah basniew, u bym treh ban sngap ïa ki ktien jong nga, uba ïaid ha ka jingmutlop ka dohnud jong ki, bad kiba la leit bud ïa kiwei pat ki blei ban shakri ïa ki, bad ban mane ïa ki, kin long keiñ kum kane ka jingpanpoh, ka bymlarkam shuh.

JEREMAÏAH 19:4

Namar ba ki la kyntait ïa nga, bad ba ki la pynjngai ïa kane ka jaka, bad ki la thang ka jingiwbih ha ka ha kiwei pat ki blei, kiba kim ju ithuh, ma ki, lymne ki kpa jong ki, lymne ki syiem ka Judah; bad ki la pyndap ïa kane ka jaka da ka snam jong kiba lui lui;

JEREMAÏAH 2:30

“Nga la sympat lehnohei ïa ki khun jong phi; kim shym la pdiang ïa ka jingsneng: ka waitlam jong phi hi ka la bam duh ïa ki nongïathuhlypa jong phi, kum u sing u bapynjot.

JEREMAÏAH 2:34

Ha ki rmiang jaiñ jong pha ruh la shem ïa ka snam ki baduk balui lui: ngam shym la shem ïa ka ha ka jaka kaba pei ba la prat, hynrei, halor kine baroh.

JEREMAÏAH 26:15

Tang ba phin tip skhem ba lada phin pynïap ïa nga, phin pynhap ïa ka snam balui lui halor lade, bad halor kane ka shnong, bad halor kiba shong ha ka: naba da shisha, U Trai u la phah ïa nga ha phi ban kren ïa kine ki ktien baroh ha ki shkor jong phi.”

JEREMAÏAH 26:23

bad ki la wallam noh ïa u Uriah na Ijipt, bad ki la wallam ïa u sha u syiem Jehoïakim; uba la pynïap ïa u da ka waitlam, bad u la bred ïa ka metïap jong u ha ki jingtep ki riewpoh.

JEREMAÏAH 35:15

Nga la phah ruh ïa ki shakri jong nga ki nongïathuhlypa baroh ha phi, nga da khie dang step bad nga phah ïa ki, da kaba ong, ‘To phai phi mynta uwei pa uwei na la ka lynti basniew, bad pynbeit ïa ki jingleh jong phi, bad wat leit bud ïa kiwei pat ki blei ban shakri ïa ki, bad phi ïoh shong ha ka ri kaba nga la ai ha phi bad ha ki kpa jong phi: hynrei, phim shym la shahshkor, lymne sngap ïa nga.’

JEREMAÏAH 5:28

Ki la man sngaid, ki phuh: ki palat eh ruh ha ki kam ka jingbymman: kim ïada ïa ka kam, ka kam ki khunswet keiñ, ba kin dup man bha; bad ïa ka hok jong ki baduk kim bishar.

JEREMAÏAH 7:5

“ ‘Naba lada phin pynbha shisha ïa ki lynti jong phi bad ïa ki jingleh jong phi; lada phi leh hok shisha hapdeng u briew bad u paramarjan jong u;

JEREMAÏAH 7:9

Phin tuh, pynïap briew, bad klim, bad phin smai lamler, bad phin thang ka jingiwbih ïa u Baal, bad leit bud ïa kiwei pat ki blei kiba phim shym tip,

SNGEWSYNEI 4:13

Ka long namar ki pop ki nongïathuhlypa jong ka, bad ki jingleh bymhok ki lyngdoh jong ka, kiba la pynmih ïa ka snam jong ki bahok hapdeng jong ka.

ESEKIEL 18:6

bad um shym la bam halor ki lum, lymne um shym la khmied ïa la ki khmat sha ki bleithaw jong ka ïing Israel, lymne um shym la pyntngit ïa ka tnga la u paramarjan, lymne um shym leit jan sha ka kynthei ha ka jingpynkyrpang jong ka;

ESEKIEL 22:7

Ha pha ki la ñiew sting ïa la u kpa bad ïa la ka kmie; hapdeng jong pha ki la banbeiñ ïa u nongwei: ha pha ki la leh bymdei ïa kiba khlem kpa bad ïa ki riewkynthei.

LEBITIKOS 19:33

“ ‘Bad lada u nongwei u da wan shong lem bad me ha ka ri jong phi, wat banbeiñ ïa u.

LEBITIKOS 25:17

Bad wat ïaleh jubor paralok hi; hynrei, men sheptieng ïa U Blei jong me: naba nga long U Trai U Blei jong phi.

MALAKHI 3:5

“Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

MATHAÏOS 27:25

Ki briew baroh ki da ïathuh ki la ong ruh, “To ka snam jong U kan long halor jong ngi, bad halor ki khun jong ngi.”

MATHAÏOS 27:4

u da ong, “Nga la leh pop haba nga la die noh ïa ka snam balui lui.” Ki te ki la ong, “Kata ka dei aïu ïa ngi? khmih hi ma me keiñ.”

DEUTERONOMI 11:28

bad ïa ka jingtim keiñ, lada phim kohnguh ïa ki hukum U Trai uba U Blei jong phi, hynrei, phin phai noh lyndet na kata ka lynti ïa kaba nga hukum ïa phi ha kane ka sngi, ïa ka ban leit hadien kiwei pat ki blei, ïa kiba phim ju la tip.

DEUTERONOMI 24:17

“Men ym pynbakla ïa ka jingbishar ïa u nongwei, lymne ïa ki khunswet; lymne wat shim bynda ïa ka jaiñkup ka riewkynthei:

DEUTERONOMI 27:19

“ ‘Ka jingtim ïa uta uba pynsniew ïa ka jingbishar ïa ki nongwei, bad ïa ki khunswet, bad ïa ki riewkynthei.’ Bad uta u paidlang baroh kin ïa-ong, ‘Amen.’

DEUTERONOMI 8:19

Te kan long, lada men klet jynduh ïa U Trai uba U Blei jong me, bad men bud hadien kiwei pat ki blei, bad shakri ïa ki, bad mane ruh ïa ki, nga phla pyrshah ïa phi ha kane ka sngi ba phin ïajot noh da shisha.

JAKOB 1:27

Ka jinglong riewblei kaba sngur bad bymtngit ha khmat U Blei bad U Kpa ka long kane keiñ: ban leit khmih ïa ki khunswet bad ïa ki riewkynthei ha ka jingshitom jong ki, bad ban ri noh ïa lade uba khlem thohbria na ka jong ka pyrthei.