JEREMAÏAH 7:34 - KA BAIBL

³⁴ Ynda kumta, ngan pynduh noh na ki shnong Judah, bad na ki lynti bah ka Jerusalem, ïa ka jingsawa ka jingrkhie bad ka jingsawa ka jingkmen, ka jingsawa u nongleit-kurim bad ka jingsawa ka nongleit-kurim: naba ka ri kan long khlaw.

Khasi CL Bible (BSI)

³⁴ Ka ri kan kylla ri shyiap. Ha ki nongbah ka Judah bad ha ki lynti ka Jerusalem ngan pynkut ïa ka jingsawa ka jingkmen bad ka jingsngewkmen bad ïa ki jingsawa bakmen ki jingkhawai shongkurim.

JEREMAÏAH 7:34 ပူးပေါင်းရင်းမြစ်များ

Ka Kitab U Job 3:7

Ha khmih, to ai ba kata ka miet kan long lyngki; wat ai ba ka ktien kaba kmen kan wan ha ka.

SALM 78:63

Ka ding ka la bam duh ïa ki samla shynrang jong ki; bad ki samla kynthei jong ki kim shym ïoh ka jingrwai shongkurim.

ISAÏAH 1:7

Ka ri jong phi ka la kynjah; ïa ki shnong jong phi la thang da ka ding; ka khyndew jong phi, ki nongwei ki bam duh ïa ka ha khmat jong phi, bad ka la kynjah, kum ka jingpynjot thiaw da ki nongwei.

ISAÏAH 3:26

Te ki khyrdop jong ka kin ud bad kin ïam; ka ruh kan long marwei bad kan shong ha ka khyndew.

ISAÏAH 6:11

Te nga la ong, “Haduh lano, ko Trai?” Bad u la ong, “Tad ynda ki shnong ki la long kynjah khlem nongshong, bad ki ïing khlem shong briew, bad ka ri ka la kynjah noh phar,

JEREMAÏAH 16:9

Naba kumne u ong U Trai ki paid, U Blei ki Israel: “Ha khmih, ngan pynduh noh na kane ka jaka, ha khmat jong phi bad ha ki sngi jong phi, ïa ka jingsawa ka jingtamsa bad ka jingsawa ka jingkmen, bad ïa ka jingsawa u nongleit-kurim bad ka jingsawa ka nongleit-kurim.

JEREMAÏAH 22:6

Naba kumne u ong U Trai shaphang ka ïing u syiem ka Judah: “Pha long ka Gilead ha nga, bad ka kliar u Lebanon: hynrei, da shisha ngan pynlong khlaw ïa pha, bad ki shnong ki bymshong briew.

JEREMAÏAH 25:10

Bad ngan pynduh noh ïa ka jingsawa ka jingshadkmen bad ïa ka jingsawa ka jingkmen, ïa ka jingsawa u nongleit-kurim bad ïa ka jingsawa ka nongleit-kurim, ïa ka jingsawa ki mawtylliat, bad ïa ka jingshai ka sharak.

JEREMAÏAH 27:17

Wat sngap ïa ki; to shakri ïa u syiem ka Babilon, bad to im: balei ba kane ka shnong kan long kaba kynjah?’

JEREMAÏAH 33:10

“Kumne u ong U Trai: ‘Yn sa ïohsngew pat ha kane ka jaka, ïa kaba phi ong, “Ka long kaba kynjah, khlem briew khlem mrad,” wat ha ki nongbah ka Judah, bad ha ki lynti shnong ka Jerusalem, kiba la kynjah, khlem briew khlem nongshong bad khlem mrad,

JEREMAÏAH 33:11

ïa ka 'tien sawa jong ka jingkmen bad ka 'tien sawa jong ka jingsngewbha, ka 'tien sawa u nongleit-kurim bad ka 'tien sawa ka nongleit-kurim, ka 'tien sawa jong kita kiba ong, “ ‘ “To ainguh ïa U Trai ki paid, naba U Trai u long u babha, naba ka jingisynei jong u ka neh junom:” “ ‘Bad ka jong kita kiba wallam ïa ki jingkñia ainguh sha ka ïing U Trai. Naba ngan pynphai noh pat ïa ka jinglongmraw jong ka ri kum ha kaba mynnyngkong,’ ong U Trai.

JEREMAÏAH 4:26

Nga la khmih, te ha khmih, ka lyngkha basei soh ka la long khlaw, bad ïa ki shnong jong ka baroh la pynkyllon ha khmat U Trai, ha khmat ka jingbitar ba-itieng jong u keiñ.

JEREMAÏAH 4:27

Naba kumne u ong U Trai, ka ri baroh kan long ka jingkynjah; hynrei, ngan ym pat pynkut lut.

JEREMAÏAH 44:6

Namar kata, ïa ka jingkhih bitar jong nga bad ïa ka jingbitar jong nga la theh noh, bad la pynmeh ha ki shnong ka Judah bad ha ki lynti shnong ka Jerusalem; bad ki la jot bad ki la kynjah, kumba ka long ha kane ka sngi keiñ.’ ”

SNGEWSYNEI 5:14

Ki tymmen ki la duh na ka khyrdop, bad ki samla na la ka jingrwai.

ESEKIEL 26:13

Bad ngan pynduh ïa ka jingsawa ki jingrwai jong pha; bad ïa ka jingsawa ki duitara jong pha yn ym ïohsngew shuh.

ESEKIEL 7:11

Ka jinglehbor ka la mih, ka la long u dieng sympat ka jingbymman; ym don na ki, ki ban sah, lymne na u paidlang jong ki: lymne na ka spah jong ki: lymne yn ym don ka jingdonnam hapdeng jong ki.

HOSIA 2:11

Te ngan pynkut noh ïa ka jingkmen jong ka baroh, ïa ki jingkhawai jong ka, ïa ki 'nai thymmai jong ka, bad ïa ki Sabbaton jong ka, bad ïa Ki Jingkhawai Niam jong ka baroh.

HOSIA 2:13

Bad ngan pynhap kput halor jong ka, ïa ki sngi ki Baal, ha kiba ka la thang jingiwbih; haba ka la pyndeng ïa lade da la ki sohshkor bad da la ki jingdeng, bad ka la leit bud ïa la ki ba-ieit, ka la klet ïa nga ruh,” ong U Trai.

LEBITIKOS 26:33

Ngan pynsaphred ïa phi hapdeng ki riewkyndong, bad ngan pynlong ba kin sei noh ka waitlam hadien jong phi: bad ka ri jong phi kan long kynjah, bad ki shnong jong phi kin long khlaw.

MIKAH 7:13

La kumta, ka ri kan long kaba kynjah namar kita kiba shong ha ka, namar u soh ki jingleh jong ki.

JINGPYNPAW 18:23

bad ïa ka jingshai ka sharak da lei lei yn ym pynshai shuh ha pha; bad ïa ka jingsawa u nongleit-kurim bad ka nongleit-kurim da lei lei yn ym ïohsngew shuh ha pha; naba kita ki nongkhaïi jong pha ki la ju ïalong ki bakhraw batri jong ka khyndew; naba da kata kaba ai ksuid jong pha la shukor noh ïa ki kynja bynriew baroh.