JEREMAÏAH 7:16 - KA BAIBL

¹⁶ “Namar kata, me to wat duwai na ka bynta une u paidbah, lymne wat pynjam ka jingpyrta lane ka jingduwai na ka bynta jong ki, lymne wat pynlong ka jingïasaid ha nga: naba ngan ym sngap ïa me.

Khasi CL Bible (BSI)

¹⁶ U Trai u ong, “Ko Jeremaïah, wat duwai na ka bynta kine ki briew. Wat ïam lane duwai na ka bynta jong ki; wat ïasaid bad nga, namar ngan ym shahshkor ïa me.

JEREMAÏAH 7:16 ပူးပေါင်းရင်းမြစ်များ

2 SAMUEL 8:18

bad u Benaïah u khun u Jehoïada u la long halor ki Khereth bad ki Peleth ruh; te ki khun shynrang u Dabid ki la long ki bakhraw batri.

EKSODOS 32:10

Namar kata, to iehnoh ïa nga mynta, ba ka jingbitar jong nga kan ïoh meh buk pyrshah ïa ki, bad ba ngan ïoh pynduh noh khoit ïa ki: bad ngan pynlong ïa me ïa ka jaid bynriew bakhraw.”

ISAÏAH 1:15

Te haba phi kner la ki kti, ngan buhrieh la ki khmat na phi: shisha keiñ, haba phi pynlong shibun ki jingduwai, ngan ym sngap: ki kti jong phi ki dap da ka snam.

JEREMAÏAH 11:14

“Namar kata, wat duwai na ka bynta kine ki briew, lymne wat pynmih ka jinglynñiar lymne ka jingduwai na ka bynta jong ki: namar ngan ym sngap ïa ki ha ka por ba ki lynñiar ha nga namar ka jingjynjar jong ki.

JEREMAÏAH 15:1

Ynda kumta U Trai u la ong ha nga, “La u Moses bad u Samuel ki ïeng ha khmat jong nga, pynban, ka jingmut jong nga kam lah ban phai sha kine ki briew: to shop noh ïa ki na khmat jong nga, bad to kin leit noh.

JEREMAÏAH 15:6

Pha la kyntait ïa nga,” ong U Trai, “pha la phai dien: namar kata, nga la rah ïa la ka kti ban ïaleh ïa pha, nga la pynjot ïa pha; nga la thait ban kylla-ka-bamut.

JEREMAÏAH 18:20

Hato yn siew kylliang da ka basniew ïa ka babha? Naba ki la tih thliew ïa ka mynsiem jong nga. To kynmaw kumno nga la ïeng ha khmat jong me ban kren ïa ka babha na ka bynta jong ki, ban pynphai noh na ki ïa ka jingbitar jong me.

JEREMAÏAH 4:28

“Na ka bynta kane, ka khyndew kan ïam, bad ki bneng sha jrong kin ïong noh: namar nga la kren ïa kata, nga la thmu ïa kata, bad ngam shym la kylla-ka-bamut, lymne ngan ym phai noh na kata.”

JEREMAÏAH 7:17

Mem ïohi aïu ba ki leh ha ki shnong Judah bad ha ki lynti shnong ka Jerusalem?

MIKAH 3:4

“Ynda kumta, kin ïam ha U Trai, hynrei, un ym phai ktien ïa ki: un buhrieh ïa la ka khmat na ki, pynban, ha kata ka por, kat kumba ki la leh sniew ha ki jingleh jong ki.

DEUTERONOMI 9:14

to shah ïa nga, ba ngan ïoh pynjot noh ïa ki, bad pyndam noh ïa ka kyrteng jong ki napoh ki bneng; te ngan pynlong ïa me ka jaid bynriew kaba kham don bor, bad kaba kham khraw ruh ban ïa ki.’

1 ÏOANNIS 5:16

Lada uno uno ruh u da ïohi ïa la u parabangeit ba u da leh pop ïa ka pop ym sha ka ban ïap, un pan, te U Blei un ai ha u ïa ka jingim, ïa kita keiñ kiba leh pop ym sha ka ban ïap. Don ka pop sha ka ban ïap; shaphang kata, ngam ong ba un kyrpad.