JEREMAÏAH 51:3 - KA BAIBL

³ Wat ai ïa u nongsiat khnam ban wiat ïa la ka ryntieh, bad wat ai ba un pynkyntiew ïa lade ha la ka sopti nar: bad wat riej ïa ki samla jong ka; to pynduh noh khoit ïa u paidïapom jong ka baroh.

Khasi CL Bible (BSI)

³ Wat ai por ïa ki shipai ban siat ïa ki khnam ne kieng ïa ki atiar ïaleh jong ki. Wat pyllait ïa ki samla shynrang! Pynjot ïa ka kynhun shipai baroh kawei!

JEREMAÏAH 51:3 ပူးပေါင်းရင်းမြစ်များ

SALM 137:9

Suk uta u ban shim lympat ha u maw ïa ki khun rit jong pha.

JEREMAÏAH 46:4

To teh jin ïa ki kulai ïapom, bad to ïeng, phi ki nongshong kulai, bad to mih lem bad ki jingïada khlieh jong phi; pynphyrnai ïa ki sum, phong ïa ki jingphong nar.

JEREMAÏAH 50:14

To buh riang ïa lade baroh sawdong ïa ka Babilon, phi baroh kiba wiat ïa ka ryntieh; to siat sha ka, wat bynnud ïa ki khnam: namar ka la leh pop ïa U Trai.

JEREMAÏAH 50:21

“Khie leit kiew ban ïaleh ïa ka ri Merathaim, ban ïaleh ïa ka keiñ, bad ban ïaleh ïa kiba shong ha Pekod: to pynïap bad to pynjot hadien jong ki,” ong U Trai, “bad to leh baroh kat kumba nga la hukum ïa me.

JEREMAÏAH 50:27

Pynïap ïa ki masi dab jong ka baroh; to kin hiar sha ka jingpynïap: kordit ïa ki! naba ka sngi jong ki ka la wan, ka por ka jingwan-i jong ki.”

JEREMAÏAH 51:53

La ka Babilon kan kiew sha bneng, bad la kan pynskhem ïa ka jingjrong ka bor jong ka, pynban, ki nonglute na nga kin poi sha ka,” ong U Trai.

JEREMAÏAH 9:21

Naba ka jingïap ka la kiew sha ki jingkhang ïit jong ngi, bad ka la rung sha ki ïingbah jong ngi; ïa ka ban ot noh ïa ki khynnah na shabar, bad ïa ki samla shynrang na ki lynti shnong.

DEUTERONOMI 32:25

Ka waitlam na shabar, bad ka jingshyrkhei na shapoh, kin ïa-pynduh ïa u rangsotti lem bad ka theisotti, ïa iba dang buiñ lem bad u tymmen ba la phuh 'ñiuhlieh.

JAKOB 2:13

Namar ka jingpynrem ba khlem leh isynei kan long ha uta u bym ju la leh isynei; hynrei, ka jingisynei ka leh risa halor ka jingbishar.