JEREMAÏAH 5:9 - KA BAIBL

⁹ Ngan ym wan jngoh na ka bynta kine kiei kiei?” ong U Trai: “ka mynsiem jong nga kan ym pynhiar kput ïa ka jaid bynriew kaba kum kane?

Khasi CL Bible (BSI)

⁹ Hato ngan ym pynshitom ïa ki na ka bynta kine kiei kiei? bad pynhiarkput ïa ka jaitbynriew kaba kum kane?

JEREMAÏAH 5:9 ပူးပေါင်းရင်းမြစ်များ

PROBERB 6:29

Kumta uta uba leit sha ka tnga u paramarjan jong u; jar uba ktah ïa ka yn ym ñiew khuid ïa u.

ISAÏAH 1:24

Namar kata, ong U Trai, U Trai ki paid, U Bakhrawbor jong ki Israel, “A, ngan pyntngen ïa lade halor ki nongïaleh pyrshah jong nga, bad ngan pynhiar kput halor ki nongshun jong nga:

ISAÏAH 57:6

Hapdeng ki maw jlih jong ka them ka long ka bynta jong me; kita keiñ ki long ka bynta ba hap jong me; ha kita ruh me la theh noh ka jingainguh dih, me la ainguh ïa ka jingainguh. Hato yn pynsngewhun ïa nga ha kine kiei kiei?

JEREMAÏAH 23:2

Namar kata, kumne u ong U Trai, U Blei ki Israel, pyrshah ïa kita ki nongaplangbrot kiba bsa ïa ki briew jong nga: “Phi la pynsakma ïa ka kynhun jong nga, bad phi la beh noh ïa ki, bad phim shym leit jngoh ïa ki; ha khmih, ngan pynwan halor jong phi ïa ka jingsniew ki jingleh jong phi,” ong U Trai.

JEREMAÏAH 32:31

“Namar kane ka nongbah ka la long ha nga ka jingpankwah ban bitar bad ban bitar shla naduh ka sngi ba ki la tei ïa ka haduh kane ka sngi keiñ; ba nga dei ban weng noh ïa ka na khmat jong nga:

JEREMAÏAH 44:22

haduh ba U Trai um lah shah shuh, namar ka jingbymman ki jingleh jong phi, bad namar ki jingijli kiba phi la leh; namar kata, ka ri jong phi ka la long jaka kynjah, bad ka jinglyngngoh, bad ka jingtim, ka bymshong briew, kumba ka long ha kane ka sngi.

JEREMAÏAH 5:10

“To phin leit kiew halor ki kynroh jong ka, bad to pynjot; hynrei, wat pat pynkut lut: ngor noh ïa ki tnat jong ka: naba kim long ki jong U Trai.

JEREMAÏAH 5:29

Ngan ym wan-i na ka bynta kine kiei kiei?” ong U Trai: “ka mynsiem jong nga kan ym pynhiar kput ïa ka jaid bynriew kaba kum kane?”

JEREMAÏAH 6:11

Namar kata, nga dap da ka jingbitar shla jong U Trai; nga la ngiah ban kun ha lade. “Ngan theh ïa ka halor ki khynnah ha ki lynti shnong, bad halor ka jingïaseng lang ki samla; naba wat ïa u tnga lem bad ka tnga yn shim noh, ïa uba la ïaw ka rta lem bad uba la dap ki sngi.

JEREMAÏAH 6:6

Naba kumne u la ong U Trai ki paid, “To khet ki dieng, bad shna kynton pyrshah ïa ka Jerusalem: kane ka long kata ka shnong ïa ka ban wan-i; ka long ka jingbanbeiñ suda hapdeng jong ka.

JEREMAÏAH 9:8

U thylliej jong ki u long u khnam bapynïap; u kren ïa ka jingshukor: da la u thylliej uwei u kren suk ïa la u paramarjan, hynrei, ha la ka dohnud u ap thap ïa u.

JEREMAÏAH 9:9

Hato ngan ym wan-i ïa ki na ka bynta kine kiei kiei?” ong U Trai: “ka mynsiem jong nga kan ym pynhiar kput ïa ka jaid bynriew kum kane?”

SNGEWSYNEI 3:42

“Ngi la ryngkang bad ngi la ïaleh pyrshah; mem shym la map.

SNGEWSYNEI 4:22

Ïa ka jingpynshitom ka jingleh bymhok jong pha la pyndep, ko khun ka Seïon; un ym ring mraw shuh ïa pha: un wan-i ïa ka jingleh bymhok jong pha, ko khun ka Edom; un pynpaw ïa ki pop jong pha.

ESEKIEL 7:9

Te ka khmat jong nga kan ym riej, lymne ngan ym isynei; ngan wallam halor jong pha kat kum ki lynti jong pha, bad ki jingijli jong pha ki don hapdeng jong pha: te phin sa tip ba nga U Trai nga shoh.

HOSIA 2:13

Bad ngan pynhap kput halor jong ka, ïa ki sngi ki Baal, ha kiba ka la thang jingiwbih; haba ka la pyndeng ïa lade da la ki sohshkor bad da la ki jingdeng, bad ka la leit bud ïa la ki ba-ieit, ka la klet ïa nga ruh,” ong U Trai.

HOSIA 8:13

Te shaphang ki jingkñia ki jingainguh jong nga, ki kñia doh bad ki bam ïa ka; hynrei, U Trai um pdiang ïa ki: mynta, un kynmaw ïa ka jingleh bymhok jong ki, bad un wan-i ïa ki pop jong ki; kin leit phai sha Ijipt.

LEBITIKOS 18:25

Bad ïa ka ri ruh la pyntngit sang: namar kata, nga wan khmih pynshitom ïa kata ka jingbymman halor jong ka, bad kata ka ri hi ruh kan prie noh ïa kiba shongneh ha ka.

LEBITIKOS 26:25

Bad ngan pynwan halor jong phi ïa ka waitlam, kaba ngan pynhiar kput na ka bynta ka jutang jong nga; bad haba phin ïalang hapoh ki shnong jong phi, ngan phah ïa ka jingïapthem hapdeng jong phi: bad yn sa aiti noh ïa phi ha ka kti u nongshun.

NAHUM 1:2

U Trai u long U Blei u bathut shen bad u pynhiar kput; U Trai u pynhiar kput bad uba dap ka jingbitar; U Trai u pynhiar kput halor kiba ïaleh pyrshah ïa u, bad u buh tyngkai ïa ka jingbitar ïa ki nongshun jong u.

DEUTERONOMI 32:35

Ka jingpynhiar kput ka long ka jong nga, bad ka jingleh kylliang ruh, ka sla'jat jong ki kan tyrsiang ha ka Ïa kaba dei: namar ka sngi ka jingjynjar jong ki ka la jan, bad kita kiei kiei ruh ki ban ngat ha ki, ki nang stet nang stet.

DEUTERONOMI 32:43

To leh kmen, “A phi ki jaid bynriew, lem bad u paidlang jong U: namar un pynhiar kput na ka bynta ka snam ki shakri jong U, bad un ai ka jingpynhiar kput halor ki nongshun jong U, hynrei, un isynei ïa la ka ri, bad ïa la u paidlang.”