JEREMAÏAH 5:7 - KA BAIBL

⁷ “Kumno ngan map ïa pha? Ki khun jong pha ki la lyndet ïa nga, bad ki la smai da kita ki bymlong ki blei: mynba nga la lah bsa kdang ïa ki, ki la klim, bad ki la ïalang kynhun ha ki ïing ki nuti.

Khasi CL Bible (BSI)

⁷ U Trai u kylli, “Balei ngan map ïa ki pop jong ki briew jong nga? Ki la iehnoh ïa nga, bad ki la mane ïa ki blei ki bymshisha. Nga la bsa ïa ki briew jong nga haduh ba kin da kdang, hynrei ki la leh awria, bad ki la pynlut ïa ka por jong ki bad ki nuti.

JEREMAÏAH 5:7 ပူးပေါင်းရင်းမြစ်များ

2 KHRONIKL 13:9

Phi la beh noh ne em ïa ki lyngdoh U Trai, ki khun u Aaron, bad ïa ki Lebi ruh de, bad phi la thung lyngdoh ïa lade katba kum ka rukom ki kynja bynriew ha kiwei pat ki ri? kumta ba uno uno u ban shu wan pynkyntang ïa lade da u masi lyngraw bad da ki hynñiew ki langbrot shynrang, uta keiñ, u lah ban long lyngdoh jong kita ki bymlong ki blei satia.

Ka Kitab U Job 31:12

naba ka long ka ding kaba bam jin haduh ka jingjot, bad ka ban rat noh ïa ka jingsei soh jong nga baroh.

SALM 50:18

Haba me la ïohi ïa u nongtuh, me la ïakohnguh lem bad u, bad me la ïabynta lem bad ki baklim.

JEREMAÏAH 12:16

Te lada kin hikai minot ïa ki lynti ki briew jong nga, ïa ka ban smai ha ka kyrteng jong nga, ‘Katba u im U Trai;’ kumjuh kumba ki la hikai ïa ki briew jong nga ban smai da u Baal; kumta yn sa tei ïa ki hapdeng ki briew jong nga.

JEREMAÏAH 13:27

Nga la ïohi ïa ki jingijli jong pha, ïa ka jingklim jong pha keiñ, bad ki jingpah jong pha, ïa ka jingjakhlia ka jingleh nuti jong pha, halor ki lum rit ha ka pyntha. Kordit ïa pha, ko Jerusalem! Yn ym pynkhuid ïa pha; ynda la slem katno pat kan long?”

JEREMAÏAH 16:11

hangta men ong ha ki, ‘Namar ki kpa jong phi ki la iehnoh ïa nga,’ ong U Trai, ‘bad ki la bud ïa kiwei pat ki blei, bad ki la shakri ïa ki, bad ki la mane ïa ki, bad ki la iehnoh ïa nga, bad kim shym sumar ïa ka aiñ jong nga;

JEREMAÏAH 16:20

Hato u briew un thaw ki blei ha lade, ki bymlong ki blei pynban?

JEREMAÏAH 2:11

Ka jaid bynriew ka la ïabujli ne em ïa la ki blei, wat ki bymlong ki blei ruh? Hynrei, ki briew jong nga ki la ïabujli ïa la ka burom na ka bynta kata ka bymmyntoi.

JEREMAÏAH 2:31

A ka pateng bynriew, to khmih phi ïa ka ktien U Trai. Hato nga la long ka ri khlaw ha u Israel? Lane ka ri ka jingdum tliw tliw? Balei u paidlang jong nga u ong, ‘Ngi la lait war; ngin ym wan shuh ha me?’

JEREMAÏAH 23:10

Naba ka ri ka dap da ki nongklim; naba namar ka jingsmai ka ri ka sngewsih; ki jaka phlang ka ri khlaw ki la tyrkhong noh; bad ka lynti jong ki ka bymman, bad ka bor jong ki ka bymdei.

JEREMAÏAH 3:19

“ ‘Hynrei, nga la ong, “Kumno ngan buh ïa me hapdeng kita ki khun, bad ai ïa me ka ri basngewtynnad ka ri kynti kaba itynnad jong ki paidbah ki jaid bynriew?” Bad nga la ong, “Phin khot ïa nga, ‘ko Kpa jong nga’; bad phin ym phai noh na kaba bud ïa nga.

JEREMAÏAH 3:8

Te nga la ïohi, haba na ka bynta kane ka daw ba ka Israel baphai dien ka la lah klim, nga la pyllait noh ïa ka bad nga la ai ïa ka, ka kot iehnoh, pynban, ka Judah bashetkylla, ka para jong ka, kam shym sheptieng; hynrei, ka ruh ka la leit bad la leh nuti de.

JEREMAÏAH 7:9

Phin tuh, pynïap briew, bad klim, bad phin smai lamler, bad phin thang ka jingiwbih ïa u Baal, bad leit bud ïa kiwei pat ki blei kiba phim shym tip,

JEREMAÏAH 9:1

A ba ka khlieh jong nga kan da la long ki um, bad ki khmat jong nga ka pukri ki ummat, ba ngan da ïoh ïam synñia sngi na ka bynta kiba la shah pynïap jong ka khun ki briew jong nga!

JEREMAÏAH 9:2

A ba ngan da la don ha ri khlaw ka jaka shong basa jong ki nongleit jingleit; ba ngan da ïoh iehnoh ïa ki briew jong nga, bad ban leit noh na ki! Naba ki baroh ki long kiba klim, ka jingïalang ki briew kiba shetkylla.

SNGEWSYNEI 3:42

“Ngi la ryngkang bad ngi la ïaleh pyrshah; mem shym la map.

ESEKIEL 22:11

Bad uwei u la leh ïa ka jingijli bad ka tnga u paramarjan jong u; bad uwei pat u la pyntngit sang ïa la ka pyrsa kurim; bad uwei pat ha pha hi u la leh bor ïa la ka para, ka khun u kpa jong u hi.

HOSIA 11:8

“Kumno ngan iehnoh ïa me, Ephraim? kumno ngan pyllait ïa me, Israel? kumno ngan pynlong ïa me kum ka Admah? kumno ngan buh ïa me kum ka Seboim? ïa ka dohnud jong nga la pynkylla hapoh jong nga, ïa ki jingsngewsynei jong nga la pynmeh lang.

HOSIA 13:6

Katba kum ki jaka bam phlang jong ki, kumta la pynkdang ïa ki; la pynkdang ïa ki, bad ïa ka dohnud jong ki la pynkyntiew: namar kata, ki la klet ïa nga.

HOSIA 4:2

Don tang kaba smai bad kaba shukor, bad kaba pynïap, bad kaba tuh, bad kaba klim; ki mih, bad ka snam ka kynroi ïa ka snam.

HOSIA 7:4

Ki long baroh ki nongklim; ki long kum ka pajwa ba la pynshit da u nongshet kpu; u wai noh ban tynruh, naduh ba la tylliat ïa u kpu haduh ba ka la sieb.

LEBITIKOS 20:10

“ ‘Bad u briew uba klim bad ka tnga jong uwei pat, uba klim bad ka tnga u paramarjan, yn pynïap noh shisha ïa uta uba klim bad ïa kata kaba klim bad u.

AMOS 8:14

Kita kiba smai da ka pop ka Samaria, bad kiba ong, ‘Katba u im U Blei jong me, ko Dan’; bad, ‘Katba ka im ka rukom Beer-sheba;’ kita keiñ kin kyllon, bad kin ym ïeng shuh lano lano ruh.”

SEPHANAÏAH 1:5

bad ïa kita kiba mane halor ki neng ïing ïa u paidbah ka bneng; bad ïa kita kiba mane, kiba smai ha U Trai bad kiba smai da u Malkam;

MALAKHI 3:5

“Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

1 KORINTH 6:9

Ne phim tip ba ki bymhok kin ym ïoh ïa ka hima U Blei? Te wat shah ba yn shukor noh ïa phi; kiba ïakai kynthei, lymne kiba ïamane blei thala, lymne kiba klim, lymne kiba 'rang long kynthei, lymne kiba ïaleh sang sih para shynrang,

1 KORINTH 8:4

Shaphang kaba bam, namar kata, na kita kiei kiei ruh ba la kñia ha ki bleithaw, ngi tip ba u bleithaw um long ei ei ruh em ha ka pyrthei, bad ba ym don U Blei, hynrei, tang uwei.

GALATIA 4:8

Hynrei, mynkata, haba phim shym la ithuh ïa U Blei, phi la long mraw ïa kita kiba na la ka jinglong tynrai kim long ki blei.

DEUTERONOMI 32:15

“Hynrei, u Jeshurun u la man sngaid, bad u la kynjat: me la man sngaid, me la dap, me la khleiñ ruh: ynda kumta, u la kyntait noh ïa U Blei uba la thaw ïa u, bad u la ñiewbeiñ ïa U Mawsiang ka jingpynim jong u.

DEUTERONOMI 32:21

Ki la kynshuiñ ïa nga da kata ka bymlong blei; ki la pynbitar ïa nga da ki jingthala jong ki: nga de ngan pynkynshuiñ ïa ki da kita ki bymlong u paidlang; ngan pynbitar ïa ki da ka jaid bynriew ba-bieit.

HEBRU 13:4

To ka jingshongkurim kan long kaba donburom hapdeng baroh, bad ka jingthiah ka bym da bit-tngit: naba ïa kiba awria bad ïa kiba klim U Blei un bishar.

JAKOB 4:4

Phi kiba klim, hato phim tip ba kata ka jingïalok bad ka pyrthei ka long ka jingshun ïa U Blei? namar kata, uno uno ruh uba mon ban long u lok ka pyrthei, u pynlong ïa lade uba shun ïa U Blei keiñ.

JOSHUA 23:7

ba phin ym ïalok bad kine ki jaid bynriew, kiba dang sah hapdeng jong phi; lymne wat ong ïa ka kyrteng ki blei jong ki, lymne smai ha ki, lymne shakri ïa ki, lymne dem ïa lade ha ki: