JEREMAÏAH 5:6 - KA BAIBL

⁶ Namar kata, u sing na khlaw un pynïap ïa ki, u suri ki por miet un lute ïa ki, u 'labasa un ap ïa ki shnong jong ki, ïa uwei uwei baroh uba leit mih noh nangta yn patar lyngkhot lyngkhai; namar ki ryngkang jong ki, ki la bun, bad ki jingphaidien jong ki, ki la nang roi.

Khasi CL Bible (BSI)

⁶ Dei kata keiñ balei ba ki sing na khlaw kin pynïap ïa ki, ki suri na ka ri shyiap kin tar lyngkhot ïa ki, bad ki 'labasa kin ïaid apthap lyngba ki shong jong ki. Lada kito ki briew ki mih shabar, yn tar lyngkhot ïa ki namar ki pop jong ki, ki long kiba bun bad na ka por sha ka por ki la phai dien noh na U Blei.

JEREMAÏAH 5:6 ပူးပေါင်းရင်းမြစ်များ

2 KHRONIKL 36:14

Nalor kata ruh ki rangbah baroh jong ki lyngdoh, bad u paidbah, ki la leh palat shibun eh ha kaba bud ïa ki jingijli baroh jong ki nongmane bleithaw; bad ki la pyntngit ïa ka ïing U Trai ïa kaba u la pynkyntang ha Jerusalem.

ESRA 10:10

Bad u Esra lyngdoh u la ïeng, bad u la ong ha ki, “Phi la leh pop, bad phi la shongkurim ïa ki kynthei nongwei, ban pynkhraw ïa ka jingrem ki Israel.

ESRA 9:6

bad nga la ong, “A U Blei jong nga, nga sngewlehrain bad nga saw kyr-ang ban khmied la ka khmat sha me, U Blei jong nga: namar ki jingleh bymman jong ngi ki la man bun shaneng ka khlieh jong ngi, bad ka jingtei pop jong ngi ka la san haduh ki bneng.

Ka Kitab U Job 10:16

Bad lada ka khlieh jong nga ka pynïeng ïa lade, me beh mrad ïa nga kum u sing: te pat me pyni ïa lade uba phylla halor jong nga.

SALM 104:20

Me pynlong ïa ka jingdum, te ka long miet; ha kaba ki par noh ki mrad khlaw baroh.

SALM 80:13

U 'niang khlaw u kyntur ïa u, bad ki mrad khlaw ki bam ïa u.

ISAÏAH 1:23

Ki nongsynshar jong pha ki leh kiat, bad ki long ki lok ki nongtuh; uwei uwei baroh u ieit kaba bamsap, bad u beh ïa ka myntoi; kim bishar ïa u khunswet, bad ka kam ka riewkynthei kam ju wan ha khmat jong ki.

ISAÏAH 59:12

Namar ki ryngkang jong ngi ki la roi ha khmat jong me, bad ki pop jong ngi ki phla pyrshah ïa ngi: namar ki ryngkang jong ngi ki long bad ngi, te ïa la ki jingbymhok ruh, ngi tip:

JEREMAÏAH 14:7

“La ki jingleh bymhok jong ngi ki sakhi pyrshah ïa ngi, to leh ma me na ka bynta ka kyrteng jong me, A Trai; namar ki jingkylla dien jong ngi ki la bun; ngi la leh pop ïa me.

JEREMAÏAH 2:15

Ki sing samla ki la kyrhuh ïa u, bad ki la kyang: bad ïa ka ri jong u ki la pynkynjah; ïa ki shnong jong u la thang duh, bymshong briew shuh.

JEREMAÏAH 2:17

Hato mem shym pynïoh ïa kane ïa lade, ha kaba me la lyndet ïa U Trai U Blei jong me, mynba u la ïalam ïa me ha ka lynti?

JEREMAÏAH 2:19

Ka jingbymman jong me hi kan pynbeit ïa me, bad ki jingphaidien jong me kin sneng ïa me: to tip namar kata bad to khmih ba ka long ka kam ka basniew bad ka bakthang, ba me la lyndet ïa U Trai U Blei jong me, bad ba ka jingsheptieng jong nga kam don ha me,” ong U Trai, U Trai ki paid.

JEREMAÏAH 2:31

A ka pateng bynriew, to khmih phi ïa ka ktien U Trai. Hato nga la long ka ri khlaw ha u Israel? Lane ka ri ka jingdum tliw tliw? Balei u paidlang jong nga u ong, ‘Ngi la lait war; ngin ym wan shuh ha me?’

JEREMAÏAH 25:38

U la iehnoh ïa la ka jaka dem, kum u sing: naba ka ri jong ki ka la wan long ka jinglyngngoh namar ka jingdom jong ka waitlam babanbor, bad namar ka jingbitar ba-meh ding jong u.’ ”

JEREMAÏAH 30:14

Kiba ieit ïa me baroh ki la klet noh ïa me; kim wad shuh ïa me: naba nga la pynmong ïa me da ka jingmong u nongshun, da ka jingsympat jong uba runar; namar ka bakhraw ka jingbymhok jong me, namar ki pop jong me ki la man bun.

JEREMAÏAH 30:15

Balei me ïam namar ka jingmynsaw jong me? Ka jingpang jong me ka long ka bym lah pynkhiah: namar ka bakhraw ka jingbymhok jong me, namar ba ki pop jong me ki la man bun, nga la leh ïa kine kiei kiei ha me.

JEREMAÏAH 30:24

Ka jingbitar ba-itieng jong U Trai kan ym wan phai pat, tad ynda u la pyndep, bad tad ynda u la leh ïa ki jingthmu ka dohnud jong u: ha ki sngi ki bakhatduh phin sa sngewthuh ïa ka.

JEREMAÏAH 4:7

U sing u la wan kiew na la ka 'law bniap, bad u nongpynjot ïa ki jaid bynriew; u don ha lynti, u la leit mih noh na la ka jaka; ban pynlong kynjah ïa ka ri jong me, ba yn pynduh ïa ki shnong jong me khlem shong briew.

JEREMAÏAH 49:19

Ha khmih, un wan kiew kum u sing na ka jingsarong ka Jordan ban ïaleh ïa ka jaka shong ka bakhlaiñ: hynrei, ngan pynphet kyndit ïa u na ka; bad jar uba la jied, ïa uta ngan thung halor jong ka: naba uei uba kum nga? bad uei u ban buh por ïa nga? bad uei uta u nongaplangbrot u ban ïeng ha khmat jong nga?

JEREMAÏAH 8:5

Balei te ba une u paidbah Jerusalem u la phai dien da ka jingphaidien kaba junom? Ki bat skhem ïa ka jingshukor, kim treh ban wan kylla pat.

JEREMAÏAH 8:7

Shisha, ka thring ha bneng ka tip ïa la ka samoi ba la buh; bad ka lyngdkhur bad ka lyntait bad u sim puh dohkha ki sumar ïa ka por ka jingwan jong ki; hynrei, ki briew jong nga kim tip ïa ki aiñ jong U Trai.

SNGEWSYNEI 1:5

Ki nongïaleh pyrshah jong ka ki la long ha khlieh, ki nongshun jong ka ki man bha; naba U Trai u la pynjynjar ïa ka namar ki babun ki jingpalat jong ka: ïa ki khun rit jong ka la ring mraw ha khmat u nongïaleh pyrshah.

ESEKIEL 16:25

Pha la tei ïa la ka jaka bajrong haneng, haneng jong ka lynti baroh, bad pha la pynlong ka jingijli ïa la ka jingbhabriew, bad pha la khyndied ïa la ki kjat ha uno uno baroh uba ïaid sha jan, bad pha la pynkhraw ïa la ka jingleh nuti.

ESEKIEL 22:27

Ki rangbah jong ka hapdeng jong ka ki long kum ki suri kiba tar la ka jinglute; ban pynmih ïa ka snam, bad ban pynjot ïa ki mynsiem, ba kin ïoh ïa ka nong bymhok.

ESEKIEL 23:19

La kumta ruh, ka la pynkhraw la ki jingleh nuti, ka da kynmaw ïa ki sngi ka jinglong samla jong ka, ha kiba ka la leh nuti ha ka ri Ijipt.

DANIEL 7:4

U banyngkong u la long kum u sing, bad u la don ki thapniang pukni: nga la khmih haduh ba la phut noh ïa ki thapniang jong u, bad la khyllie ïa u na ka khyndew, bad la pynïeng ïa u ha ki kjat ar tylli kum u briew, bad la ai ïa ka dohnud briew ha u.

DANIEL 7:6

Hadien kane, nga la khmih, bad ha khmih, sa uwei pat kum u 'labasa, uba la don saw tylli ki thapniang sim ha ka ingdong jong u; uta u mrad u la don saw tylli ki khlieh ruh; bad ïa ka jingsynshar la ai ha u.

HOSIA 5:14

Namar nga, ngan long kum u sing ha u Ephraim, bad kum u sing samla ha ka ïing Judah: nga, ngan tar bad ngan leit noh; ngan rong noh, te yn ym don u ban pyllait.

HABAKKUK 1:8

Ki kulai jong ki ruh ki kham stet ban ïa ki 'labasa, bad ki kham runar ban ïa ki suri la janmiet; bad ki nongshong kulai jong ki, ki pynpyiar ïa lade: shisha, ki nongshong kulai jong ki, ki wan na jngai; ki ïaher kumba ka pukni ka pynkloi ïa ka ban bam duh.

SEPHANAÏAH 3:3

Ki syiem jong ka hapoh jong ka ki long ki sing kiba kyrhuh; ki nongbishar jong ka ki long ki suri mynmiet; kim pynsah ei ei haduh lashai.

JINGKHEIÑ 32:14

Bad, ha khmih, phi la mih joit ha ka jaka ki kpa jong phi, phi la man ki briew ki bapop, ïa ka ban nang pynkhraw ïa ka jingbitar barhem jong U Trai sha ki Israel.

JINGPYNPAW 13:2

Bad uta u mrad khlaw ïa uba nga la ïohi, u la syriem ïa u 'labasa, bad ki kjat jong u kum ki kjat dngiem, bad ka shyntur jong u kum ka shyntur sing: te uta u ïakjakor u la aiti ha u ïa ka bor jong u, bad ïa ka khet jong u, bad ïa ka bor synshar bakhraw.