JEREMAÏAH 5:3 - KA BAIBL

³ A Trai, ki khmat jong me kim khmih ha ka jingshisha? Me la shoh ïa ki, hynrei, kim shym la sngewsih; me la bam duh ïa ki, hynrei, kim treh ban pdiang ïa ka jingsneng: ki la pynlong ïa ki khmat jong ki kham eh ban ïa u mawsiang; kim treh ban wan phai pat.

Khasi CL Bible (BSI)

³ Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

JEREMAÏAH 5:3 ပူးပေါင်းရင်းမြစ်များ

JENESIS 19:34

Te ka la jia ha kaba lashai pat, ba kata kaba kham san ka la ong ha kaba kham poh, “Ha khmih, nga la thiah mynhynne mynmiet ryngkat bad u kpa jong nga: to ïa ngin ïa-ai kyiad umsoh Waiñ biang ha u ban dih ha kane ka miet ruh; bad to da khie leit ma pha ruh, bad to da thiah ryngkat bad u, khnang ba ngin ïoh sumar symbai na la u kpa.”

1 SYIEM 13:33

Hadien kane, u Jeroboam um shym phai na ka lynti basniew jong u, hynrei, u la thung pat ki lyngdoh ki jaka bajrong napdeng u paidbah baroh: uno uno uba treh u la pynkyntang ïa u, khnang ban dup ïoh lyngdoh ïa ki jaka bajrong.

2 SYIEM 1:13

Bad u la phah pat sa ïa u rangbah ka sanphew ka balai, lem bad la ki sanphew ngut. Te uta u rangbah sanphew u balai u la leit kiew, bad haba u la poi u la dem khrup ïa la ki khohsiew ha khmat u Elijah, bad u la kyrpad ïa u, bad u la ong ruh ha u, “A u briew jong U Blei, nga duwai ïa me, to shah ba ka jingim jong nga, lem bad ka jingim jong kine ki sanphew ngut ki shakri jong me, kin long kordor ha khmat jong me.

2 KHRONIKL 16:9

Namar ki khmat jong U Trai ki shad kylleng ha ka pyrthei baroh, ban pynkhlaiñ ïa lade bad kita kiba ka dohnud jong ki ka janai ha u. Ha kane, me la leh bieit; namar naduh mynta men sa ïoh ki thma.”

2 KHRONIKL 28:22

Te ha ka por ka jingjynjar jong u, u la nang leh palat shuh shuh ïa U Trai, une u syiem Ahas keiñ.

SALM 51:6

Ha khmih, me kwah ïa ka jingshisha ha kaba shapoh; bad ha ka bynta kaba rieh men pynlong ba ngan tip ïa ka jingstad.

SALM 51:8

To pynlong ba ngan ïohsngew ïa ka jingkmen bad ka jingsngewbha; ba kita ki shyieng kiba me la pynkheiñ kin ïoh shadkmen.

SALM 55:20

U la rah ïa la ka kti pyrshah ïa kita kiba ïasuk bad u: u la pynsang ïa la ka jutang.

PROBERB 21:29

U riewbymman u pyneh ïa la ka khmat: hynrei, uba beit te, u pynbeit ïa la ka lynti.

PROBERB 22:12

Ki khmat U Trai ki ri kyndong ïa uba don ka jingtip, hynrei, u pynkyllon noh ïa ki ktien u nongshetkylla.

PROBERB 23:35

“Ki la shoh ïa nga,” men ong, “te ngam shym pang; ki la sympat ïa nga, te ngam shym sngew ei ei: lano ngan peit? ngan dang wad ïa ka pat.”

PROBERB 27:22

La me dung ïa u bieit da u synrei ha u thlong hapdeng u Kew ba la lwet, ka jingbieit jong u kan ym kynriah na u.

ISAÏAH 26:11

Ko Trai, ïa ka kti jong me la kyntiew, pynban, kim ïohi: hynrei, kin sa ïohi ïa ka jingshitrhem jong me ïa u paidlang, bad yn pynlehrain ïa ki; shisha keiñ, ka ding kan bam duh ïa ki nongshun jong me.

ISAÏAH 42:25

Namar kata, U la theh noh ha u ïa la ka jingbitar lep, bad ïa ka bor ka thma; bad ka la pynmeh ding ïa u baroh sawdong, pynban, um tip; bad ka la pyning ïa u, pynban, um shym suidñiew.

ISAÏAH 48:4

Namar nga la tip ba me long uba mutlop, bad ka ryndang jong me u thied nar, bad ka shyllangmat jong me ka rnong;

ISAÏAH 9:13

Pynban, une u paidlang um shym phai sha uta uba shoh ïa ki, lymne kim shym wad ïa U Trai ki paid.

JEREMAÏAH 15:7

Nga la peh ïa ki ruh da ka jingpeh ha ki khyrdop ka ri; nga la pynduh khun ïa ki, nga la pynjot ïa la ki briew; kim shym phai noh na la ki lynti.

JEREMAÏAH 17:23

hynrei, kim shym sngap, lymne kim dem ïa la ka shkor, hynrei, ki la pyneh ïa la ka ryndang, khnang ba kin ym ïohsngew, bad ba kin ym pdiang ïa ka jinghikai.

JEREMAÏAH 19:15

“Kumne u ong U Trai ki paid, U Blei ki Israel, ‘Ha khmih, ngan pynwan halor kane ka nongbah bad halor ki shnong jong ka baroh ïa kata ka jingsniew baroh kaba nga la pynbna pyrshah ïa ki; namar ki la pyneh ïa la ka ryndang, khnang ba kin ym sngew ïa ki ktien jong nga.’ ”

JEREMAÏAH 2:30

“Nga la sympat lehnohei ïa ki khun jong phi; kim shym la pdiang ïa ka jingsneng: ka waitlam jong phi hi ka la bam duh ïa ki nongïathuhlypa jong phi, kum u sing u bapynjot.

JEREMAÏAH 3:3

Namar kata, la khang ïa u 'lap praw, bad ym shym la don 'lap khatduh shuh; pynban, pha la don ka shyllangmat ka nuti, pham shym treh de ban sngewlehrain.

JEREMAÏAH 32:19

u bakhraw ha ka jingpyrkhat, bad u badonbor ha ka kam; uba ki khmat jong u ki peit ha ki lynti baroh jong ki khun bynriew; ban ai ha uwei uwei baroh katba kum ki lynti jong u, bad katba kum u soh ki jingleh jong u:

JEREMAÏAH 35:13

“Kumne u ong U Trai ki paid, U Blei ki Israel: Khie leit, bad ong ha ki rangbah Judah bad kiba shong ha Jerusalem, ‘Hato phin ym pdiang ïa ka jinghikai ban sngap ïa ki ktien jong nga?’ ” ong U Trai.

JEREMAÏAH 44:10

Ym shym la pynrit ïa ki haduh kane ka sngi, lymne kim shym la sheptieng, lymne ïaid ha ka aiñ jong nga, lymne ha ki hukum jong nga, kiba nga la buh ha khmat jong phi bad ha khmat ki kpa jong phi.”

JEREMAÏAH 7:26

pynban, kim shym la sngap ïa nga, lymne pyndem ïa la ka shkor, hynrei, ki la pyneh ïa la ka ryndang: ki la leh kham sniew ban ïa ki kpa jong ki.

JEREMAÏAH 7:28

Te men ong ha ki, ‘Kane ka long kata ka pateng bynriew ka bym shym shahshkor ïa ka ktien U Trai U Blei jong ki, lymne kim shym pdiang ka jinghikai: ka jingshisha ka la duh noh, bad la ot noh ïa ka na ka shyntur jong ki.

JEREMAÏAH 8:5

Balei te ba une u paidbah Jerusalem u la phai dien da ka jingphaidien kaba junom? Ki bat skhem ïa ka jingshukor, kim treh ban wan kylla pat.

ESEKIEL 2:4

Ki long ruh ki khun kiba khlem rain bad kiba eh dohnud, sha kiba nga phah ïa me: to men ong ha ki, ‘Kumne u ong U Trai U Blei.’

ESEKIEL 24:13

Ha ka jingtngit jong pha ka don ka jingleh awria: namar nga la pynkhuid ïa pha bad pham khuid satia, phan ym khuid shuh na ka jingtngit jong pha, haduh ba ngan da pynhun ïa la ka jingbitar shla halor jong pha.

DANIEL 9:13

Kumba la thoh ha Ka Hukum u Moses, kane ka jingsniew baroh ka la wan halor jong ngi: pynban, ngim pat shym kyrpad ïa ka jingisynei U Trai U Blei jong ngi, ba ngin phai noh na la ki jingleh bymhok, bad ban ïoh ka jingshemphang ha ka jingshisha jong me.

LEBITIKOS 26:23

“Bad lada phin ym kylla bha hadien kine kiei kiei ruh da ka jingsneng jong nga, hynrei, phin ïaid pynban pyrshah ïa nga; ynda kumta, nga ruh ngan ïaid pyrshah ïa phi;

AMOS 4:10

“Nga la phah hapdeng jong phi da ka jingïapkhlam kum ka rukom ka Ijipt: ïa ki samla shynrang jong phi nga la pynïap da ka waitlam, bad nga la rah noh ïa ki kulai jong phi; bad ïa ka jingiwkhong ka jaka shong dara jong phi nga la pynkiew haduh ki thliew khmut jong phi: pynban, phim shym phai sha nga,” ong U Trai.

AMOS 4:11

“Nga la pynkyllon ïa kiba na phi kumba U Blei u la pynkyllon ïa ka Sodom bad ka Gomorra, bad phi, phi la long kum ka dieng tyllaw ba la weng noh na ka jinging; pynban, phim shym la phai sha nga,” ong U Trai.

AMOS 4:6

“Te nga la ai ha phi ka jingtyrkhong bniat ha ki nongbah jong phi baroh, bad ka jingkyrduh kpu ha phi ha ki jaka jong phi baroh: pynban, phim shym phai sha nga,” ong U Trai.

AMOS 4:8

Kumta, ar ne lai tylli ki nongbah ki la ïaid ïor ïor sha kawei ka nongbah ban dih um, te kim jah sliang: pynban, phim shym phai sha nga,” ong U Trai.

AMOS 4:9

“Nga la shoh ïa phi da ka jingïap tram bad kaba bam khñiang: ïa ka jingkynrei ki kper jong phi bad ki brisoh Waiñ jong phi bad ki dieng Dumbur jong phi bad ki dieng Olib jong phi u puit u la bam duh: pynban, phim shym phai sha nga,” ong U Trai.

SEPHANAÏAH 3:7

Nga la ong, ‘Shisha phan sheptieng ïa nga, phan pdiang ïa ka jingsneng; ba kumta ïa ka jaka shong jong ka yn ym ot noh, katba kum ïa kiei kiei baroh ba nga la buh shaphang jong ka:’ pynban, ki la khie dang step bad ki la pynpyut ïa la ki jingleh baroh.

Ka Shithi U Paul Sha Ki Nong Rom 2:2

Bad ngi ïatip skhem ba ka jingkut bishar U Blei ka long katba kum ka jingshisha, pyrshah ïa kita kiba ïai-leh kat kita kiei kiei ruh.

HEBRU 12:9

Nalor kane, ngi la ju don kita ki kpa ka doh jong ngi ban sneng sympat ïa ngi, bad ngi la ju burom ïa ki: hato ngin ym kham long shibun hapoh U Kpa ki mynsiem jong ngi, bad ban im?