JEREMAÏAH 5:2 - KA BAIBL

² Bad la ki ong, “Katba im U Trai;” shisha keiñ ki smai lamler.

Khasi CL Bible (BSI)

² Wat la phi kam ba phi mane ïa U Trai, phim shym mut kumba phi ong.

JEREMAÏAH 5:2 ပူးပေါင်းရင်းမြစ်များ

ISAÏAH 48:1

To sngew ïa kane, ko ka ïing u Jakob, ïa kiba la khot da ka kyrteng Israel, kiba la mih noh ruh na ki um ka Judah; kiba smai ha ka kyrteng U Trai, bad kiba kynmaw ïa U Blei ki Israel, hynrei ym ha kaba shisha, lymne ha ka hok.

JEREMAÏAH 4:2

bad men smai, ‘Katba im U Trai,’ ha ka jingshisha, ha ka jingbishar, bad ha ka hok; bad ki jaid bynriew kin kyrkhu ïa lade ha u, bad ha u kin sngewsarong.”

JEREMAÏAH 44:26

Namar kata, to sngew phi ïa ka ktien U Trai, phi ki Judah baroh kiba shong ha ka ri Ijipt: ‘Ha khmih, nga la smai ha ka kyrteng bakhraw jong nga,’ ” ong U Trai, “ba ïa ka kyrteng jong nga yn ym ïalap shuh na ka shyntur uno uno u briew uba na Judah ha ka ri Ijipt baroh, da kaba ong, ‘Katba U Trai U Blei u im.’

JEREMAÏAH 7:9

Phin tuh, pynïap briew, bad klim, bad phin smai lamler, bad phin thang ka jingiwbih ïa u Baal, bad leit bud ïa kiwei pat ki blei kiba phim shym tip,

JEREMAÏAH 9:2

A ba ngan da la don ha ri khlaw ka jaka shong basa jong ki nongleit jingleit; ba ngan da ïoh iehnoh ïa ki briew jong nga, bad ban leit noh na ki! Naba ki baroh ki long kiba klim, ka jingïalang ki briew kiba shetkylla.

HOSIA 10:4

Ki kren ki ktien thala, ki da smai lamler ha kaba pynlong jutang: ka jingbishar ruh ka mih kum u ñiut rosh ha ki nur ka lyngkha.

HOSIA 4:15

“La me, Israel, me leh nuti, hynrei, wat ai ba ka Judah kan leh palat; wat wan phi sha Gilgal ruh, lymne wat kiew sha Beth-aben, lymne wat smai, ‘Katba im U Trai.’

LEBITIKOS 19:12

Phin ym smai lamler da ka kyrteng jong nga, lymne men ym shim thala ïa ka kyrteng U Blei jong me: Nga long U Trai.

SEPHANAÏAH 1:5

bad ïa kita kiba mane halor ki neng ïing ïa u paidbah ka bneng; bad ïa kita kiba mane, kiba smai ha U Trai bad kiba smai da u Malkam;

MALAKHI 3:5

“Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

1 TIMOTHI 1:10

ïa kiba ïakai kynthei, ïa kiba ïaleh sang para shynrang, ïa ki nongtuh briew, ïa ki nonglamler, ïa ki nongsmai lamler, bad lada don kaei kaei kawei pat kaba ïaleh pyrshah ïa kata ka jinghikai bajanai;

2 TIMOTHI 3:5

kiba don ka dur ka jingriewblei, hynrei, kiba la len ïa ka bor jong ka; na kine ruh to phai noh.

TITOS 1:16

Ki phla ba ki tip ïa U Blei; hynrei, ha la ki kam ki len ïa u, ba ki long kiba ijli, bad ki bymkohnguh, bad ha ki jingleh babha baroh ki bymsuidñiew.