JEREMAÏAH 47:3 - KA BAIBL

³ Ha ka jingwin ka jingkyrdem ki khnap jong ki bakhlaiñ jong u, ha ka jingtur ki kali jong u, ha ka jingriew ki shalyntem jong u, ki kpa kim phai ban khmih ha la ki khun namar ka jingtlot ki kti;

Khasi CL Bible (BSI)

³ Kin ïohsngew ïa ki jingsawa ki jingjam jong ki kulai, ki jingriew jong ki kali ïapom, ki jingtyllun jong ki shaka. Ki kpa kin phai pat na ka bynta la ki khun; ki kti jong ki kin noh kyrwep.

JEREMAÏAH 47:3 ပူးပေါင်းရင်းမြစ်များ

ISAÏAH 5:28

kiba ki khnam jong ki, kiba nep, bad ïa ki ryntieh jong ki baroh la wiat; ïa ki tyrsim kulai jong ki yn ñiew kum u mawshamok, bad ki shalyntem jong ki kum ka lyer langthari:

JEREMAÏAH 46:9

To kynjih, phi ki kulai; bad to kyrhuh, phi ki kali ïapom; bad to ai ba ki riewradbah kin leit mih: ki Kush bad ki Put, kiba bat stieh; bad ki Lud, kiba bat bad wiat ryntieh.

JEREMAÏAH 50:42

Kin bat ïa ka ryntieh bad ïa u sum; ki long kiba runar, bad kim don jingsngewsynei; ka jingsawa jong ki ka kyrhuh kum ka duriaw, bad ki shong ha ki kulai; uwei uwei baroh ba la buh riang, kum u rangbah ïa ka thma, ban ïaleh ïa pha, ko ka khun ka Babilon.

JEREMAÏAH 8:16

“Ïa ka jingkynsnok ki kulai jong u la sngew naduh Dan: ha ka jingsawa ka jingpah kiba khlaiñ jong u ka ri baroh ka khih khynñiuh; naba ki la wan, bad ki la bam duh ïa ka ri bad ïa baroh kaba don ha ka; ïa ka shnong bad kita kiba shong ha ka.

ESEKIEL 23:24

Bad kin wan ïaleh ïa pha bad la ki tiar, bad ki kali ïapom, bad ki kali, lem bad u paidbah byllien ki briew; bad kin buh ïa lade pyrshah ïa pha lem bad la ki 'tiehbah bad ki stieh bad ki jingïada khlieh baroh sawdong: bad ngan aiti ïa ka jingbishar ha ki, bad kin ïabishar ïa pha katba kum ki jingbishar jong ki.

NAHUM 2:4

Ki kali ïapom ki her lamwir ha ki lynti shnong, ki ïatyngkhuh para ki hi ha ki lynti bah: ka jing-i ïa ki ka long kum ki jingtbeh ding, ki her kum ki leilieh.

NAHUM 2:8

Hynrei, ka Ninebeh naduh mynno mynno ka la ju long kum ka pung um: pynban, ki ïaphet ïap noh. “Ïeng to ïeng,” ki pyrta; hynrei, ym don ba kyrtiang dien.

JINGPYNPAW 9:9

bad ki la don ki jingïada shadem kum ki jingïada shadem nar; bad ka jingsawa ki thapniang jong ki, ka kum ka jingsawa ki kali babun ki kulai haba ki ïatur keiñ sha ka thma;

NONGBISHAR 5:22

“Hangta, ki khnap kulai ki la kyrdem namar ki jingrynsied, ki jingrynsied kiba khlaiñ jong ki.