JEREMAÏAH 42:1 - KA BAIBL

¹ Te baroh ki kaptan ki paidïapom bad u Johanan u khun u Kariah, bad u Jesaniah u khun u Hoshaïah, bad u paidbah baroh ki la wan hajan, naduh u barit tam haduh u bakhraw tam,

Khasi CL Bible (BSI)

^1-2 Te baroh ki nongïalam ka kynhun shipai, kiba kynthup ïa u Johanan u khun jong u Kareah bad u Asaraïah u khun jong u Heshaïah, ki la wan ryngkat bad ki paidbah kiba ha ki kyrdan baroh bad ki la ong ïa nga, “Sngewbha leh ïa kaei kaba ngi ong ïa phi! To duwai ha U Trai U Blei jong ngi na ka bynta jong ngi. To duwai na ka bynta jong ngi baroh kiba la lait im. Shisien la don bun bah na ngi; hynrei mynta tang khyndiat eh ngi dang sah, kumba phi ïohi.

JEREMAÏAH 42:1 ပူးပေါင်းရင်းမြစ်များ

2 SYIEM 25:23

Te haba ki kaptan ki shipai baroh, ma ki bad ki briew jong ki, ki la ïohsngew ba u syiem ka Babilon u la lah thung nongsynshar ïa u Gedalaïah, ki la wan ha u Gedalaïah ha Mispah, u Ishmael keiñ u khun u Nethaniah, bad u Johanan u khun u Kariah, bad u Seraïah u khun u Tanhumeth u nong Netophath, bad u Jaasaniah u khun u nong Maakath, ma ki bad ki briew jong ki.

ISAÏAH 29:13

Te U Trai u la ong, “Namar kat kumba une u paidlang u wan hajan jong nga, bad da la ka shyntur bad da la ki rmiang shyntur ki burom ïa nga, hynrei, ki la pynjngai noh ïa ka dohnud jong ki na nga, bad ka jingsheptieng jong ki ïa nga ka long ka hukum briew ba la hikai ïa ki:

ISAÏAH 48:1

To sngew ïa kane, ko ka ïing u Jakob, ïa kiba la khot da ka kyrteng Israel, kiba la mih noh ruh na ki um ka Judah; kiba smai ha ka kyrteng U Trai, bad kiba kynmaw ïa U Blei ki Israel, hynrei ym ha kaba shisha, lymne ha ka hok.

JEREMAÏAH 37:3

Te u Sedekaïah syiem u la phah ïa u Jehukal u khun u Shelemaïah, bad ïa u Sephanaïah u khun u Maaseïah u lyngdoh, sha u Jeremaïah u nongïathuhlypa, u da ong, “To duwai ha U Trai U Blei jong ngi na ka bynta jong ngi.”

JEREMAÏAH 40:13

Nalor kane, u Johanan u khun u Kariah, bad ki kaptan ki paidïapom baroh kiba la don ha ki madan, ki la wan sha u Gedalaïah ha Mispah,

JEREMAÏAH 40:8

ynda kumta, ki la ïawan sha u Gedalaïah sha Mispah, u Ishmael u khun u Nethaniah, bad u Johanan bad u Jonathan ki khun u Kariah, bad u Seriah u khun u Tanhumeth, bad ki khun u Ephai u nong Netophath, bad u Jesaniah u khun nong Maakath keiñ, ma ki bad ki briew jong ki.

JEREMAÏAH 41:11

Hynrei, haba u Johanan u khun u Kariah, bad baroh ki kaptan ki nongïapom kiba la don lem bad u, ki la ïohsngew ïa ka jingsniew baroh ba u Ishmael u khun u Nethaniah u la lah leh,

JEREMAÏAH 41:16

Ynda kumta, u Johanan u khun u Kariah, bad ki kaptan baroh ki nongïapom kiba la don lem bad u, ki la shim ïa ki briew baroh kiba dang sah, ïa kiba u la lah ïoh pat na u Ishmael u khun u Nethaniah, na Mispah, hadien ba u la lah pynïap ïa u Gedalaïah u khun u Ahikam, ïa ki nongïapom keiñ, bad ïa ki kynthei, bad ïa ki khynnah bad ïa ki ïunok, ïa kiba u la wallam pat na Gibeon:

JEREMAÏAH 41:18

namar ki Khaldi: naba ki la sheptieng ïa ki, namar u Ishmael u khun u Nethaniah u la lah pynïap ïa u Gedalaïah u khun u Ahikam, ïa uba u syiem ka Babilon u la pynlong nongsynshar halor ka ri.

JEREMAÏAH 42:20

Namar phi la leh shukor ïa la ki mynsiem hi; namar phi la phah ïa nga ha U Trai U Blei jong phi, phi da ong, “To duwai na ka bynta jong ngi ha U Trai U Blei jong ngi; bad ïa baroh katba U Trai U Blei jong ngi un ong, kumta to pynpaw ha ngi, bad ngin leh ïa kata:”

JEREMAÏAH 42:8

Ynda kumta, u la khot ïa u Johanan u khun u Kariah, bad ki kaptan ki paidïapom baroh kiba la don bad u, bad u paidbah baroh naduh u barit tam haduh u bakhraw tam,

JEREMAÏAH 43:2

ynda kumta, u Asariah u khun u Hoshaïah, bad u Johanan u khun u Kariah, bad baroh ki briew basarong ki la kren, ki ïa-ong ha u Jeremaïah, “Me kren lamler: U Trai U Blei jong ngi um shym la phah ïa me ban ong, ‘Phin ym leit sha Ijipt ban shong hangta:’

JEREMAÏAH 44:12

Bad ngan shim ïa kiba sah na Judah, kiba la thew la ki khmat ban leit sha ka ri Ijipt ban shong hangta, bad yn pynduh ïa ki baroh; ha ka ri Ijipt kin ïakyllon; yn pynjot ïa ki da ka waitlam bad da ka 'nemsniew; kin ïap, naduh u barit tam haduh u bakhraw tam, da ka waitlam bad da ka 'nemsniew: bad kin long ka jingijli, bad ka jinglyngngoh, bad ka jingtim, bad ka jingibeiñ.

JEREMAÏAH 6:13

“Naba naduh u barit tam na ki wat haduh u bakhraw tam na ki uwei uwei baroh u la aiti ïa lade ha ka jingkwah lalot; bad naduh u prophet wat haduh u lyngdoh uwei uwei baroh u leh shukor.

JEREMAÏAH 8:10

Namar kata, ïa ki tnga jong ki ngan ai ha kiwei, bad ïa ki lyngkha jong ki ha kita ki ban ïoh ïa ki: naba uwei uwei baroh, naduh u barit tam haduh u bakhraw tam u la aiti ïa lade ha ka jingkwah lalot, naduh u prophet keiñ haduh u lyngdoh, uwei uwei baroh u leh shukor.

ESEKIEL 11:1

U Mynsiem ruh u la rong noh ïa nga, bad u la leit lam ïa nga sha Ka Khyrdop Mihngi ka ïing U Trai, kaba phai shaphang mihngi: te ha khmih, ha ka jingkhang kata ka khyrdop, don arphew san ngut ki briew; bad nga la ïohi hapdeng jong ki, ïa u Jasaniah u khun u Assur bad ïa u Pelatiah u khun u Benaïah, ki rangbah u paidbah.

ESEKIEL 33:31

Te ki ïawan ha me kumba wan ki paidbah, bad ki ïashong ha khmat jong me kumba shong ki paidbah jong nga, bad ki shahshkor ruh ïa ki ktien jong me, hynrei, kim leh satia ïa ki: namar da ki shyntur jong ki, ki pyni shibun ka jingieit, hynrei, ka dohnud jong ki ka ïabeh ïa ka jingmyntoi jong ki.

ESEKIEL 8:11

Bad hangta, la ïeng ha khmat jong ki, hynñiewphew ngut ki rangbah na ki tymmen basan ka ïing Israel, bad hapdeng jong ki la ïeng u Jasaniah u khun u Shaphan. Man u briew bad la u khiew rah jingiwbih ha la ka kti; bad ka jingiw u lyoh ka jingiwbih thang ka la kiew artet.

MATHAÏOS 15:8

“ ‘Kine ki briew ki wan hajan jong nga da ka shyntur jong ki, bad ki burom ïa nga da ki rmiang shyntur jong ki, hynrei, ka dohnud jong ki ka jngai noh na nga:

KI KAM 8:10

Ha u, baroh ki la ïa-pynleit jingmut, naduh u barit tam haduh u bakhraw tam, ki da ong, “Une u briew u long kata ka bor U Blei ïa kaba la khot ‘Bakhraw’.”