JEREMAÏAH 41:5 - KA BAIBL

⁵ don kiba la wan na Shekhem, na Sheiloh, bad na Samaria, phraphew ngut ki briew keiñ, kiba la khi ïa la ki 'ñiuh tmoh bad kiba la kad la ki jaiñ, bad kiba la tar ïa lade, bad ki jingainguh bam bad ka jingiwbih ha ki kti jong ki, ban wallam ïa ki sha ka ïing U Trai.

JEREMAÏAH 41:5 ပူးပေါင်းရင်းမြစ်များ

JENESIS 33:18

Bad u Jakob u la poi suk bha sha ka nongbah Shekhem kaba ha ka ri Kanaan mynba u la wan na Padan-Aram; bad u la pynïeng ïa la ka ïingtrep ha khmat kata ka nongbah.

JENESIS 34:2

Bad haba u Shekhem u khun u Hamor u kynja Hib, u syiem jong kata ka ri, u la ïohi ïa ka, u la shim ïa ka bad u la thiah lem bad ka, bad u la pynkheiñ burom ïa ka.

JENESIS 37:12

Bad ki hynmen jong u ki la ïaleit ban ïasharai ïa ki kynhun u kpa jong ki ha Shekhem.

2 SAMUEL 10:4

Kumta, u Hanun u la shim ïa ki shakri u Dabid, bad u la khi mar shiliang na ki 'ñiuh tmoh jong ki, bad u la ot marshiteng ïa ki jaiñ jong ki, haduh ki skhep jong ki, bad u la phah noh ïa ki.

1 SYIEM 12:1

Te u Rehoboam u la leit sha Shekhem: naba ki Israel baroh ki la wan sha Shekhem ban thung syiem ïa u.

1 SYIEM 12:25

Ynda kumta, u Jeroboam u la tei ïa ka Shekhem ha ri lum Ephraim, bad u la shong ha ka; bad u la mih noh nangta, bad u la tei ïa ka Penuel.

1 SYIEM 16:24

Bad u la thied ar talent rupa ïa u lum rit Samaria na u Shemer; bad u la tei halor uta u lum, bad u la kyrteng ïa ka shnong kaba u la tei, katba kum ka kyrteng u Shemer, u trai uta u lum Samaria.

1 SYIEM 16:29

Bad ha ka balaiphew phra snem jong u Asa u syiem ka Judah, u Ahab u khun u Omri u la sdang ban synshar halor ki Israel: bad u Ahab u khun u Omri u la synshar halor ki Israel ha Samaria arphew ar snem.

2 SYIEM 25:9

bad u la thang ïa ka ïing U Trai, bad ïa ka ïing u syiem; bad baroh ki ïing ka Jerusalem, ka ïingbah baroh keiñ, u la thang da ka ding.

1 KHRONIKL 19:4

Kumta, u Hanun u la shim ïa ki shakri u Dabid, bad u la khi ïa ki, bad u la khap noh ïa ki jaiñkup jong ki napdeng, haduh ki skhep jong ki, bad u la phah noh ïa ki.

SALM 102:14

Naba ki shakri jong me ki ïasngewbha ïa ki maw jong ka, bad ki isynei ïa ka khyndew jong ka.

SALM 78:60

kumta, u la iehnoh ïa kata Ka Tabernakl Sheiloh, kata ka ïingjaiñ kaba u la buh hapdeng ki briew;

ISAÏAH 15:2

U la leit kiew sha Baith, bad sha Dibon, sha ki jaka bajrong ban ïambriew: ka Moab ka lynñiar namar ka Nebo, bad namar ka Medeba: ha ki khlieh jong ki baroh don ka jinglyndum, ïa u 'ñiuh tmoh baroh la khi noh.

JEREMAÏAH 16:6

Bad ki bakhraw bad ki barit kin ïap ha kane ka ri: yn ym tep ïa ki, lymne ki briew kin ym ïambriew ïa ki, lymne kin ym ot ïa lade, lymne pynlyndum ïa lade namar jong ki:

JEREMAÏAH 41:4

Te ha ka sngi ka ba-ar ynda u la lah pynïap ïa u Gedalaïah bad ba ym don ba la tip ïa kata,

JEREMAÏAH 47:5

Ka jingdkhaw ka la wan halor ka Gasa; ïa ka Ashkelon la pynduh noh, bad ïa i bynta ba sah na ka them jong ki: slem katno phan ot ïa lade?

JEREMAÏAH 48:37

“Namar ka khlieh baroh ka la dkhaw, bad ïa ki 'ñiuh tmoh baroh la khap noh: ha ki kti baroh don ki jingmong, bad ha ka syngkai ka jaiñ byrni.

JEREMAÏAH 7:12

“Hynrei, to khie leit mynta sha ka jaka jong nga kaba la long ha Sheiloh, ha kaba nga la pynshong ïa la ka kyrteng ha ka banyngkong, bad to khmih aïu nga la leh ïa ka namar ka jingsniew ki briew jong nga ki Israel.

JEREMAÏAH 7:14

namar kata, kumba nga la leh ïa ka Sheiloh, kumta ngan leh ïa kane ka ïing ïa kaba la khot da ka kyrteng jong nga, ha kaba phi shaniah, bad ïa kane ka jaka kaba nga la ai ha phi bad ha ki kpa jong phi.

JOEL 2:13

bad to kad ïa la ka dohnud, te ym ïa la ki jaiñkup,” bad to phai sha U Trai U Blei jong phi: naba u long uba aiei bad uba isynei lem, uba suki ban bitar, bad uba kynrei ha ka jingisynei, bad uba kylla-ka-bamut na ka jingpynsniew.

DEUTERONOMI 14:1

“Phi long ki khun U Trai uba U Blei jong phi: phin ym ot ïa lade, lymne wat khi hapdeng ki khmat jong phi na ka bynta kiba la ïap.

JOSHUA 18:1

Bad u paidbah ki khun Israel baroh ki la ïalum lang ha Sheiloh, bad ki la pynïeng ïa Ka Tabernakl ka jingïaseng hangta: bad la lah jop ïa ka ri ha shuwa jong ki.

JOSHUA 24:32

Bad ïa ki shyieng u Joseph, kiba ki khun Israel ki la wallam noh na Ijipt, ki la tep ha Shekhem, ha kata ka bynta ka khyndew kaba u Jakob u la thied na ki khun u Hamor u kpa u Shekhem shispah ki sbai kesitah: bad ka la jia long ka bynta ki khun u Joseph.

NONGBISHAR 18:31

Kumta, ki la pynïeng ïa kata ka dur bleithaw jong u Mikah kaba u la thaw, baroh shi katta katba ka ïing U Blei ka la don ha Sheiloh.

NONGBISHAR 9:1

Te u Abimelekh u khun u Jerubbaal u la leit sha Shekhem sha ki hynmen hynbew ka kmie jong u, bad u la ïakren bad ki, lem bad ki kur ka ïing u kpa ka kmie jong u, u da ong,

1 SAMUEL 1:7

Bad namar ba u la ju leh kumta man ka snem, haba ka la leit kiew ha ïing U Trai, ka ruh ka la ju pynkhih bitar ïa ka; haduh ba ka ju ïam, ka jingbam ruh kam ju bam.