JEREMAÏAH 41:1 - KA BAIBL

¹ Te ha u bnai u bahynñiew, u Ishmael u khun u Nethaniah, u khun u Elishama, uba na u symbai bakynja syiem, bad uwei na ki rangbah jong u syiem, bad shiphew ngut ki briew bad u, ki la wan sha u Gedalaïah u khun u Ahikam sha Mispah; bad hangta ki la ïabam ja lang ha Mispah.

Khasi CL Bible (BSI)

¹ Ha u bnai uba hynñiew jong kata ka snem, u Ishmael, u khun jong u Nethanaïah bad u ksiew jong u Elishama, u dkhot ka longïing syiem bad uwei na ki rangbah pynïaidkam kiba hakhlieh duh jong u syiem, u la leit sha Mispah lem bad shiphew ngut ki rangbah ban peit ïa u Gedalaïah.

JEREMAÏAH 41:1 ပူးပေါင်းရင်းမြစ်များ

2 SAMUEL 3:27

Te haba u Abner u la wan phai noh sha Hebron, u Joab u la shim kyrpang ïa u shapdeng ka khyrdop ban ïakren bad u da kaba suk, bad u la shoh ïa u hangta na ka kpoh, ba kumta u la ïap noh, namar ka snam u Asahel u para jong u.

2 SYIEM 11:1

Te ynda ka Athaliah ka kmie u Ahasaïah ka la ïohi ba u khun jong ka u la ïap, ka la ïeng joit bad ka la pynduh ïa ka jaid syiem baroh.

2 SYIEM 25:22

Te shaphang kita ki briew ïa kiba la iehnoh ha ka ri Judah, ïa kiba u Nebukhadnessar u syiem ka Babilon u la iehnoh, halor kita keiñ u la thung nongsynshar ïa u Gedalaïah u khun u Ahikam, u khun u Shaphan.

2 SYIEM 25:25

Hynrei, ha u bnai u bahynñiew, u Ishmael u khun u Nethaniah, u khun u Elishama, uba na ka jaid syiem, u la wan, bad shiphew ngut ki rangbah lem bad u, bad u la pom ïa u Gedalaïah, haduh ba u la ïap, bad ïa ki Jiw bad ïa ki Khaldi kiba bad u ha Mispah.

2 KHRONIKL 22:10

Te haba ka Athaliah ka kmie u Ahasaïah ka la ïohi ba u khun jong ka u la ïap, ka la ïeng bad ka la pynduh noh ïa ki khun syiem baroh na ka ïing Judah.

SALM 109:5

Bad ki la siew ïa nga da ka basniew namar ka babha, bad da ka jingshun namar ka jingieit jong nga.

SALM 41:9

Wat uta u lok ba-ieit jong nga hi ruh, ha uba nga la shaniah, uba la ju bam ïa u kpu jong nga, u la rah ïa la ka khongdong'jat pyrshah ïa nga.

PROBERB 13:10

Da ka jingsarong ka wan tang ka jingïaleh: hynrei, bad uba pyrkhat bha ka jingstad ka don.

PROBERB 27:4

Ka jingbitar ka dom, bad ka jingbitar lep ka long ka jingshlei um; hynrei, uei uba lah ban ïeng ha khmat ka jingbishni?

JEREMAÏAH 36:12

u la leit hiar sha ka ïing u syiem, sha ka kamra jong uta u nongthoh: bad ha khmih, baroh ki bakhraw batri ki ïashong hangta, u Elishama u nongthoh, bad u Delaïah u khun u Shemaïah, bad u Elnathan u khun u Akhbor, bad u Gemaraïah u khun u Shaphan, bad u Sedekaïah u khun u Hananiah, bad baroh ki bakhraw batri.

JEREMAÏAH 36:20

Bad ki la leit rung sha u syiem shapoh ka phyllaw; hynrei, ki la buh noh ïa kata ka kot bakli ha ka kamra jong u Elishama u nongthoh; bad ki la ïathuh ïa kita ki ktien baroh ha ki shkor u syiem.

JEREMAÏAH 39:14

ki la phah, bad ki la pynmih ïa u Jeremaïah na ka phyllaw jong ka karod, bad ki la ai ïa u ha u Gedalaïah u khun u Ahikam, u khun u Shaphan, ba un leit lam ïa u sha ïing: kumta u la shong hapdeng u paidbah.

JEREMAÏAH 40:13

Nalor kane, u Johanan u khun u Kariah, bad ki kaptan ki paidïapom baroh kiba la don ha ki madan, ki la wan sha u Gedalaïah ha Mispah,

JEREMAÏAH 40:5

Mynta katba um pat shym phai dien, u la ong, “Khie phai pat te, sha u Gedalaïah u khun u Ahikam, u khun u Shaphan, ïa uba u syiem ka Babilon u la thung nongsynshar halor ki nongbah Judah, bad to shong bad u hapdeng ki paidbah: lane khie leit shano shano katba idei ïa me ban leit.” Kumta, u kaptan ka karod u la ai jingbam bad ka buskit ïa u, bad u la pyllait ïa u.

JEREMAÏAH 40:6

Ynda kumta, u Jeremaïah u la leit sha u Gedalaïah u khun u Ahikam sha Mispah, bad u la shong bad u hapdeng ki paidbah ïa kiba la pynsah ha ka ri.

JEREMAÏAH 40:7

Te haba ki kaptan ki paidïapom baroh kiba la don ha ki madan, ma ki hi keiñ bad ki briew jong ki, ki la ïohsngew ba u syiem ka Babilon u la thung ïa u Gedalaïah u khun u Ahikam ban long nongsynshar ha ka ri, bad ba u la ai ha u ïa ki rangbah, bad ki kynthei, bad ki khynnah, bad ïa kiba kham duk ruh jong ka ri, na kita ki bym shym la ring mraw sha Babilon;

JEREMAÏAH 40:8

ynda kumta, ki la ïawan sha u Gedalaïah sha Mispah, u Ishmael u khun u Nethaniah, bad u Johanan bad u Jonathan ki khun u Kariah, bad u Seriah u khun u Tanhumeth, bad ki khun u Ephai u nong Netophath, bad u Jesaniah u khun nong Maakath keiñ, ma ki bad ki briew jong ki.

ESEKIEL 17:13

bad u la shim ïa uba na u symbai syiem, bad u la pynlong ka jutang bad u; bad u la pynsmai ruh ïa u, bad u la shim noh ïa kiba don bor na ka ri:

ÏOANNIS 13:18

Ngam kren shaphang jong phi baroh: nga, nga ithuh ïa kiba nga la jied, ba yn ïoh pyndep ïa kata Ka Jingthoh, ‘Uta uba bam jingbam lem bad nga u la rah ïa la ka khongdong'jat ban ïaleh ïa nga.’