JEREMAÏAH 40:3 - KA BAIBL

³ bad U Trai u la pynwan ïa ka, bad u la leh kumba u la kren; naba phi la leh pop ïa U Trai, bad phim shym la kohnguh ïa ka ktien jong u, namar kata, kane ka la ngat halor jong phi.

Khasi CL Bible (BSI)

³ “U Trai U Blei jong phi u la byrngem ïa kane ka ri da ka jingjot, bad mynta u la leh ïa kaei kaba u la ong ba un leh. Baroh kane ka la jia namar ki briew jong phi ki la leh pop pyrshah ïa U Trai bad kim shym la kohnguh ïa u.

JEREMAÏAH 40:3 ပူးပေါင်းရင်းမြစ်များ

NEHEMAÏAH 9:28

Hynrei, ynda ki la shongthait, ki la leh sniew pat ha khmat jong me: namar kata, me la iehnoh ïa ki ha ki kti ki nongshun jong ki, kumta, ki la synshar halor jong ki: pynban, haba ki la phai pat, bad ki la lynñiar ha me, me la ïohsngew ïa ki na bneng; bad bunsien me la pyllait ïa ki katba kum ki jingisynei jong me;

NEHEMAÏAH 9:33

La kumta ruh, me long u bahok ha kiei kiei baroh kiba la jia ïa ngi; namar me la leh ïa kaba shisha, hynrei, ngi la leh bymman.

JEREMAÏAH 11:17

Naba U Trai ki paid, uba la thung ïa pha, u la pynbna ïa ka basniew ïa pha, namar kata ka jingsniew jong ka ïing Israel bad ka jong ka ïing Judah kaba ki la leh pyrshah ïa lade ha kaba ki la pankwah ïa nga ban bitar, da kaba ainguh da ka jingiwbih ha u Baal.”

JEREMAÏAH 22:8

“Bad bun ki jaid bynriew kin ïaid hajan kane ka shnong, bad kin ïa-ong uwei uwei baroh ïa la u paramarjan, ‘Namar balei ba U Trai u la leh kumne ïa kane ka shnong bakhraw?’

JEREMAÏAH 39:16

“Khie leit, kren ha u Ebed-melek u nong Ethiopia, da kaba ong, ‘Kumne u ong U Trai ki paid, U Blei ki Israel: “Ha khmih, ngan pynwan ïa ki ktien jong nga halor kane ka shnong ïa ka ban sniew, bad ym ïa ka ban bha: bad yn sa pyndep ïa ki ha khmat jong me ha kata ka sngi.

JEREMAÏAH 44:23

Namar phi la thang ka jingiwbih, bad namar phi la leh pop ïa U Trai, bad phim shym la kohnguh ïa ka ktien U Trai, lymne ïaid ha ka hukum jong u, lymne ha ki aiñ jong u, lymne ha ki jingphla jong u; namar kata, kane ka jingsniew ka la jia ha phi, kumba ka long ha kane ka sngi.”

JEREMAÏAH 50:7

Baroh kat kiba shem ïa ki, ki la bam duh ïa ki: bad ki nongïaleh pyrshah jong ki, ki la ong, ‘Ngim shym leh palat, namar ki la leh pop ïa U Trai, ka jaka shong ka hok, U Trai hi keiñ, uba ka jingkyrmen ki kpa jong ki.’

SNGEWSYNEI 2:17

U Trai u la leh ïa kata kaba u la pun; u la pyndep ïa la ka ktien kaba u la hukum ha ki sngi mynbarim; u la pynkyllon, bad um shym isynei: u la pynrisa ïa u nongshun halor jong pha, u la kyntiew ïa ka reng ki nongïaleh pyrshah jong pha.

Ka Shithi U Paul Sha Ki Nong Rom 2:5

Hynrei, katba kum kata ka jinglong eh ka jong me bad ka dohnud bymkylla-ka-bamut, me ïaikynshew ïa lade ka jingbitar ïa kaba akher ka sngi ka jingbitar, bad ka jingpynpaw ïa ka jingbishar hok ka jong U Blei;

Ka Shithi U Paul Sha Ki Nong Rom 3:19

Te ngi ïatip biang ba ïa kiei kiei ruh, kat kiba ka hukum ka ong, ka kren ha kita keiñ, kiba hapoh kata ka hukum; ba kumta, yn ïoh pynsngap noh jar ïa ka shyntur baroh, bad ba ka pyrthei baroh kan long hapoh ka jingpynrem U Blei.

DEUTERONOMI 29:25

Te kin ïa-ong, ‘Namar ba ki la klet ïa ka jutang U Trai uba U Blei ki kpa jong ki, ïa kaba u la thaw bad ki, mynba u la ïalam noh ïa ki na ka ri Ijipt;