JEREMAÏAH 40:1 - KA BAIBL

¹ Ka ktien kaba la wan ha u Jeremaïah na U Trai, hadien ba u Nebusaradan u kaptan jong ka karod u la pyllait ïa u na Ramah, ynda u la lah leit lam ïa u ba la khum da ki kynjri, hapdeng ki mraw Jerusalem bad Judah baroh, ïa kiba la ring mraw sha Babilon.

Khasi CL Bible (BSI)

¹ U Trai u la kren ha nga hadien ba u Nebusaradan, u rangbah shipai, u la lah pyllait ïa nga ha Ramah. Ïa nga la leit ïalam shata ha ki kynjri, ryngkat bad baroh kiwei pat ki briew na Jerusalem bad Judah ïa kiba la leit ïalam kum ki koidi sha Babilonia.

JEREMAÏAH 40:1 ပူးပေါင်းရင်းမြစ်များ

2 KHRONIKL 16:1

Ha ka balaiphew hynriew snem ka jingsynshar u Asa, u Baasha u syiem ki Israel u la leit kiew ban ïaleh ïa ka Judah, bad u la tei ïa ka Ramah, ba u lah ban ym shah ïano ïano ban leit mih ne ban wan sha u Asa u syiem ka Judah.

SALM 107:16

Naba u la pynkheiñ ïa ki khyrdop rnong, bad u la bthat ïa ki narkhang.

SALM 68:6

U Blei u buh ïa kiba marwei ha ki ïing: u pynmih noh ïa ki koidi sha ka jingmanbha: hynrei, kiba leh kiat ki shong ha ka 'dewryngkhiang.

JEREMAÏAH 31:15

Kumne u ong U Trai: “Ha Ramah la ïohsngew ïa ka jingsawa ka jinglynñiar, bad kaba ïam kthang eh, ka Rakhel ka da ïam na ka bynta la ki khun; kam treh ban pyntngen ïa ka na ka bynta ki khun jong ka, namar ba kim don shuh.”

JEREMAÏAH 39:9

Ynda kumta, u Nebusaradan u kaptan jong ka karod u la ring mraw noh sha Babilon ïa kiba dang sah na ki briew kiba la sah ha ka nongbah, ïa ki shipai ba la phet ruh, kiba leit hap noh sha u, bad ïa kita kiba dang sah na ki briew kiba la sah.

JEREMAÏAH 42:7

Te hadien shiphew sngi, ka ktien U Trai ka la wan ha u Jeremaïah.

ESEKIEL 33:21

Ka la jia te ha ka snem ka bakhat-ar ka jinglongmraw jong ngi, ha u bnai u bashiphew, ha ka sngi ka basan jong uta u bnai, ba la wan uwei ha nga na kita kiba la ïohlait im na Jerusalem, u da ong, “La pom noh ïa ka nongbah.”

KI KAM 21:13

Hynrei, u Paul u la ïathuh, “Phin lei da kaba ïam bad da kaba pynpait ïa ka dohnud jong nga? Namar nga, nga la kloi ym tang ban shah khum, hynrei, ban ïap ruh ha Jerusalem na ka bynta ka kyrteng U Trai Jisu.”

KI KAM 28:20

kumta, na kane ka daw, nga la khot ïa phi ban ïohi, bad ban ïoh ïakren bad nga; naba na ka bynta ka jingkyrmen jong ki Israel la khum ïa nga da une u kynjri.”

EPHESOS 6:20

na ka bynta jong ka, ba nga long u nongkit-'tien syiem ha ki kynjri; ba ha kata ngan kren shlur, kumba ka dei ïa nga ban kren.

JOSHUA 18:25

ka Gibeon, bad ka Ramah, bad ka Beeroth;

1 SAMUEL 7:17

Te ka jingwan phai jong u ka la long sha Ramah, namar ka ïing jong u ka la don hangta; hangta ruh u la ju bishar ïa ki Israel: bad hangta u la thaw ïa ka duwan ha U Trai.