JEREMAÏAH 4:9 - KA BAIBL

⁹ “Te kan long ha kata ka sngi,” ong U Trai, “ba ka dohnud u syiem kan jot, bad ka dohnud ki rangbah; bad ki lyngdoh kin sngewlyngngoh, bad ki nongïathuhlypa kin sngewphylla.”

Khasi CL Bible (BSI)

⁹ U Trai u ong, “Ha kata ka sngi ki syiem bad ki rangbah synshar kin duh ka jingshlur jong ki; ki lyngdoh kin kyndit bad ki nongïathuhlypa kin lyngngoh.”

JEREMAÏAH 4:9 ပူးပေါင်းရင်းမြစ်များ

2 SYIEM 25:4

Te la pynlong ka jingtwa ha ka shnong, bad baroh ki nongïapom ki la phet ïap mynmiet na ka lynti ka khyrdop hapdeng ki ar tylli ki kynroh, kaba hajan ka kper u syiem: (te ki Khaldi ki la don pyrshah ïa ka shnong baroh sawdong:) bad u syiem u la leit na ka lynti ka Arabah.

SALM 102:4

Ïa ka dohnud jong nga la shoh kum u phlang, bad ka la ïapstai noh; naba nga klet ban bam ïa la u kpu.

ISAÏAH 19:16

Ha kata ka sngi, ka Ijipt kan long kum ki kynthei: te kan sngewkyiuh bad sheptieng namar ka jingpynkhih ka kti U Trai ki paid, kaba u pynkhih halor jong ka.

ISAÏAH 19:3

Bad ïa ka mynsiem ka Ijipt yn pynsuda noh hapdeng jong ka; ngan pynjot ruh ïa ka jingïasylla jong ka: te kin leit wad ha ki bleithaw, bad ha ki nongai jadu, bad ha kita kiba shong ksuid, bad ha ki nongai ksuid.

ISAÏAH 28:19

Katno katno sien ba ka ïaid lyngba, kan shim ïa phi; namar man la ka step kan ïaid lyngba, mynsngi bad mynmiet: te kan long sa tang ka jingshyrkhei suda ban shemphang ïa kata ka jingbna.

JEREMAÏAH 2:26

“Kumba u nongtuh u lehrain haba lap ïa u, kumta ka ïing Israel ka lehrain: ma ki, ki syiem jong ki, ki rangbah jong ki, bad ki lyngdoh jong ki, bad ki nongïathuhlypa jong ki;

JEREMAÏAH 25:34

“ ‘To lynñiar, phi ki nongaplangbrot, bad to kyang; bad to ïaksaid ha ka dpei, phi ki nongïalam jong ka kynhun: naba ki sngi ka jingpynïap ïa phi ki la poi hi, te ngan pynlwet jin ïa phi, bad phin hap kum ka pliang kaba itynnad.

JEREMAÏAH 37:19

Hangno mynta ki nongïathuhlypa jong phi kiba la ïathuhlypa ha phi, ki ïa-ong, ‘U syiem ka Babilon un ym wan ïaleh ïa phi, lymne ïa kane ka ri’?

JEREMAÏAH 48:41

Ïa ka Kerioth la jop noh, bad ïa ki kut baskhem la kynrup klep, bad ka dohnud ki riewkhlaiñ jong ka Moab ha kata ka sngi kan long kum ka dohnud ka kynthei ha ka jingsuh khun jong ka.

JEREMAÏAH 5:31

ki nongïathuhlypa ki ïathuhlypa lamler, bad ki lyngdoh ki synshar da la ka buit; bad u paidbah jong nga u sngewbha ba ka long kumta: te phin leh kumno ha ka jingkut jong ka?

JEREMAÏAH 52:7

Ha kata, la pynlong ka jingpynpra ha ka shnong, te ki nongïapom baroh ki la phet ïap, bad ki la leit mih noh na shnong mynmiet na ka lynti ka khyrdop hapdeng ki ar kynroh, kaba hajan ka kper u syiem; (te ki Khaldi ki la don pyrshah ïa ka shnong baroh sawdong:) bad ki la leit na ka lynti ka Arabah.

KI KAM 13:41

“ ‘Ha khmih, A phi ki nongibeiñ, to sngewphylla ruh, bad to jah noh jar ruh; naba nga, nga leh ïa ka jingleh ha ki sngi jong phi, ka jingleh keiñ kaba phin ym ngeit da kumno kumno ruh, wat lada uno uno ruh u batai ïa ka ha phi.’ ”