JEREMAÏAH 4:2 - KA BAIBL

² bad men smai, ‘Katba im U Trai,’ ha ka jingshisha, ha ka jingbishar, bad ha ka hok; bad ki jaid bynriew kin kyrkhu ïa lade ha u, bad ha u kin sngewsarong.”

Khasi CL Bible (BSI)

² kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

JEREMAÏAH 4:2 ပူးပေါင်းရင်းမြစ်များ

JENESIS 22:18

bad ha u symbai jong me ki jaid bynriew baroh ka pyrthei kin ïa-pynkyrkhu ïa lade; naba me la kohnguh ïa ka ktien jong nga.”

1 SYIEM 3:6

U Solomon te u la ong, “Me la pyni ka jingsbun bakhraw ha u shakri jong me u Dabid u kpa jong nga, kat kumba u la ïaid ha khmat jong me ha ka jingshisha, bad ha ka hok, bad ha ka jingbeit ka dohnud bad me; bad me la tyngkai na ka bynta jong u ïa kane ka jingsbun bakhraw, ba me la ai ha u, u khun ban shong halor ka khet jong u, kumba ka long ha kane ka sngi.

SALM 72:17

Ka kyrteng jong u kan neh junom; ka kyrteng jong u kan sah slem kat ka sngi; bad ha u yn kyrkhu ïa ki briew; ki jaid bynriew baroh kin khot uba suk ïa u.

SALM 99:4

Ka bor jong u syiem ka ieit ruh ïa ka jingbishar; me, me pynskhem ïa ka jingbeit, me leh ïa ka jingbishar bad ka hok ha u Jakob.

ISAÏAH 45:23

Ha lade nga la smai, ka ktien ka la mih noh na ka shyntur jong nga ha ka hok, te kan ym wan phai shuh, ‘Ba ha nga, ka khohsiew baroh kan dem khrup, u thylliej baroh un smai.’

ISAÏAH 45:25

Ha U Trai yn pynksan ïa u symbai jong u Israel baroh, bad un sngewsarong.”

ISAÏAH 65:16

katba uta uba kyrkhu ïa lade ha ka khyndew un kyrkhu ïa lade ha U Blei ka jingshisha; bad ba uta uba smai ha ka khyndew un smai da U Blei ka jingshisha; namar ïa ki jingkhuslai bamynshuwa la klet noh, bad namar ba la buhrieh ïa ki na khmat jong nga.”

JEREMAÏAH 10:10

Hynrei, U Trai u long U Blei uba shisha; u long U Blei u ba-im, bad u syiem u bajunom: ha ka jingbitar jong u ka khyndew ka khynñiuh, bad ki jaid bynriew kim lah shah ïa ka jingbitar baïaibat jong u.

JEREMAÏAH 12:15

Te ynda nga la rat noh ïa ki, ngan phai pat bad ngan isynei ïa ki; bad ngan wallam ïa ki pat, uwei uwei sha la ka ri kynti, bad uwei sha la ka ri.

JEREMAÏAH 12:16

Te lada kin hikai minot ïa ki lynti ki briew jong nga, ïa ka ban smai ha ka kyrteng jong nga, ‘Katba u im U Trai;’ kumjuh kumba ki la hikai ïa ki briew jong nga ban smai da u Baal; kumta yn sa tei ïa ki hapdeng ki briew jong nga.

JEREMAÏAH 16:19

A Trai, ka bor jong nga, bad ka kut baskhem jong nga, bad ka jaka rieh jong nga ha ka sngi ka jingjynjar, sha me ki jaid bynriew kin wan na ki bakut ka khyndew, bad kin ong, “Ki kpa jong ngi kim shym ïoh ei ei, hynrei, tang ki jinglamler, ïa ka jingthala keiñ, bad kiei kiei ki bym pynmyntoi.

JEREMAÏAH 3:17

Ha kata ka por, kin khot ïa ka Jerusalem ‘ka khet jong U Trai’; bad yn ïalum lang ïa ki jaid bynriew baroh ha ka, sha ka kyrteng U Trai, ha Jerusalem keiñ; lymne kin ym ïaid shuh kat kum ka jingmutlop ka dohnud basniew jong ki.

JEREMAÏAH 33:9

Bad kane ka nongbah kan long ha nga ka kyrteng ka jingkmen, ka jingïaroh bad ka burom, ha khmat ki jaid bynriew ka pyrthei baroh, ki ban ïohsngew ïa ka jingbha baroh kaba nga leh ha ki, kin sheptieng ruh bad kin khynñiuh namar ka jingbha bad ka jingsuk baroh kiba nga pynïoh ïa ka.’

JEREMAÏAH 5:2

Bad la ki ong, “Katba im U Trai;” shisha keiñ ki smai lamler.

JEREMAÏAH 7:5

“ ‘Naba lada phin pynbha shisha ïa ki lynti jong phi bad ïa ki jingleh jong phi; lada phi leh hok shisha hapdeng u briew bad u paramarjan jong u;

JEREMAÏAH 9:24

hynrei, uta uba sngewsarong to un sngewsarong ha kane, ba u shemphang, bad ba u ithuh ïa nga, ba nga long U Trai uba leh ïa ka jingleh ieit, ïa ka jingbishar, bad ïa ka hok, ha ka khyndew: naba ha kine kiei kiei nga sngewbha keiñ,” ong U Trai.

HOSIA 2:19

Ngan ïatehktien ruh ïa pha ha nga junom; shisha keiñ, ngan ïatehktien ïa pha ha nga ha ka hok, bad ha ka jingbishar, bad ha ka jingieit, bad ha ki jingleh isynei.

JOEL 2:12

“La kumta ruh wat mynta hi,” ong U Trai, “to phai ha nga da la ka dohnud baroh, bad da ka jingshah jingit, bad da kaba ïam, bad kaba ïam sngewsih:

SEKHARAÏAH 8:8

bad ngan wallam ïa ki, bad kin ïoh shong hapdeng ka Jerusalem; bad kin long u paidbah jong nga, nga ruh ngan long U Blei jong ki, ha ka jingshisha bad ha ka hok.”

MALAKHI 1:11

Naba na kaba mih ka sngi jin haduh kaba sep jong ka, ka kyrteng jong nga ka long kaba khraw hapdeng ki Jentil; bad ha ka jaka baroh la ainguh da ka jingainguh baiwbih ha ka kyrteng jong nga, bad da ka jingainguh ka bakhuid: naba ka kyrteng jong nga ka long kaba khraw hapdeng ki Jentil,” ong U Trai ki paid.

1 KORINTH 1:31

ba kat kumba la thoh: “Uta uba leh kmen, to un leh kmen ha U Trai.”

2 KORINTH 10:17

Hynrei, “Uta uba leh thaw burom, to un leh thaw burom ha U Trai keiñ.”

GALATIA 3:8

Bad Ka Jingthoh, haba ka la ïohi lypa ba U Blei un pynksan ïa ki Jentil da ka jingngeit, ka la ïathuhlypa ïa ka gospel ha u Abraham, ka da ong: “Ha me yn kyrkhu ïa ki jaid bynriew baroh.”

DEUTERONOMI 10:20

Men sheptieng ïa U Trai uba U Blei jong me; ïa u hi men shakri; bad ha u men snoh, bad ha ka kyrteng jong u ruh men smai.

DEUTERONOMI 4:30

Haba me long ha ka jingjynjar, bad haba kine kiei kiei baroh ki la jia ha me, ha kita ki sngi ki bakhatduh men phai khmat sha U Trai uba U Blei jong me, bad men kohnguh ruh ïa ka ktien jong u;

DEUTERONOMI 6:13

To men sheptieng ïa U Trai uba U Blei jong me; bad to shakri ïa u, bad da ka kyrteng jong u men smai.

PHILIPPI 3:3

Namar ngi keiñ, ngi long kata ka jingotsher, kiba mane da U Mynsiem U Blei, bad kiba leh kmen ha U Khrist Jisu, bad ki bymshaniah ha ka doh.

RUTH 3:13

To sah kane ka miet, mynstep te, lada uta un pyndep ha pha ïa kata ka hok kaba dei ïa u kur, ñiuma, ai ba un pyndep ha pha ïa kata ka hok kaba dei ïa u kur: hynrei, lada un ym pyndep ha pha ïa kata ka hok kaba dei ïa u kur, te kumta, ngan pyndep ma nga ha pha ïa kata ka hok kaba dei ïa u kur, katba u im U Trai: to thiah noh haduh mynstep.”

1 SAMUEL 20:3

Te u Dabid u la smai de, bad u la ong, “U kpa jong me u tip bha ba nga la shem kaba sngewbha ha khmat jong me; bad u ong, ‘Wat ai ba u Jonathan un ïoh tip ïa kane, ïoh pynsngewsih ïa u;’ da shisha katba im U Trai, bad katba im ka mynsiem jong me ruh, ka don tang kum shi sien-jam hapdeng jong nga bad ka jingïap.”