JEREMAÏAH 38:9 - KA BAIBL

⁹ “Ko kynrad syiem, kine ki briew ki la leh sniew ha baroh kaba ki la leh ïa u Jeremaïah u nongïathuhlypa ïa uba ki la thep shapoh ka byndi khrum; bad sa ba un sa ïap ha ka jaka kaba u don na ka bynta ka 'nemsniew: naba ym don kpu shuh ha ka shnong.”

Khasi CL Bible (BSI)

⁹ “Ko Syiem, kaei kaba kine ki briew ki la leh ka long ka bym dei. Ki la thep ïa u Jeremaïah ha ka pung, ha kaba, da shisha, un sa ïap ha ka jingïapthngan, namar ym don jingbam shuh ha ka nongbah.”

JEREMAÏAH 38:9 ပူးပေါင်းရင်းမြစ်များ

Ka Kitab U Job 31:34

namar ba nga la sheptieng ïa u paidbah bakhraw, bad ba ka jingñiewbeiñ ki kur ka la pynkhaw-eit ïa nga, ba kumta nga la sngap jar, khlem da mih noh na la ka jingkhang —

JEREMAÏAH 19:9

Bad ngan pynbam ïa ki da ka doh ki khun shynrang jong ki bad da ka doh ki khun kynthei jong ki, bad kin bam uwei uwei baroh ïa ka doh u lok jong u, ha kata ka jingker kut bad ha kata ka jingshipa, da kaba ki nongshun jong ki, bad kita kiba wad ïa ka jingim jong ki, kin pynshipa ïa ki.

JEREMAÏAH 37:21

Te u Sedekaïah syiem u la hukum, bad ki la set ïa u Jeremaïah ha ka phyllaw jong ki nongap phira, bad ki la ai ïa u man la ka sngi uwei u kpu na Ka Lynti Bah Ki Nongshet Kpu, haduh ba u kpu baroh ha kata ka shnong la lut. Kumne u Jeremaïah u la sah ha ka phyllaw ki nongap phira.

JEREMAÏAH 38:10

Te u syiem u la hukum ïa u Ebed-melek u nong Ethiopia, u da ong, “To shim lem bad me nangne laiphew ngut ki rangbah, bad to sei noh ïa u Jeremaïah u nongïathuhlypa na kata ka byndi khrum, haba um pat ïap.”

JEREMAÏAH 38:8

u Ebed-melek u la leit mih noh na ka ïing u syiem, bad u la kren ha u syiem u da ong,

JEREMAÏAH 39:17

Hynrei, ngan pyllait ïa me ha kata ka sngi,” ong U Trai: “bad yn ym ai ïa me ha ka kti kita ki briew kiba me sheptieng.

JEREMAÏAH 52:6

Ha u bnai u basaw, ha ka bakhyndai sngi jong u bnai, ka 'nemsniew ka la jur ha ka shnong, haduh bymdon kpu shuh ïa ki briew jong ka ri.

SNGEWSYNEI 1:11

Ki briew jong ka baroh ki ïanoh mynsiem, ki ïawad ka jingbam: ki la ai ïa kiei kiei kiba itynnad jong ki ba kin ïoh jingbam ban pynshait ïa ka mynsiem: “To khmih, A Trai, bad to i; naba nga la kylla long ïa uba la ibeiñ.”

SNGEWSYNEI 3:53

Ki la ot noh ïa ka jingim jong nga ha ka thliew, ki la shat ïa ka maw halor jong nga.