JEREMAÏAH 38:4 - KA BAIBL

⁴ Ynda kumta, ki rangbah ki la ong ha u syiem, “To pynïap noh ïa une u briew, ngi kyrpad ïa me; namar u pyntlot ïa ki kti jong ki riewïapom kiba sah hapoh kane ka shnong, bad ïa ki kti jong u paidlang baroh, ha kaba u kren kum kita ki ktien ha ki: naba une u briew um wad ïa ka jingbha jong une u paidlang, hynrei, ïa ka jingsniew keiñ.”

Khasi CL Bible (BSI)

⁴ Te ki rangbah synshar ki la leit sha u syiem bad ki ong, “Ïa une u briew dei ban pynïap. Da kaba u kren kumne, u pynlong ïa ki shipai ha ka nongbah ban duh noh ïa ka jingshlur, bad u leh kumjuh ïa uwei pa uwei baroh ba dang sah ha ka nongbah. Um shym pyrshang ban ïarap ïa ki paidbah; u kwah tang ban pynmong ïa ki.”

JEREMAÏAH 38:4 ပူးပေါင်းရင်းမြစ်များ

1 SYIEM 21:20

U Ahab te u la ong ha u Elijah, “Me la shem ïa nga, ko nongshun jong nga?” U te u la ïathuh, “Nga la shem ïa me keiñ: namar me la die noh ïa lade ban leh ïa kata ka basniew ha khmat U Trai.

2 KHRONIKL 24:21

Te ki la ïashet ïa u, bad ki la lynthem maw ïa u da ka hukum u syiem ha ka phyllaw ka ïing U Trai.

ESRA 4:12

To long ba la tip ha u syiem ba ki Jiw kiba la wan artet na me ki la wan ha ngi sha Jerusalem; ki dang tei ïa ka nongbah kaba shait ïaleh thma bad basniew, bad ki la pyndep ïa ki kynroh, bad ki la shna ïa ki nongrim.

NEHEMAÏAH 6:9

Namar, ki baroh, ki la kwah ban pynsheptieng ïa ngi, ki ïa-ong, “Yn pyntlot bor ïa ki kti jong ki na kata ka kam, ba yn ym pyndep ïa ka.” “Hynrei, mynta, A U Blei, pynshaitbor ma me ïa ki kti jong nga.”

EKSODOS 5:4

Te uta u syiem ka ri Ijipt u la ong ha ki, “Na ka balei ma phi, u Moses bad u Aaron, phi pynpep ïa ki briew na ka jingtrei jong ki? khie leit phi sha la ki jingkit.”

JEREMAÏAH 11:21

Namar kata, kumne u ong U Trai shaphang ki rangbah Anathoth, kiba wad ïa ka jingim jong me, ki ïa-ong, “Wat ïathuhlypa ha ka kyrteng U Trai, ba men ym ïap da ka kti jong ngi:”

JEREMAÏAH 18:23

Hynrei me, A Trai, me tip ïa ka jingpyrkhat jong ki pyrshah ïa nga ban pynïap ïa nga; wat map ïa ka jingleh bymhok jong ki, lymne wat pyndam noh na khmat jong me ïa ka pop jong ki: hynrei, to yn pynkyllon ïa ki ha khmat jong me; to leh ïa ki ha ka por ka jingbitar jong me.

JEREMAÏAH 26:11

Ynda kumta, ki lyngdoh bad ki nongïathuhlypa ki la kren ha kita ki rangbah bad ha u paidbah baroh, ki ïa-ong, “Une u briew uba dei ban ïap: naba u la ïathuhlypa pyrshah ïa kane ka shnong, kumba phi la ïohsngew da la ki shkor.”

JEREMAÏAH 29:7

Bad to wad ïa ka jingsuk jong kata ka shnong sha kaba nga la pynring mraw ïa phi, bad to duwai ha U Trai na ka bynta jong ka: naba ha ka jingsuk jong ka, ka shong ka jingsuk jong phi.’ ”

JEREMAÏAH 38:16

Kumta u Sedekaïah syiem u la smai jar jar ha u Jeremaïah, u da ong, “Katba U Trai u im, uba la thaw ïa ngi kane ka mynsiem, ngan ym pynïap noh ïa me, lymne ngan ym ai noh ïa me ha ka kti jong kine ki briew kiba wad ïa ka jingim jong me.”

JEREMAÏAH 38:25

Hynrei, lada ki rangbah ki ïohsngew ba nga la ïakren bad me, bad ki wan ha me, bad ki ong ha me, ‘To pynpaw ha ngi mynta ïa kaei ba me la ong ha u syiem; wat buhrieh ïa ka na ngi, bad ngin ym pynïap ïa me; ruh ïa kaei ba u syiem u la ong ha me:’

JEREMAÏAH 43:3

hynrei, u Baruk u khun u Neraïah u buh ïa me pyrshah ïa ngi, ïa ka ban ai ïa ngi ha ka kti jong ki Khaldi, ba ki lah ban pynïap ïa ngi, bad ban leit ring mraw noh ïa ngi sha Babilon.”

ESEKIEL 22:27

Ki rangbah jong ka hapdeng jong ka ki long kum ki suri kiba tar la ka jinglute; ban pynmih ïa ka snam, bad ban pynjot ïa ki mynsiem, ba kin ïoh ïa ka nong bymhok.

AMOS 7:10

Ynda kumta, u Amasaïah u lyngdoh ka Bethel u la phah ha u Jeroboam u syiem ki Israel, u da ong, “U Amos u la shet pyrshah ïa me hapdeng ka ïing Israel: ka ri kam lah shah ïa ki ktien jong u baroh.

LOUKAS 23:2

Ki la sdang ruh ban mudui ïa U, ki da ong, “Ngi la shem ïa une ba U da pynkiat ïa u paidlang, bad ba U da khang ban ai khajna ha u Kaisar, U da ong ba U hi U long U Khrist U Syiem.”

KI KAM 16:20

te ynda ki la ïalam ïa ki ha ki majistor, ki la ong, “Kine ki briew, kiba long ki Jiw, ki ïa-pynkhihwin jlang ïa ka shnong jong ngi:

KI KAM 17:6

Te haba kim shym la shem ïa ki, ki la ïaring noh ïa uta u Jason bad ïa kiba na ki parabangeit ha khmat ki nongsynshar ka shnong, ki da pyrta, “Kine kiba la pynkylla khongpong ïa ka pyrthei ki la wan poi hangne ruh!

KI KAM 24:5

Namar ngi la shem ïa une u briew u nongpynjot, bad uba shet ïa ka jingkhihwin hapdeng ki Jiw baroh kylleng ka pyrthei, u nongïalamphrang ruh ïa kata ka kynja niam jong ki Nasaret.

KI KAM 28:22

hynrei, ngi ïakwah ban ïohsngew na me, me mut kumno; namar shaphang kane ka kynja niam ngi la tip ba la krenbeiñ ïa ka kylleng la kylleng.”