JEREMAÏAH 32:2 - KA BAIBL

² Te ha kata ka por u paidïapom u syiem ka Babilon u la ker kut ïa ka Jerusalem: bad ïa u Jeremaïah u nongïathuhlypa la set ha ka phyllaw jong ka karod, kaba la long ha ka ïing u syiem ka Judah.

Khasi CL Bible (BSI)

² Ha kata ka por ka kynhun shipai jong u syiem ka Babilonia ka dang tur ïaleh ïa ka Jerusalem, bad ïa nga la set ha ka phyllaw ba la kerkut jong ka ïingsyiem.

JEREMAÏAH 32:2 ပူးပေါင်းရင်းမြစ်များ

2 SYIEM 25:1

Te ka la jia ha ka snem ka bakhyndai ka jingsynshar jong u, ha u bnai u bashiphew, ha ka sngi ka bashiphew jong uta u bnai, ba u Nebukhadnessar u syiem ka Babilon u la wan poi, ma u bad u paidïapom jong u baroh, ban ïaleh ïa ka Jerusalem, bad u la sher dara pyrshah ïa ka; bad ki la tei ïa ki kut pyrshah ïa ka baroh sawdong.

NEHEMAÏAH 3:25

U Palal u khun u Usai u la shna marpyrshah ïa ka pyrkhung ka kynroh, bad ïa ka ïing phira kaba pynkha na ka ïingsyiem kaba haneng kaba hajan ka phyllaw ka karod. Nadien jong u, u Pedaïah u khun u Parosh.

SALM 88:8

Me la pynjngai na nga ïa kiba ithuh ithaw jong nga: me la pynlong ïa nga ka jingijli ïa ki: la khang khop ïa nga, te ngam lah mih shuh.

JEREMAÏAH 32:3

Namar u Sedekaïah u syiem ka Judah u la set ïa u, u da ong, “Balei me ïathuhlypa, bad me ong, ‘Kumne u ong U Trai, “Ha khmih, ngan ai ïa kane ka nongbah ha ka kti u syiem ka Babilon, bad un shim ïa ka:

JEREMAÏAH 32:8

Kumta u Hanamel u khun u kñi jong nga u la wan ha nga ha ka phyllaw ka karod katba kum ka ktien U Trai, bad u la ong ha nga, “To thied ïa ka lyngkha jong nga, nga kyrpad ïa me, kaba ha Anathoth, kaba long ha ka ri Benjamin: namar ka hok ka jingïoh pateng ka long ka jong me, bad ka jingsiewspah ka long ka jong me; to thied ïa ka ïa lade.” ’ ” Te nga la tip ba kane ka la long ka ktien jong U Trai.

JEREMAÏAH 33:1

Ka ktien U Trai ka la wan ruh ha u Jeremaïah ka ba-ar sien, katba dang set ïa u ha ka phyllaw ka karod, ka da ong,

JEREMAÏAH 34:1

Ka ktien kaba la wan ha u Jeremaïah na U Trai, haba u Nebukhadnessar u syiem ka Babilon, bad baroh u paidïapom jong u, bad baroh ki hima jong ka pyrthei kiba hapoh ka jingsynshar jong u, bad baroh kita ki kynja bynriew ki la ïaleh ïa ka Jerusalem, bad ïa ki shnong jong ka, ka da ong:

JEREMAÏAH 36:5

Bad u Jeremaïah u la hukum ïa u Baruk, u da ong, “La khang khop ïa nga; ngam lah ban leit sha ïing U Trai:

JEREMAÏAH 37:15

Te ki rangbah ki la bitar ïa u Jeremaïah, bad ki la shoh ïa u, bad ki la set byndi ïa u ha ka ïing u Jonathan u nongthoh; naba ki la pynlong ka ïing byndi ïa kata.

JEREMAÏAH 37:21

Te u Sedekaïah syiem u la hukum, bad ki la set ïa u Jeremaïah ha ka phyllaw jong ki nongap phira, bad ki la ai ïa u man la ka sngi uwei u kpu na Ka Lynti Bah Ki Nongshet Kpu, haduh ba u kpu baroh ha kata ka shnong la lut. Kumne u Jeremaïah u la sah ha ka phyllaw ki nongap phira.

JEREMAÏAH 37:4

Ha kane ka por, u Jeremaïah u la ïawan ïaleit hapdeng u paidbah naba kim pat shym la set byndi ïa u.

JEREMAÏAH 38:13

Kumta ki la khring ïa u Jeremaïah da ki 'sai tyllai, bad ki la sei noh ïa u na kata ka byndi khrum: bad u Jeremaïah u la sah ha ka phyllaw ka karod.

JEREMAÏAH 38:6

Ynda kumta, ki la shim ïa u Jeremaïah, bad ki la set ïa u ha ka byndi khrum jong u Malkhiah u khun u syiem, kaba la don hapoh phyllaw ka karod: bad ki la pynhiar shapoh ïa u Jeremaïah da ki 'sai tyllai. Bad hapoh kata ka byndi khrum ym shym la don um, hynrei, tang ka ktieh: bad u Jeremaïah u la ngam hapoh ktieh.

MATHAÏOS 5:12

To ïakmen, to ïashadkmen ruh: namar ka bakhraw ka bainong jong phi ha ki bneng: naba kumta ki la ïa-pynshitom ïa ki nongïathuhlypa kiba la mynshuwa jong phi.”