JEREMAÏAH 27:9 - KA BAIBL

⁹ Hynrei ma phi, to wat sngap ïa la ki nongïathuhlypa, lymne ïa la ki nongkhan, lymne ïa la ki jingphohsniew, lymne ïa la ki nongkren shwar, lymne ïa la ki nongkren byrtong, kiba kren ha phi, ki ïa-ong, ‘Phin ym shakri ïa u syiem ka Babilon:’

Khasi CL Bible (BSI)

⁹ Wat shahshkor ïa ki nongïathuhlypa jong phi lane ïa uno uno uba kam ba u lah ban ïathuh lypa ïa la lawei, la ka long da ki jingphohsniew lane da kaba khot ïa ki mynsiem jong kiba ïap lane da ka myntor. Ma ki baroh kim ong ïa phi ban pyndem ha u syiem jong ka Babilonia.

JEREMAÏAH 27:9 ပူးပေါင်းရင်းမြစ်များ

EKSODOS 22:18

“Men ym shah ïa ka nongkren byrtong ban im.

EKSODOS 7:11

Ynda kumta, u Pharaoh ruh u la khot ïa ki riewstad, bad ïa ki nongleh byrtong: te ki nongleh byrtong ka ri Ijipt, ki hi ruh ki la leh kumjuh da ki jingleh myntor jong ki.

PROBERB 19:27

To wai noh, ko khun, na kaba sngap ïa ka jinghikai ïa ka ban tang shu pynbakla na ki ktien ka jingtip.

ISAÏAH 8:19

Te haba kin ong ïa phi, “Wad ïa ki nongkren blei bad ïa ki nongkren byrtong, kiba pah krik krik bad kiba kren blom blom”: kam dei ïa u paidlang ban wad ïa U Blei jong u? na ka bynta ki ba-im hato kin leit wad na ki baïap?

JEREMAÏAH 14:14

Ynda kumta, U Trai u la ong ha nga, “Kita ki nongïathuhlypa ki ïathuhlypa lamler ha ka kyrteng jong nga: ngam shym phah ma nga ïa ki, lymne ngam shym hukum ïa ki, lymne ngam shym kren ha ki: ki ïathuhlypa ïa ka jingithuhpaw balamler ha phi, bad ka jingkren byrtong, bad ka jingthala, bad ïa ka jingshukor ka dohnud jong ki hi.”

JEREMAÏAH 23:16

Kumne u ong U Trai ki paid, “Wat sngap ïa ki ktien ki nongïathuhlypa kiba ïathuhlypa ha phi: ki hikai ka jingthala ïa phi: ki kren ïa ka jingithuhpaw ka dohnud jong ki hi, te ym na ka shyntur U Trai.

JEREMAÏAH 23:25

“Nga ïohsngew ïa kaba la ong ki nongïathuhlypa, kiba ïathuhlypa ïa ki jinglamler ha ka kyrteng jong nga, ki ïa-ong, ‘Nga la phohsniew, nga la phohsniew.’

JEREMAÏAH 23:32

Ha khmih, nga long pyrshah ïa kita kiba ïathuhlypa ïa ki jingphohsniew kiba lamler,” ong U Trai, “bad kiba ïathuh ïa kita, bad kiba pynbakla ïa ki briew jong nga da ki jinglamler jong ki, bad da ki jingkren sarong thala jong ki: hynrei, ngam shym phah ïa ki, lymne hukum ïa ki; lymne kin ym pynmyntoi satia ïa une u paidbah,” ong U Trai.

JEREMAÏAH 29:8

Naba kumne u ong U Trai ki paid, U Blei ki Israel: “Wat shah ïa ki nongïathuhlypa jong phi kiba hapdeng jong phi, bad ki nongkhan jong phi, ba kin shukor ïa phi, lymne wat sngap ïa ki jingphohsniew ïa kiba phi phohsniew.

ESEKIEL 21:29

katba ki ïohi ïa ka jingthala ïa pha, katba ki khan lamler ïa pha, ban buh ïa pha halor ki ryndang jong ki bymman kiba la mynsaw ïap, kiba ka sngi jong ki ka la poi, ha ka por jong ka jingbymhok jong ka bakut.

DANIEL 4:7

Ynda kumta, la wan hapoh ki riewstad, ki nongleh byrtong, ki Khaldi, bad ki nongkren shwar: bad nga la ïathuh ïa ka jingphohsniew ha khmat jong ki; hynrei, kim shym pyntip ha nga ïa ka jingbatai jong ka.

MIKAH 3:7

Te ki nongïohi kin lehrain, bad ki nongkhan kin dum buit; shisha, baroh kin tap ïa la ki rmiang shyntur: namar ym don ka jingphai ktien na U Blei.

SEKHARAÏAH 10:2

Naba ki teraph ki la kren ka jingthala, bad ki nongkren byrtong ki la ïohi ïa ka lamler; bad ki la ïathuh ïa ki jingphohsniew kiba shukor, ki pyntngen lehnohei: namar kata, ki la leit la ka lynti kum ki langbrot, la pynjynjar ïa ki, namar bymdon u nongsharai.

MALAKHI 3:5

“Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

KI KAM 8:11

Ha u te, ki la ïa-pynshahshkor, namar la mynslem bah, da ki jingleh byrtong u la pynmaïa ïa ki.

EPHESOS 5:6

Wat ai ïano ïano ban shukor ïa phi da ka ktien thala: namar na ka bynta kine kiei kiei, ka jingbitar U Blei ka wan ha ki khun ka jingbymkohnguh.

DEUTERONOMI 13:2

bad lada kata ka dak, lane kata ka jingphylla, ka urlong, ïa kaba u la kren ha me, u da ong, ‘To ïa, ngin ïamane ïa kiwei pat ki blei,’ ïa kiba mem ju tip, ‘bad to ngin ïashakri ïa ki;’

DEUTERONOMI 18:14

Namar kine ki jaid bynriew, ïa kiba men ïoh, ki la shahshkor ïa ki nongkhan por, bad ïa ki nongleh blei: hynrei ïa me, U Trai uba U Blei jong me um shah keiñ ba men leh kumta.

JOSHUA 13:22

Ïa u Balaam ruh u khun u Beor, u nongkren byrtong, ki khun Israel ki la pynïap da ka waitlam hapdeng kita kiba ki la pynïap.

JINGPYNPAW 18:23

bad ïa ka jingshai ka sharak da lei lei yn ym pynshai shuh ha pha; bad ïa ka jingsawa u nongleit-kurim bad ka nongleit-kurim da lei lei yn ym ïohsngew shuh ha pha; naba kita ki nongkhaïi jong pha ki la ju ïalong ki bakhraw batri jong ka khyndew; naba da kata kaba ai ksuid jong pha la shukor noh ïa ki kynja bynriew baroh.

JINGPYNPAW 21:8

Hynrei, ïa kita kiba sheptieng, bad ïa ki bymngeit, bad ïa kiba ijli, bad ïa kiba pynïap bad ïa kiba kyr-eit, bad ïa kiba ai ksuid, bad ïa kiba mane bleithaw, bad ïa kita baroh kiba lamler, ka bynta jong ki kan long ha kata ka pung ïa kaba thang da ka ding bad da u kyndok; kaba long kata ka jingïap ka ba-ar.”

JINGPYNPAW 22:15

Shabar ki long kita ki ksew, bad kita kiba ai ksuid, bad kita kiba kyr-eit bad kita kiba pynïap, bad kita kiba mane bleithaw, bad baroh kat kiba ieit bad bathaw ïa ka lamler.

JINGPYNPAW 9:21

bad kim shym la kylla-ka-bamut na kita ki jingpynïap jong ki, lymne na kata kaba ai ksuid jong ki, lymne na kata ka jingïakai kynthei jong ki, lymne na kita ki jingtuh jong ki.