JEREMAÏAH 22:9 - KA BAIBL

⁹ Ynda kumta, kin ïathuh, ‘Namar ki la lyndet ïa ka jutang U Trai U Blei jong ki, bad ki la mane ïa kiwei pat ki blei, bad ki la shakri ïa ki.’ ”

Khasi CL Bible (BSI)

⁹ Te kin jubab ba ka long namar ba phi la lyndet ïa ka jutang jong phi bad nga, U Blei jong phi, bad phi la mane bad shakri ïa kiwei pat ki blei.”

JEREMAÏAH 22:9 ပူးပေါင်းရင်းမြစ်များ

1 SYIEM 9:8

bad la kane ka ïing ka jrong katta katta, pynban, uwei uwei baroh uba ïaid najan jong ka, un kyndit, bad un kynshi; bad kin ong, ‘Balei ba U Trai u la leh kumne ïa kane ka ri, bad ïa kane ka ïing?’

2 SYIEM 22:17

namar ki la lyndet ïa nga, bad ki la thang ka jingiwbih ha kiwei pat ki blei, ba kin ïoh pynbitar ïa nga da ka kam ki kti jong ki baroh; namar kata, ka jingbitar jong nga kan meh pyrshah ïa kane ka jaka, bad yn ym pynlip ïa ka.’ ”

2 KHRONIKL 34:25

namar ki la lyndet ïa nga, bad ki la thang ka jingiwbih ha kiwei pat ki blei, ba kin pynkhih bitar ïa nga da ki kam ki kti jong ki baroh; namar kata, ïa ka jingbitar jong nga la theh noh halor kane ka jaka, bad yn ym pynlip ïa ka.’

JEREMAÏAH 11:10

Ki la kylla pat ha ki jingleh bymhok ki kpa tymmen jong ki, ki bym treh ban sngew ïa ki ktien jong nga; bad ki la leit bud ïa kiwei pat ki blei ban shakri ïa ki: ka ïing Israel bad ka ïing Judah ki la pynkheiñ ïa ka jutang jong nga kaba nga la ïateh bad ki kpa jong ki.”

JEREMAÏAH 11:3

bad to ong ha ki, ‘Kumne u ong U Trai, U Blei ki Israel: “To long ba la tim uta u briew u bym sngew ïa ki ktien jong kane ka jutang,

JEREMAÏAH 16:11

hangta men ong ha ki, ‘Namar ki kpa jong phi ki la iehnoh ïa nga,’ ong U Trai, ‘bad ki la bud ïa kiwei pat ki blei, bad ki la shakri ïa ki, bad ki la mane ïa ki, bad ki la iehnoh ïa nga, bad kim shym sumar ïa ka aiñ jong nga;

JEREMAÏAH 50:7

Baroh kat kiba shem ïa ki, ki la bam duh ïa ki: bad ki nongïaleh pyrshah jong ki, ki la ong, ‘Ngim shym leh palat, namar ki la leh pop ïa U Trai, ka jaka shong ka hok, U Trai hi keiñ, uba ka jingkyrmen ki kpa jong ki.’

JEREMAÏAH 9:13

Bad U Trai u ong, “Namar ba ki la lyndet ïa ka hukum jong nga, kaba nga la buh ha khmat jong ki, bad kim shym kohnguh ïa ka ktien jong nga, lymne ïaid ha ka;

ESEKIEL 12:16

Hynrei, ngan pynsah khyndiat ki briew na ki na ka waitlam, na ka 'nemsniew, bad na ka khlam; ba kin ïoh ïathuh ïa la ki jingijli baroh hapdeng kita ki jaid bynriew sha kiba kin poi; te kin sa tip ba nga long U Trai.”

ESEKIEL 14:23

Bad kin pyntngen ïa phi, haba phi ïohi ïa ka lynti jong ki bad ïa ki jingleh jong ki: te phin sa tip ba ngam shym leh khlem daw ïa kata baroh ba nga la leh ha ka,” ong U Trai U Blei.

ESEKIEL 39:23

Te ki jaid bynriew kin ïoh tip ba ka ïing Israel ka la leit long mraw namar ka jingleh bymhok jong ki; namar ba ki la leh palat ïa nga, nga ruh nga la buhrieh la ka khmat na ki: kumta, nga la ai noh ïa ki ha ka kti ki nongshun jong ki, bad ki baroh ki la kyllon da ka waitlam.

ESEKIEL 5:15

Kumta kan long ka jinglehrain bad ka jingbeiñ, ka jinghikai bad ka jinglyngngoh, ha kita ki jaid bynriew kiba baroh sawdong ïa pha, ynda ngan pyndep ïa ka jingbishar ha pha ha ka jingbitar bad ka jingshla, bad ha ki jingsneng ba-meh ding: ma nga U Trai nga la kren ïa kata:

DEUTERONOMI 29:24

wat ki jaid bynriew baroh te kin ïa-ong, ‘Balei ba U Trai u la leh kumne ïa kane ka ri? ka mut aïu kane ka jingrhem ka jingbitar bakhraw?’