JEREMAÏAH 22:3 - KA BAIBL

³ Kumne u ong U Trai: “To leh ïa ka jingbishar bad ïa ka hok, bad pyllait ïa kiba la lute na ka kti u nongbanbeiñ: bad wat leh ïa ka basniew ei ei, wat leh jubor ïa u nongwei, ïa ki khunswet, lymne ïa ka riewkynthei, lymne wat pynmih ïa ka snam balui lui ha kane ka jaka.

Khasi CL Bible (BSI)

³ “Ma nga, U Trai, nga hukum ïa phi ban leh ïa kaei kaba hok bad kaba beit. Ïada ïa u briew uba shah thok na uta uba shukor ïa u. Wat lehbeiñ ne banbeiñ ïa ki nongwei, ki khunswet, ne ki riewkynthei, bad wat pynïap ïa ki briew kiba lui lui ha kane ka jaka kaba khuid.

JEREMAÏAH 22:3 ပူးပေါင်းရင်းမြစ်များ

2 SAMUEL 23:3

U Blei u Israel u la ong, U Mawsiang u Israel u la kren ha nga: ‘Uta uba synshar ïa ki briew da ka hok, uba synshar ha ka jingsheptieng ïa U Blei,

2 SYIEM 24:4

bad na ka bynta ka snam balui lui ruh kaba u la pynmih; naba u la pynshlei ïa ka Jerusalem da ka snam balui lui: te U Trai um map shuh.

Ka Kitab U Job 22:9

Me la phah noh suda ïa ki riewkynthei, bad ïa ki ksangkti jong ki khunswet la pynkheiñ.

Ka Kitab U Job 24:9

Don kiba knieh ïa ki khunswet na ka jymbuiñ, bad ki shim bynda na u baduk:

SALM 68:5

U kpa ki khunswet, bad u nongbishar ki riewkynthei, u long U Blei ha ka jaka shong ka bakhuid jong u.

SALM 82:4

Pynim ïa ki baduk bad ki bakyrduh: pyllait ïa ki na ka kti jong ki bymman.

SALM 94:21

Ki ïalum lang pyrshah ïa ka mynsiem jong u bahok, bad ki ïa-pynrem ïa ka snam balui lui.

SALM 94:6

Ki pynïap ïa ka riewkynthei bad ïa u nongwei, bad ki shoh noh ïa u khunswet.

EKSODOS 22:21

“Men ym pynshitom lane banbor ïa u nongwei: naba phi hi phi la ju long nongwei ha ka ri Ijipt.

EKSODOS 22:22

Wat banbeiñ ïa kano kano ruh ka riewkynthei, lane ïa ki khunswet.

PROBERB 23:10

Wat pynkynriah ïa u mawpud uba rim; bad wat leit sha ki lyngkha jong ki khunswet:

PROBERB 6:17

ki khmat kiba sarong, u thylliej uba lamler, bad ki kti kiba pynmih noh ïa ka snam balui lui;

ISAÏAH 1:23

Ki nongsynshar jong pha ki leh kiat, bad ki long ki lok ki nongtuh; uwei uwei baroh u ieit kaba bamsap, bad u beh ïa ka myntoi; kim bishar ïa u khunswet, bad ka kam ka riewkynthei kam ju wan ha khmat jong ki.

ISAÏAH 58:6

“Hato kane kam long ka jingshah jingit ba nga la jied? Kaba loit noh ïa ki jingkhum ka jingbymman, kaba law ïa ki jingkit lyngkor, bad kaba pyllaitluid ïa kiba la ban shitom, bad ba phin pynkheiñ ïa ka kynja lyngkor baroh?

ISAÏAH 58:7

Hato kam long kaba sam ïa u kpu jong me ha ki bathngan, bad ba men wallam sha la ïing ïa ki baduk ba la kyntait noh? Haba me ïohi ïa u balyngkhuit, ba men pynkup ïa u; bad ba mem buhrieh ïa lade na la ka doh ka snam?

JEREMAÏAH 19:4

Namar ba ki la kyntait ïa nga, bad ba ki la pynjngai ïa kane ka jaka, bad ki la thang ka jingiwbih ha ka ha kiwei pat ki blei, kiba kim ju ithuh, ma ki, lymne ki kpa jong ki, lymne ki syiem ka Judah; bad ki la pyndap ïa kane ka jaka da ka snam jong kiba lui lui;

JEREMAÏAH 21:12

“Ko ka ïing u Dabid, kumne u ong U Trai, “ ‘To leh ïa ka jingbishar ha kaba mynstep, bad to pyllait ïa kiba la lute na ka kti u nongbanbeiñ, ïoh ba ka jingbitar lep jong nga kan mih noh kum ka ding, bad kan meh ba ym don uba lah ban pynlip ïa ka, namar ka jingsniew ki jingleh jong phi.’

JEREMAÏAH 22:17

“Hynrei, ki khmat bad ka dohnud jong me kim long, hynrei, tang ha ka jinglalot jong me, bad ha kaba pynmih ïa ka snam balui lui, bad ha ka jingbanbeiñ, bad ha ka jingleh-jubor, ïa ka ban leh ïa ka.”

JEREMAÏAH 26:16

Ynda kumta, ki rangbah bad u paidbah baroh ki la ong ha ki lyngdoh bad ha ki nongïathuhlypa: “Une u briew um dei ban ïap; naba u la kren ha ngi ha ka kyrteng U Trai U Blei jong ngi.”

JEREMAÏAH 5:28

Ki la man sngaid, ki phuh: ki palat eh ruh ha ki kam ka jingbymman: kim ïada ïa ka kam, ka kam ki khunswet keiñ, ba kin dup man bha; bad ïa ka hok jong ki baduk kim bishar.

JEREMAÏAH 7:23

hynrei, ïa kane nga la hukum ïa ki, nga da ong, ‘To shahshkor ïa ka ktien jong nga, te ngan long U Blei jong phi, bad phin long u paidlang jong nga: bad to ïaid ha ka lynti baroh kaba nga hukum ïa phi, ba kan long bha bad phi.’

JEREMAÏAH 9:24

hynrei, uta uba sngewsarong to un sngewsarong ha kane, ba u shemphang, bad ba u ithuh ïa nga, ba nga long U Trai uba leh ïa ka jingleh ieit, ïa ka jingbishar, bad ïa ka hok, ha ka khyndew: naba ha kine kiei kiei nga sngewbha keiñ,” ong U Trai.

SNGEWSYNEI 3:36

ban pynbakla ïa u briew ha la ka kam, U Trai um sngewbha.

ESEKIEL 18:12

u leh bymdei ïa u baduk bad u bakyrduh, u lute da ka bor, um ai pat ïa ka bynda, bad u la khmied la ki khmat sha ki bleithaw, u leh ïa ka jingijli,

ESEKIEL 18:7

bad um shym leh bymdei ïano ïano, hynrei, u la ai pat ha u nongkit ram ïa ka jingbuh bynda jong u, um shym la lute ïano ïano da ka bor, u la ai la u kpu ha u bathngan, bad u la pynkup ïa u balyngkhuit da ka jaiñ;

ESEKIEL 22:7

Ha pha ki la ñiew sting ïa la u kpa bad ïa la ka kmie; hapdeng jong pha ki la banbeiñ ïa u nongwei: ha pha ki la leh bymdei ïa kiba khlem kpa bad ïa ki riewkynthei.

ESEKIEL 45:9

Kumne u ong U Trai U Blei: “Keiñ noh katta, A ki nongsynshar ki Israel: to bred noh ïa ka jingleh-jubor bad ïa ka jinglute, hynrei, to leh ïa ka jingbishar bad ka hok; to pynduh noh ïa la kaba khrong bor na ki briew jong nga,” ong U Trai U Blei.

JOEL 3:19

“Ka Ijipt kan long ka jingkynjah, bad ka Edom kan long ka khlaw bakynjah, namar kata ka jingleh-jubor ba la leh ïa ki khun Judah, namar ba ki la pynmih ïa ka snam balui lui ha ka ri jong ki.

LEBITIKOS 19:15

“ ‘Wat leh ka bymhok ha ka jingbishar: wat shah shiliang ïa u baduk, lymne burom ïa ka khmat u badonbor: hynrei, men bishar ïa u paramarjan jong me ha ka hok.

AMOS 5:15

To shun ïa ka basniew, bad ieit ïa ka babha, bad to pynïeng ïa ka jingbishar ha ka khyrdop: lehse U Trai, U Blei ki paid, un leh isynei ïa kiba sah jong u Joseph.

AMOS 5:24

Hynrei, to ai ba ka jingbishar kan tuid kum ki um, bad ka hok kum ka wah kaba shlei.

MIKAH 3:11

Ki rangbah jong ka ki bishar ba kin ïohnong, bad ki lyngdoh jong ka ki hikai namar ka bainong, bad ki nongïathuhlypa jong ka ki khan ba kin ïoh tyngka: pynban, ki shan ha U Trai, bad ki ong, ‘Hato U Trai um don hapdeng jong ngi? kan ym jia ka basniew ïa ngi.’

MIKAH 6:8

U la pyni ha me, ko briew, kaei ka babha; te U Trai u wad aïu na me, hynrei, tang ban leh hok, bad ban ieit ïa ka jingisynei, bad ban ïaid leh rit bad U Blei jong me?

MALAKHI 3:5

“Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

MATHAÏOS 23:23

“Kordit ïa phi, ki nongthoh bad ki Pharisi kiba arsap! naba phi ai ïa kaba shiphew na ka pudina, bad na ka dill, bad na ka kummin, bad phi iehnoh te ïa kita kiei kiei kiba kham khia ki jong ka hukum, ïa ka hok, bad ïa ka jingisynei, bad ïa ka jingngeit; ka la dei keiñ ïa phi ban leh ïa kine, bad ban ym iehnoh ïa kita kiwei.

DEUTERONOMI 10:18

U bishar hok ïa ki khunswet, bad ïa ki riewkynthei, bad u ieit ïa u nongwei, da kaba u ai ha u ka jingbam, bad ki jaiñkup jaiñsem.

DEUTERONOMI 24:17

“Men ym pynbakla ïa ka jingbishar ïa u nongwei, lymne ïa ki khunswet; lymne wat shim bynda ïa ka jaiñkup ka riewkynthei:

DEUTERONOMI 24:7

“Lada shem ïa u briew ba u da tuh ïano ïano ruh na ki para jong u ki khun Israel, bad u da pynlong jingkhaïi da u, ne u die ïa u; te ïa uta u nongtuh yn pynïap: kumta, men pynduh noh ïa kata ka basniew napdeng jong phi.

DEUTERONOMI 25:1

“Lada mih ka jingïakajia hapdeng ki briew, bad ba kin ïawan sha ka jingbishar, ba ki nongbishar kin ïabishar ïa ki; te kin ïa-pynksan ïa u bahok, bad kin ïa-pynrem ïa u bymman;

DEUTERONOMI 27:19

“ ‘Ka jingtim ïa uta uba pynsniew ïa ka jingbishar ïa ki nongwei, bad ïa ki khunswet, bad ïa ki riewkynthei.’ Bad uta u paidlang baroh kin ïa-ong, ‘Amen.’

JAKOB 1:27

Ka jinglong riewblei kaba sngur bad bymtngit ha khmat U Blei bad U Kpa ka long kane keiñ: ban leit khmih ïa ki khunswet bad ïa ki riewkynthei ha ka jingshitom jong ki, bad ban ri noh ïa lade uba khlem thohbria na ka jong ka pyrthei.