JEREMAÏAH 2:7 - KA BAIBL

⁷ Bad nga la wallam ïa phi sha ka ri ba-dap kyrhai, ban bam ïa u soh jong ka bad ïa ka jingbha jong ka; hynrei, ynda phi la leit shapoh, phi la pyntngit ïa ka ri jong nga, bad ïa ka ri kynti jong nga phi la pynlong ka jingijli.

Khasi CL Bible (BSI)

⁷ Nga la wallam ïa ki sha ka ri baseisoh, ban lehkmen ïa ki jingot jong ka, bad kiei kiei kiwei pat kiba bha jong ka. Hynrei pynban ki la pynjot ïa ka ri jong nga, ki la pyntngit ïa ka ri kaba nga la ai ha ki.

JEREMAÏAH 2:7 ပူးပေါင်းရင်းမြစ်များ

NEHEMAÏAH 9:25

Bad ki la jop ïa ki shnong ba la ker kut, bad ïa ka ri kaba sei soh, bad ki la ïoh ïa ki ïing ba la dap da kiei kiei ki babha, ïa ki pukri ba la tih, ïa ki brisoh Waiñ, ïa ki brisoh Olib, bad ki dieng soh kyrhai: kumta, ki la bam bad ki la kdang, bad ki la man sngaid, bad ki la pynsngewbha ïa lade ha ka jingbha bakhraw jong me.

NEHEMAÏAH 9:26

“Pynban, ki la long ki bymkohnguh bad ki la ïaleh pyrshah ïa me, bad ki la bred noh ïa ki hukum jong me shadien ka ingdong jong ki, bad ki la pynïap ïa ki nongïathuhlypa jong me kiba la phla pyrshah ïa ki, ban pynphai pat ïa ki sha me, bad ki la pynlong ïa ka jingpankwah bakhraw.

ISAÏAH 19:25

naba U Trai ki paid u la kyrkhu ïa ki, u da ong, “Long ba la kyrkhu ïa ka Ijipt u paidlang jong nga, bad ka Assyria ka jingtrei ki kti jong nga, bad u Israel ka bynta jong nga.”

JEREMAÏAH 16:18

Nyngkong eh te ngan siew ar shah ïa ka jingleh bymhok jong ki bad ïa ka pop jong ki; namar ki la pyntngit ïa ka ri jong nga da ki metïap jong kiei kiei kiba isih jong ki, bad ki la pyndap ïa ka ri kynti jong nga da ki jingijli jong ki.”

JEREMAÏAH 3:1

Ki ong, “Lada u briew un pyllait noh ïa la ka tnga, bad ba kan leit noh na u, bad kan long ka jong uwei pat u briew, te un leit phai pat sha ka? yn ym pyntngit shikatdei eh ïa kata ka ri? Hynrei, pha la leh nuti bad shibun ki nongieit; pynban, to wan phai pat sha nga,” ong U Trai.

JEREMAÏAH 3:2

“To khmied ïa la ki khmat sha ki jaka jrong balyngki, bad khmih; hangno kim shym la thiah bad pha? Harud lynti pha la shong ap ïa ki, kum ka nong Arab ha ri khlaw; bad pha la pyntngit ïa ka ri da la ka jingleh klim bad da ka jingleh bymman.

JEREMAÏAH 3:9

Bad da ka jingleh sting ka jingleh nuti jong ka, ïa ka ri la pyntngit, bad ka la ïaklim bad ki maw bad ki dieng.

JEREMAÏAH 32:23

te ki la wan, bad ki la ïoh ïa ka; hynrei, kim shym la kohnguh ïa ka ktien jong me, lymne ïaid ha ka hukum jong me; kim shym la leh ei ei na kata baroh ba me la hukum ïa ki ban leh: namar kata, me la pynwan ha ki ïa kane baroh ka jingsniew:

JEREMAÏAH 32:30

Namar ki khun Israel bad ki khun Judah ki la leh tang ïa ka basniew ha khmat jong nga naduh ka jinglong khynnah jong ki: namar ki khun Israel ki tang pankwah ïa nga ban bitar da ka jingleh ki kti jong ki,” ong U Trai.

ESEKIEL 20:24

namar kim shym la leh ïa ki jingbishar jong nga, hynrei, ki la kyntait ïa ki aiñ jong nga, bad ki la lehbeiñ sang ïa ki Sabbaton jong nga, bad ki khmat jong ki, ki la leit bud ïa ki bleithaw ki kpa jong ki.

ESEKIEL 20:28

Naba haba nga la wallam ïa ki sha kata ka ri, ïa kaba nga la rah ïa la ka kti ban ai ha ki, te ki la shu ïohi ïa u lum bajrong baroh, bad ïa u dieng uba bniap baroh, bad ki la ainguh ïa la ki jingkñia hangta, bad hangta ki la ïa-ai ïa la ki jingainguh kiba pynkhih bitar, hangta ruh, ki la pynlong la ki jingiw baiwbih, bad hangta ki la ïatheh noh ïa la ki jingainguh dih.

ESEKIEL 20:6

ha kata ka sngi, nga la rah ïa la ka kti ha ki, ban wallam noh ïa ki na ka ri Ijipt sha kata ka ri ïa kaba nga la ïohi na ka bynta jong ki, kaba tuid da ka dud bad ka ngap, kaba long ka burom jong ki ri baroh:

ESEKIEL 23:35

Namar kata, kumne u ong U Trai U Blei: “Namar ba pha la klet ïa nga, bad ba pha la bred ïa nga shadien jong pha, namar kata, pha ruh to kit ïa la ka jingawria bad ïa la ki jingleh nuti.”

ESEKIEL 36:17

“Ko khun u briew, haba ka ïing Israel ka shong ha ka ri jong ki hi, ki la pyntngit ïa ka da ka lynti jong ki bad da ki jingleh jong ki ruh: ka lynti jong ki ka la long ha khmat jong nga kum ka jingbymkhuid ka kynthei ha ka jingpynkyrpang jong ka.

HOSIA 9:3

Kin ym shong ha ka ri U Trai; hynrei, u Ephraim un leit phai sha Ijipt, bad kin bam ïa ka jingbam basang ha Assyria.

MIKAH 2:10

To ïeng, bad khie leit noh; naba kane, kam long ka jingjahthait jong phi: namar ka jingbymkhuid kaba pynjot, da ka jingpynjot sat keiñ.

JINGKHEIÑ 13:27

Te ki la ïathuh ha u, ki la ong ruh, “Ngi la ïaleit poi ha kata ka ri ha kaba me la phah ïa ngi, shisha ruh ka long kaba shlei da ka dud, bad ka ngap; kine ruh ki soh jong ka.

DEUTERONOMI 21:23

kan ym sah ka met jong u ha u dieng baroh shi miet, hynrei, la kumno kumno men tep ïa u ha kata ka sngi; namar ka jingtim U Blei ka don halor uta ba la phasi; ba yn ym pyntngit ïa ka ri jong me ïa kaba U Trai uba U Blei jong me u ai ha me kum ka jingïoh pateng.

DEUTERONOMI 32:9

Namar ka bynta jong U Trai long u paidlang jong u; u Jakob ruh u long ka pakai jong U.

DEUTERONOMI 6:18

To men leh ruh ïa kaba beit, bad ïa ka babha ha khmat U Trai: ba kan long bha ïa me, bad ba men dup leit hapoh, bad ïoh ruh ïa kata ka ri babha ïa kaba U Trai u la smai ha ki kpa jong me;