JEREMAÏAH 2:34 - KA BAIBL

³⁴ Ha ki rmiang jaiñ jong pha ruh la shem ïa ka snam ki baduk balui lui: ngam shym la shem ïa ka ha ka jaka kaba pei ba la prat, hynrei, halor kine baroh.

Khasi CL Bible (BSI)

³⁴ Ki jaiñ jong phi ki la khah da ka snam jong kiba duk bad kiba lui lui, ym da ka snam jong ki nonglute.

JEREMAÏAH 2:34 ပူးပေါင်းရင်းမြစ်များ

2 SYIEM 21:16

Bad u Manasseh u la pynmih ruh shikatdei ka snam balui lui, haduh ba u la pynshlei ïa ka Jerusalem nadong shadong; nalor kata ka pop jong u da kaba u la pynlong ïa ka Judah ban leh pop, ha kaba leh ïa kata ka basniew ha khmat U Trai.

2 SYIEM 24:4

bad na ka bynta ka snam balui lui ruh kaba u la pynmih; naba u la pynshlei ïa ka Jerusalem da ka snam balui lui: te U Trai um map shuh.

EKSODOS 22:1

“Lada u briew un tuh ïa u masi, lane ïa ka langbrot, bad un pynïap ïa ka, lane un die ïa ka; un buria san tylli ki masi dab namar uwei u masi, bad saw tylli ki langbrot namar kawei ka langbrot.

EKSODOS 22:2

Haba shem ïa u nongtuh ba u dang prat ïa ka ïing, bad la shoh ïap ïa u ruh, kam dei ban pynhiar kput na ka bynta uta.

ISAÏAH 57:5

phi kiba ïa-ing hapdeng ki dieng Sning, hapoh u dieng jyrngam baroh; kiba pynïap ïa ki khun ha ki them, hapoh ki ar khap mawsiang?

ISAÏAH 59:3

Namar ïa ki kti jong phi la pynsang da ka snam, bad ïa ki shynriah'ti jong phi da ka bymhok; ki rmiang shyntur jong phi ki la kren lamler, u thylliej jong phi u la kren blom blom ïa ka jingbymman.

ISAÏAH 59:7

Ki sla'jat jong ki, ki phet sha ka basniew, bad ki long kiba stet ban pynmih snam balui lui: ki jingmut jong ki, ki long ki jingmut bymhok: ka jingpynduh bad ka jingpynjot ki long ha ki lynti ïaid jong ki.

JEREMAÏAH 19:4

Namar ba ki la kyntait ïa nga, bad ba ki la pynjngai ïa kane ka jaka, bad ki la thang ka jingiwbih ha ka ha kiwei pat ki blei, kiba kim ju ithuh, ma ki, lymne ki kpa jong ki, lymne ki syiem ka Judah; bad ki la pyndap ïa kane ka jaka da ka snam jong kiba lui lui;

JEREMAÏAH 2:33

“Katno pha pynitynnad ïa la ka lynti khnang ban wad ïa ka jingieit! Namar kata, wat ïa ki kynthei basniew pha la hikai ïa la ki lynti.

JEREMAÏAH 6:15

Ki la lehrain ne em ynda ki la lah leh ïa ka jingijli? Em, kim shym la lehrain satia, lymne kim lah ruh ban saw kyr-ang: namar kata, kin kyllon hapdeng kita kiba kyllon: ha kata ka por ba ngan wan-i ïa ki yn pynkyllon ïa ki,” ong U Trai.

JEREMAÏAH 7:31

Bad ki la tei ïa ki jaka bajrong jong ka Tophet, kaba don ha ka them u khun u Hinnom, ïa ka ban thang ïa la ki khun shynrang bad kynthei ha ka ding; ïa kaba ngam shym la hukum ma nga, lymne kam ju la jia ha ka dohnud jong nga.

JEREMAÏAH 7:6

lada phim banbeiñ ïa u nongwei, ïa u khunswet, bad ïa ka riewkynthei, bad phim pynmih ïa ka snam balui lui ha kane ka jaka, lymne leit bud ïa kiwei pat ki blei ïa ka ban sniew ïa lade:

JEREMAÏAH 8:12

Ki la sngewlehrain ne em ynda ki la lah leh ïa ka jingijli? Em, kim shym la sngewlehrain satia, lymne kim lah ban saw kyr-ang: namar kata, kin kyllon hapdeng kita kiba kyllon: ha ka por ka jingwan-i ïa ki yn pynkyllon noh ïa ki,” ong U Trai.

SNGEWSYNEI 1:9

Ka jingjakhlia jong ka, ka la long ha ki rmiang jaiñ jong ka; kam shym kynmaw ïa ka por ka bakut jong ka; namar kata, la pynpoh shikatdei ïa ka; kam don u nongpyntngen: “Ha khmih, A Trai, ïa ka jynjar jong nga; naba u nongshun u la pynkhraw ïa lade.”

SNGEWSYNEI 4:14

Ki ïasakma kum ki bamatlah ha ki lynti shnong, la pyntngit ïa ki da ka snam, haduh ba ki briew kim lah ban ktah ïa ki jaiñ jong ki.

ESEKIEL 20:31

Bad haba phi ai ïa la ki jingai sngewbha jong phi, haba phi pynïaid ïa la ki khun shynrang lyngba ka ding, hato phi ïa-pyntngit ïa lade bad la ki bleithaw baroh, haduh kane ka sngi? te phin ïakylli na nga, ko ka ïing Israel?” Katba nga im,’ ” ong U Trai U Blei, “ngam treh ba phin ïakylli na nga:

ESEKIEL 22:25

Don ka jingïashet ki nongïathuhlypa jong ka hapdeng jong ka, kum u sing bakyrhuh uba tar la ka jinglute: ki la bam duh ïa ki mynsiem; ki knieh ïa ka jingkynshew bad ïa kiei kiei kiba kordor; ki la pynman bun ïa ki riewkynthei hapdeng jong ka.

ESEKIEL 23:45

Bad ki briew ki bahok, kin ïabishar ïa ki da ka jingbishar jong ki 'thei nuti, bad da ka jingbishar jong ki kynthei kiba pynmih ïa ka snam; naba ki long ki nuti, bad ka snam ka don ha ki kti jong ki.’ ”

ESEKIEL 24:7

Naba ka snam jong ka, ka don hapdeng jong ka; ka la buh ïa ka halor u mawsiang uba plen plen; kam shym theh ïa ka halor ka khyndew, ban tep ïa ka da ka khyndew;

ESEKIEL 9:9

Te u la ong ha nga, “Ka jingbymhok ka ïing Israel bad ka ïing Judah ka la khraw eh, bad ka ri ka la dap da ka snam, bad ka shnong ka la dap da ka jingpynbakla ïa ka bishar; namar ki ong, ‘U Trai u la iehnoh noh ïa ka ri bad U Trai um ïohi.’