JEREMAÏAH 17:9 - KA BAIBL

⁹ Ka dohnud ka kham shukor ban ïa kiei kiei baroh, bad ka long ka basniew khlem jingkyrmen: uei uba lah ban ithuh ïa ka?

Khasi CL Bible (BSI)

⁹ “Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

JEREMAÏAH 17:9 ပူးပေါင်းရင်းမြစ်များ

JENESIS 6:5

Te U Trai u la ïohi ba ka jingleh bymman jong u briew ka la khraw eh ha ka pyrthei, bad ba ka jingthmu baroh ki jingpyrkhat ka dohnud jong u ki la long bymman ha la ka sngi.

JENESIS 8:21

Te U Trai u la iw ïa ka jingiw baiwbih; bad U Trai u la ong ha la ka dohnud, “Ngan ym tim shuh ïa ka khyndew pat na ka bynta u briew; la ka jingpyrkhat ka dohnud u briew ka basniew naduh myndanglong samla jong u; bad ngan ym shoh ïap pat shuh ïa ki kynja ba-im baroh, kumba nga la leh.

2 SAMUEL 11:15

Bad ha kata ka shithi u la thoh, u da ong, “To buh ïa u Uriah ha pyrshah kaba jur tam ka jingïaleh, bad kynriah noh na u, khnang ba yn shoh ïa u, bad ba un ïap noh.”

SALM 51:5

Ha khmih, la thaw dur ïa nga ha ka jingbymhok; bad ha ka pop ka kmie jong nga ka la pun ïa nga.

SALM 64:7

Hynrei, U Blei un siat ha ki; da u khnam kyndit yn pynmong ïa ki.

PROBERB 28:26

Uta uba shaniah ha la ka jong ka dohnud u long u babieit: hynrei, jar uba ïaid stad, ïa uta yn pynim.

EKLESIASTIS 9:3

Kane ka long ka basniew ha kiei kiei baroh ba ju leh hapoh ka sngi, ba kajuh hi ka jia ha baroh: shisha ruh, ka dohnud u khun bynriew ka la dap da ka basniew, bad ka jinglamwir ka don ha ka dohnud jong ki katba ki dang im, bad hadien kata ki leit sha ki baïap.

ISAÏAH 1:5

Na ka balei ban shoh shuh shuh ïa phi ba phi nang kham ïaleh pyrshah? Ka khlieh ka la pang baroh, bad ka dohnud ka sngewlwait baroh.

ISAÏAH 1:6

Naduh ka sla'jat wat haduh ka khlieh ym don jingshait ha ka; tang ki jingmong, bad ki jingjngem snam, bad ki thymmei ba-mih ksuit: ki bym pat bthei, bad ym shym la spaiñ, bad ym shym la pynjem ïa ki da ka umphniang.

ISAÏAH 6:10

Pynkhleiñ ïa ka dohnud une u paidlang, bad to pynkhia ïa ki shkor jong ki, bad to pynkhapbrip ïa ki khmat jong ki; ïoh kin ïohi da la ki khmat, bad ïohsngew da la ki shkor, bad sngewthuh da la ka dohnud, bad kin phai pat, bad yn pynkhiah ïa ki.”

JEREMAÏAH 16:12

bad phi la nang kham leh sniew ban ïa ki kpa jong phi; naba ha khmih, phi baroh phi ïaid ha ka jingmutlop la ka jong ka jong ka dohnud sniew, kumta phim sngew ïa nga:

JEREMAÏAH 7:24

Hynrei, kim shym la sngap, lymne pyndem ïa la ka shkor, hynrei, ki la ïaid ha la ki jong ki buit bad ha ka jingmutlop ka dohnud bymman jong ki, bad ki la ïaid da dien bad ym sha khmat.

MATHAÏOS 13:15

Naba ka dohnud kine ki briew ka la rben, bad ki la sngewkhia da la ki shkor, bad ki la khapbrip ïa la ki khmat; bad ïoh kin ïohi da la ki khmat, bad ba kin ïohsngew da la ki shkor, bad ba kin ïoh sngewthuh da la ka dohnud, bad ba kin ïoh kylla, bad ba ngan ïoh pynkhiah ruh ïa ki.’

MATHAÏOS 15:19

Naba na ka dohnud ki mih noh ki jingmut bymman, kaba pynïap, kaba klim, kaba ïakai kynthei, kaba tuh, kaba sakhi lamler, kaba krenbeiñ.

MARKOS 2:17

Te haba U Jisu u la ïohsngew, U la ong ha ki, “Ki bakhiah kim donkam ïa u nongpynkhiah, hynrei, ki bapang keiñ: ngam shym la wan ban khot ïa ki bahok, hynrei, ïa ki bapop ïa ka ban kylla-ka-bamut.”

Ka Shithi U Paul Sha Ki Nong Rom 1:21

Namar haba ki la tip ïa U Blei, kim shym la pyndonburom ïa u kum U Blei, lymne kim shym la ainguh: hynrei, ki la man thala noh ha ki jingpyrkhat jong ki, kumta la pynsynñia tiaw ïa ka dohnud bieit jong ki.

Ka Shithi U Paul Sha Ki Nong Rom 7:11

Namar kata ka pop haba ka la ïoh dong, da kata ka adong ka la shukor ïa nga, bad da kata ka la pynïap noh ïa nga.

EPHESOS 4:22

ba phin buh noh, shaphang kata ka jinglong jong phi kaba mynshuwa, ïa uta u briew batymmen keiñ, uba nang pyut katba kum kita ki jingikwah ka jingshukor,

HEBRU 3:12

To sumar, ko parabangeit, ïoh ba kumno re kumno kan don hano hano na phi ka dohnud basniew ka jingbymngeit, ha ka ban phai dien noh na U Blei ba-im.