JEREMAÏAH 17:4 - KA BAIBL

⁴ Bad ma me, na lade hi, men wai noh na kane ka ri kynti kaba nga la ai ha me; bad ngan pynlong ba men shakri ïa la ki nongshun ha ka ri kaba mem ithuh: namar phi la tbeh ka ding ha ka jingbitar jong nga ka ban ing junom.

Khasi CL Bible (BSI)

⁴ Phin hap ban iehnoh ïa ka ri kaba nga la ai ha phi, bad ngan pynlong ïa phi ban shakri ïa ki nongshun jong phi ha ka ri kaba phim tip ei ei, namar ka jingbitar jong nga ka long kum ka ding, bad kan pluh junom.”

JEREMAÏAH 17:4 ပူးပေါင်းရင်းမြစ်များ

1 SYIEM 9:7

te ngan ot noh ïa ki Israel na ka ri kaba nga la ai ha ki; bad ïa kane ka ïing, kaba nga la pynkyntang ïa ka kyrteng jong nga, ngan shop noh na khmat jong nga; bad ki Israel kin long ka jingkhmih bad ka jingkynshi hapdeng ki kynja bynriew baroh:

2 SYIEM 25:21

Bad u syiem ka Babilon u la pom ïa ki, bad u la pynïap ïa ki ha Riblah ha ka ri Hamath. Kumta, ïa u Judah la ring mraw na ka ri jong u.

NEHEMAÏAH 9:28

Hynrei, ynda ki la shongthait, ki la leh sniew pat ha khmat jong me: namar kata, me la iehnoh ïa ki ha ki kti ki nongshun jong ki, kumta, ki la synshar halor jong ki: pynban, haba ki la phai pat, bad ki la lynñiar ha me, me la ïohsngew ïa ki na bneng; bad bunsien me la pyllait ïa ki katba kum ki jingisynei jong me;

ISAÏAH 14:3

Te kan jia ha kata ka sngi ba U Trai un pynjahthait ïa me na ka jingsngewsih jong me, bad na ka jingjynjar jong me, bad na ka jingtrei shitom ha kaba la pynshakri ïa me,

ISAÏAH 30:33

Namar ïa ka Topheth la khreh la mynbarim; shisha keiñ, la pynkhreh ïa u syiem; u la pynlong ïa ka, kaba jylliew bad bakylluid: ka jingthang jong ka long ka ding bad shibun ka diengïap; ka jingpyrsad mynsiem U Trai, kum ka wah duid u kyndok, ka pynmeh ïa ka.

ISAÏAH 5:25

Namar kata, ka jingbitar U Trai ka la meh ïa u paidlang jong u, bad u la rah ïa la ka kti pyrshah ïa ki, bad u la shoh ïa ki, te ki lum ki la khynñiuh, bad ki metïap jong ki, ki la long kum ka synrum hapdeng ki lynti shnong. La katta ka jingbitar jong u kam shym la phai noh, hynrei, ka kti jong u ka shu dang kner.

ISAÏAH 50:11

Ha khmih, phi baroh kiba pynmeh ding, kiba ker kut ïa lade da ki phylliah ding: to ïaid ha ka thylliej ka ding jong phi, bad hapdeng ki phylliah ding ba phi la pynmeh. Ïa kane phin ïoh na ka kti jong nga: phin sa thiah ha ka jingsngewsih.

ISAÏAH 66:24

“Kin mih noh ruh, bad kin khmih ïa ki metïap jong ki briew kiba la ryngkang ïaleh pyrshah ïa nga: namar u ksaiñ jong ki un ym ïap, lymne ka ding jong ki kan ym lip; kin long ruh kaba isih ha ka doh baroh.”

JEREMAÏAH 12:7

“Nga la iehnoh noh ïa la ka ïing, nga la kyntait ïa la ka ri kynti; nga la ai noh ïa kaba ieit thoiñ ka mynsiem jong nga ha ka kti ki nongshun jong nga.

JEREMAÏAH 15:14

Bad ngan phah noh ïa ki lem bad ki nongshun jong pha sha ka ri kaba pham tip: naba la tbeh ding ha ka jingbitar jong nga, ka ban meh halor jong pha.”

JEREMAÏAH 16:13

namar kata, ngan shop noh shabar ïa phi na kane ka ri sha ka ri kaba phim ithuh, lymne ma phi lymne ki kpa jong phi; hangta te phin shakri ïa kiwei pat ki blei, mynsngi bad mynmiet; naba ngan ym pyni ïa ka jingsngewbha ïa phi.’

JEREMAÏAH 18:23

Hynrei me, A Trai, me tip ïa ka jingpyrkhat jong ki pyrshah ïa nga ban pynïap ïa nga; wat map ïa ka jingleh bymhok jong ki, lymne wat pyndam noh na khmat jong me ïa ka pop jong ki: hynrei, to yn pynkyllon ïa ki ha khmat jong me; to leh ïa ki ha ka por ka jingbitar jong me.

JEREMAÏAH 2:14

“Hato u Israel u long u shakri? Hato u long u mraw ba la kha ha ïing? balei u la long ka jinglute te?

JEREMAÏAH 21:12

“Ko ka ïing u Dabid, kumne u ong U Trai, “ ‘To leh ïa ka jingbishar ha kaba mynstep, bad to pyllait ïa kiba la lute na ka kti u nongbanbeiñ, ïoh ba ka jingbitar lep jong nga kan mih noh kum ka ding, bad kan meh ba ym don uba lah ban pynlip ïa ka, namar ka jingsniew ki jingleh jong phi.’

JEREMAÏAH 22:28

Une u briew u Konaïah u long u khiew ba la pait? U long u khiew ha u bymdon ka jingsngewbha? Namar balei ba la shop noh ïa ki, ma u keiñ bad u symbai jong u, bad ba la bred noh ïa ki sha kata ka ri kaba kim ju ithuh?

JEREMAÏAH 5:19

Te kan long, haba phi ong, ‘Balei U Trai U Blei jong ngi u la leh ïa kine kiei kiei baroh ha ngi?’ Me te men ong ha ki, ‘Kat kumba phi la lyndet ïa nga, bad phi la leit shakri ïa ki blei nongwei ha ka ri jong phi, kumta phin shakri ïa ki nongwei ha ka ri ka bymdei ka jong phi.’ ”

JEREMAÏAH 5:29

Ngan ym wan-i na ka bynta kine kiei kiei?” ong U Trai: “ka mynsiem jong nga kan ym pynhiar kput ïa ka jaid bynriew kaba kum kane?”

JEREMAÏAH 7:20

Namar kata, kumne u ong U Trai U Blei: “Ha khmih, ïa ka jingbitar bad ïa ka jingbitar shla jong nga yn theh ïa ki halor kane ka jaka, halor u briew, bad halor u mrad, bad halor ki dieng ka lyngkha, bad halor u soh ka khyndew; te kan meh, bad yn ym pynlip ïa ka.”

SNGEWSYNEI 1:12

“Hato kam long ei ei ha phi, phi baroh kiba ïaid najan? Ha khmih, bad to i lada don ka jingsngewsih kum ka jingsngewsih jong nga, ïa kaba la leh ïa nga, da kaba U Trai u la pynjynjar ïa nga ha ka sngi ka jingkhih bitar lep jong u.

SNGEWSYNEI 5:2

Ïa ka jingïoh kynti jong ngi la pynkylla ha ki nongwei, ïa ki ïing jong ngi ha ki nongwei.

ESEKIEL 21:31

Ngan theh noh ruh ïa la ka jingsngewshla halor jong pha; ngan pyrsad halor jong pha da ka ding ka jingbitar jong nga: bad ngan aiti ïa pha ha ka kti ki briew ki barunar, kiba nang ban pynjot.

ESEKIEL 7:24

Naba kumta, ngan wallam ïa ki basniew tam na kiba mane bleithaw, bad kin ïaïoh ïa ki ïing jong ki: ngan pynduh noh ruh ïa ka jingsarong jong kiba khlaiñ; bad ïa ki jaka bakhuid jong ki yn pyntngit.

DEUTERONOMI 28:25

“U Trai un pynkyllon ïa me ha khmat ki nongshun jong me: tang da kawei ka lynti men leit ïaleh ïa ki, hynrei, men phet ïap na khmat jong ki da ki hynñiew lynti: bad un pynsakma ïa me sha ki hima ka pyrthei baroh.