JEREMAÏAH 17:3 - KA BAIBL

³ Ko u lum bah jong nga ha ka pyntha, ngan ai noh ïa ka spah bad ïa ki jingkynshew jong me baroh ban long ka jinglute, bad ïa ki jaka bajrong jong me, namar ka pop ha ki phang jong me baroh.

Khasi CL Bible (BSI)

³ bad halor ki lumbah ha ka rudnong bym don jingkah. Ngan pynlong ïa ki nongshun jong phi ban shim noh ïa ka spah bad ïa ki jingkynshew jong phi namar ki pop baroh kiba phi la leh ha kylleng ka ri jong phi.

JEREMAÏAH 17:3 ပူးပေါင်းရင်းမြစ်များ

2 SYIEM 24:13

Bad u la kit noh nangta ïa ki jingkynshew ka ïing U Trai baroh, bad ïa ki jingkynshew ka ïing u syiem, bad u la pynpait lyngkhot lyngkhai ïa ki pliang ksiar baroh kiba u Solomon u syiem ki Israel u la lah thaw ha ka templ U Trai, kumba U Trai u la lah ong.

SALM 78:58

Ki la kynshuiñ ïa u ban bitar da ki jaka bajrong jong ki, bad ki la pynskuiñ ïa u da ki durblei ba-mutdur jong ki.

ISAÏAH 27:9

Namar kata, da kane, ïa ka jingbymhok u Jakob yn pynkhuid, bad kane baroh ka long u soh kaba map noh ïa ka pop jong u; haba u pynlong ïa ki maw ka duwan baroh kum ki mawshun ba la shoh lyngkhot lyngkhai, ba kumta ki Asherah bad ki dur sngi kin ym ïeng shuh.

JEREMAÏAH 12:12

Ki nonglute ki la wan poi ha ki lum balyngki baroh ka ri khlaw: naba ka waitlam U Trai ka bam duh na kawei ka dong ka ri haduh kawei pat ka dong ka ri: kawei ka doh ruh kam ïoh suk.

JEREMAÏAH 15:13

“Ïa ka spah bad ki jingkynshew jong pha ngan ai noh ban long ka jinglute khlem nong, bad kata ruh namar ki pop jong pha baroh, ha ki phang jong pha baroh keiñ.

JEREMAÏAH 20:5

Nalor kata ruh, ngan ai noh ïa ki spah baroh jong kane ka shnong, bad ïa ki jingïoh nong jong ka baroh, bad ïa kiei kiei kiba kordor jong ka baroh, wat ïa ki jingkynshew baroh ki syiem ka Judah ngan ai noh ha ka kti ki nongshun jong ki, ki ban lute ïa ki, bad ki ban shim ïa ki, bad kit noh ïa ki sha Babilon.

JEREMAÏAH 21:13

“Ha khmih, nga long pyrshah ïa pha, ko kaba shong ha ka them, bad kaba ha u mawsiang ka madan,” ong U Trai; “phi kiba ong, ‘Uei u ban hiar ban ïaleh ïa ngi? lane uei u ban rung sha ki jaka shong jong ngi?’

JEREMAÏAH 26:18

“U Mikaïah u nong Morasht u la ïathuhlypa ha ki sngi u Hesekaïah u syiem ka Judah; bad u la kren ha u paidbah Judah baroh, u da ong, ‘Kumne u ong U Trai ki paid: “ ‘Ïa ka Seïon yn lur kum ïa ka lyngkha, bad ka Jerusalem kan long lymbher, bad u lum jong ka ïing kum ki jaka bajrong jong ka khlaw.’

SNGEWSYNEI 1:10

U nongïaleh pyrshah u la pyiar ïa la ka kti ha kiei kiei kiba itynnad jong ka baroh: naba ka la ïohi ba ki riewkyndong ki la rung sha ka jaka kyntang jong ka, kiba me la hukum ïa ki ba kin ym rung sha ka jingïaseng jong me.

ESEKIEL 16:39

Ngan ai ruh ïa pha ha ka kti jong ki, bad kin pynkyllon kram ïa ki jaka ba-donnam jong pha, bad kin pyntwa ïa ka jaka bajrong jong pha: bad kin ïaloit noh na pha ïa ki jaiñ jong pha, bad kin shim ïa ki jingdeng ba-itynnad jong pha: bad kin ieh lyngbiang bad lyngkhuit ïa pha.

ESEKIEL 23:46

Naba kumne u ong U Trai U Blei: “Ngan pynmih ïa u paidbah pyrshah ïa ki, bad ngan ai noh ïa ki ba yn pashat shane shatai bad ba yn lute.

ESEKIEL 6:3

bad to ong, ‘Ko phi ki lum Israel, to sngew ïa ka ktien U Trai U Blei: “Kumne u ong U Trai U Blei ïa ki lum bah bad ïa ki lum rit, ïa ki lynti um bad ïa ki them: Ha khmih, ma nga, ma nga hi keiñ, ngan wallam ïa ka waitlam halor jong phi, bad ngan pynjot ïa ki jaka bajrong jong phi.

LEBITIKOS 26:30

Ïa ki jaka bajrong jong phi ruh ngan pynjot noh thiaw, bad ngan pynkheiñ ïa ki bleithaw jong phi, bad ngan buh ïa ki metïap jong phi halor ki metïap ki bleithaw jong phi; ka mynsiem jong nga ruh kan ijli ïa phi.

MIKAH 3:12

Namar kata, ïa ka Seïon yn lur kum ka lyngkha namar jong phi, bad ka Jerusalem kan long ki lymbher, bad u lum jong ka ïing kum ki jaka bajrong jong ka khlaw.”

SEPHANAÏAH 1:13

Bad ka spah jong ki kan long ka jinglute, bad ki ïing jong ki, ki ïingjah: kin tei ïa ki ïing ruh, hynrei, kin ym ïoh shong ha ki; bad kin thung ki brisoh Waiñ, hynrei, kin ym ïoh dih na ka Waiñ jong ki.”