JEREMAÏAH 17:2 - KA BAIBL

² haba ki khun jong ki, ki ïakynmaw ïa kita ki duwan jong ki bad ïa ki Asherah jong ki hajan ki dieng bajyrngam halor ki lum bajrong.

Khasi CL Bible (BSI)

² Ki briew jong phi ki mane ha ki duwan bad ïa ki dak kiba la pynïeng na ka bynta ka blei Asherah harud jong uwei pa uwei u dieng bajyrngam, ha ki kliar lum

JEREMAÏAH 17:2 ပူးပေါင်းရင်းမြစ်များ

2 KHRONIKL 24:18

Bad ki la kyntait ïa ka ïing U Trai, U Blei ki kpa jong ki, bad ki la shakri ïa ki Asherah bad ïa ki bleithaw: te ka jingbitar ka la hap halor ka Judah bad ka Jerusalem namar kane ka jingbit pop jong ki.

2 KHRONIKL 33:19

Ka jingduwai jong u ruh, bad kumno ba u la kyrpad ïa U Blei, bad ka pop jong u baroh bad ka jingpalat jong u, bad ki jaka ha kiba u la tei ki jaka bajrong, bad u la buh ïa ki Asherah bad ki dur ba la mut, mynshuwa ba u la pynrit ïa lade: ha khmih, la thoh ïa ki ha Ka Jingïathuhkhana u Hosai.

2 KHRONIKL 33:3

Namar u la tei pat ïa ki jaka bajrong ïa kiba u Hesekaïah u kpa jong u, u la pynduh noh; bad u la pynïeng ki duwan ïa ki Baal, bad u la thaw ïa ki Asherah, bad u la mane ïa u paid ka bneng baroh, bad u la shakri ïa ki.

SALM 78:58

Ki la kynshuiñ ïa u ban bitar da ki jaka bajrong jong ki, bad ki la pynskuiñ ïa u da ki durblei ba-mutdur jong ki.

EKSODOS 34:13

Hynrei, phin pynjot noh ïa ki duwan jong ki, bad phin pynpait ïa ki bleithaw jong ki, bad phin khet noh ïa ki 'law kyntang jong ki:

ISAÏAH 1:29

Namar kin sngewlehrain ïa ki dieng Sning kiba phi la ikwah, bad phin lyngngoh namar ki kper kiba phi la jied.

ISAÏAH 17:8

Te un ym khmied sha ki duwan, ki jingtrei ki kti jong u, lymne un ym ñiewkor ïa kata kaba ki shynriah'ti jong u ki la thaw, ïa ki Asherah, lymne ïa ki dur sngi.

JEREMAÏAH 2:20

“Naba naduh mynhyndai nga la pynkheiñ ïa ka lyngkor jong me, bad nga la pyndkut ïa ki jingteh jong me; bad me la ong, ‘Ngan ym shakri;’ naba ha u lum bajrong baroh bad hapoh u dieng bajyrngam baroh me la dem ïa lade, da kaba leh nuti.

JEREMAÏAH 3:23

Shisha, kaba lehnohei kata ka jingïarap ïa kaba la khmih lynti na ki lum rit, ka jingkhihwin halor ki lum bah: shisha, ka jingpynim u Israel ka long ha U Trai U Blei jong ngi.

JEREMAÏAH 3:6

U Trai u la kren ruh ha nga ha ki sngi u Josaïah u syiem, “Me la ïohi ïa kata kaba ka Israel baphai dien ka la leh? Ka la leit kiew halor u lum bajrong baroh bad hapoh u dieng bajyrngam baroh, bad hangta ka la leh nuti.

JEREMAÏAH 7:18

Ki khynnah ki ïalum prew, bad ki kpa ki sliew ding, bad ki kynthei ki ïatylliat 'pu im ban shet kpu ïa ka syiem bneng, bad ban theh ka jingainguh dih ïa kiwei pat ki blei, khnang ba kin pankwah ïa nga ban bitar.

ESEKIEL 20:28

Naba haba nga la wallam ïa ki sha kata ka ri, ïa kaba nga la rah ïa la ka kti ban ai ha ki, te ki la shu ïohi ïa u lum bajrong baroh, bad ïa u dieng uba bniap baroh, bad ki la ainguh ïa la ki jingkñia hangta, bad hangta ki la ïa-ai ïa la ki jingainguh kiba pynkhih bitar, hangta ruh, ki la pynlong la ki jingiw baiwbih, bad hangta ki la ïatheh noh ïa la ki jingainguh dih.

DEUTERONOMI 12:2

Phin pynjot noh khoit ïa kita ki jaka baroh, ha kiba kita ki jaid bynriew ïa kiba phin sa ïoh, ki la ïashakri ïa ki blei jong ki, ha ki lum bah bajrong, bad ha ki lum rit, bad hapoh ki dieng bajyrngam baroh:

NONGBISHAR 3:7

Bad ki khun Israel ki la leh ïa ka basniew ha khmat U Trai, bad ki la klet ïa U Trai U Blei jong ki, bad ki la leit shakri ïa ki Baal bad ki Asheroth.