JEREMAÏAH 15:2 - KA BAIBL

² Bad haba kin ong ïa me, ‘Shano ngin leit noh?’ hangta te men ïathuh ha ki, “Kumne u ong U Trai: ‘Kat kiba dei ïa ka jingïap, sha ka jingïap; bad kat kiba dei ïa ka waitlam, sha ka waitlam; bad kat kiba dei ïa ka 'nemsniew, sha ka 'nemsniew; bad kat kiba dei ban long mraw, sha kaba long mraw.’

Khasi CL Bible (BSI)

² Haba ki kylli ïa me shano ki dei ban leit, ïathuh ïa ki ba nga la lah ong: “Ïa ki katto katne ngut la tim ban ïap da ka jingpang — kata ka dei sha kaba kin leit! Ïa kiwei pat la tim ban ïap ha ka thma — kata ka dei sha kaba kin leit! Ïa ki katto katne ngut la tim ban ïap na ka jingïapthngan — kata ka dei sha kaba kin leit! Ïa kiwei pat la tim ban shah ring noh kum ki koidi — kata ka dei sha kaba kin leit!

JEREMAÏAH 15:2 ပူးပေါင်းရင်းမြစ်များ

ISAÏAH 10:4

Kin shu dem hapoh ki nongsah byndi, bad kin kyllon hapoh ki baïap. La kumta ruh ka jingbitar jong u kam shym la phai noh, hynrei, ka kti jong u ka shu dang kner.

ISAÏAH 24:18

Te kan jia, ba uta uba phet noh na ka jingsawa ka jingsheptieng un hap sha ka 'liewlep; uta ruh uba mih noh napdeng ka 'liewlep un ngat ha ka jingriam: namar ïa ki jingkhang ïit ba hajrong la plie, ki nongrim ka khyndew ruh ki khih.

JEREMAÏAH 14:12

Haba ki shah jingit, ngan ym sngap ïa ka jinglynñiar jong ki; bad haba ki ainguh da ka jingainguh thang bad ka jingainguh bam, ngan ym pdiang sngewbha ïa ki: hynrei, ngan bam duh ïa ki da ka waitlam, bad da ka 'nemsniew, bad da ka jingïapkhlam.”

JEREMAÏAH 14:16

Bad kita ki briew ha kiba ki ïathuhlypa yn bred noh ïa ki sha ki lynti shnong ka Jerusalem namar ka 'nemsniew bad ka waitlam: te yn ym don ki ban tep ïa ki, ïa ki keiñ, ïa ki tnga jong ki, lymne ïa ki khun shynrang jong ki, lymne ïa ki khun kynthei jong ki de; naba ngan theh ïa ka jingbymman jong ki halor jong ki.”

JEREMAÏAH 16:4

“Kin ïap da ki jingïap kiba shitom; yn ym ïambriew ïa ki, lymne yn ym tep ïa ki; kin long kum ka kynsha halor ka khmat ka khyndew: bad yn bam duh ïa ki da ka waitlam, bad da ka 'nemsniew; ki metïap jong ki kin long jingbam ïa ki sim ka suiñ, bad ïa ki mrad khlaw ka khyndew.”

JEREMAÏAH 19:7

Bad ngan pynlong kaba sep ei ïa ka jingpyrkhat ka Judah bad Jerusalem ha kane ka jaka; bad ngan pynkyllon ïa ki da ka waitlam ha khmat ki nongshun jong ki, bad da ka kti kita kiba wad ïa ka jingim jong ki: bad ïa ki metïap jong ki ngan ai ban long jingbam ïa ki sim bneng, bad ïa ki mrad khlaw ka khyndew.

JEREMAÏAH 43:11

Te un wan, bad un shoh ïa ka ri Ijipt; ïa kita kiba dei ban ïap yn ai ha ka jingïap, bad ïa kita kiba dei ban ring mraw yn ring mraw, bad ïa kita kiba dei ban ïap da ka waitlam yn ai ha ka waitlam.

ESEKIEL 12:11

To ong, ‘Nga long ka dak jong phi: kum kata kaba nga la leh, kumta keiñ yn leh ïa ki: kin sa leit sha ka jingpynryngkang par, sha ka jinglongmraw.’

ESEKIEL 14:21

Namar kumne u ong U Trai U Blei: “Sa katno lei lei haba nga phah ïa ki saw tylli ki jingpynshitom bajur jong nga halor ka Jerusalem, ïa ka waitlam, bad ïa ka 'nemsniew, bad ïa ki mrad barunar, bad ïa ka khlam, ban ot noh na ka bad briew bad mrad?

ESEKIEL 33:27

Kumne men ong ha ki, ‘Kumne u ong U Trai U Blei: Katba nga im, da shisha kita kiba ha ki jaka kynjah kin kyllon da ka waitlam, bad ïa uta uba ha madan ngan ai ha ki mrad khlaw ban bam duh, bad kita kiba ha ki kut baskhem bad ha ki krem kin ïap da ka khlam.

ESEKIEL 5:12

Ka balai ka bynta jong pha kan ïap da ka khlam, bad da ka 'nemsniew yn pynduh ïa ki hapdeng jong pha; bad ka balai ka bynta kan kyllon da ka waitlam baroh sawdong ïa pha; bad ïa ka balai ka bynta ngan pynher kma sha ki lyer baroh, bad ngan sei noh ka waitlam nadien jong ki.

ESEKIEL 5:2

Ïa ka bynta ka balai men thang ha ka ding hapdeng kata ka nongbah, ynda la pyndep ïa ki sngi kata ka jingker kut; te men sa shim ïa ka bynta ka balai, bad men kawang da ka waitlam baroh sawdong ïa ka nongbah; bad ïa ka bynta ka balai men pynher kma sha ka lyer, bad ngan sei noh ïa ka waitlam nadien jong ki.

DANIEL 9:12

Bad u la pynskhem ïa la ki ktien, ïa kiba u la kren pyrshah ïa ngi, bad pyrshah ïa ki nongbishar jong ngi kiba la bishar ïa ngi, da kaba pynwan halor jong ngi ïa ka jingsniew kaba khraw: namar hapoh ka bneng baroh ym shym la leh katba la leh halor ka Jerusalem.

AMOS 5:19

Kumjuh kumba u briew u la phet ïap na u sing, te u la ïakynduh bad ka dngiem; lane u la rung shapoh ïing bad u la shan da la ka kti ha ka kynroh, bad la puh u bseiñ ïa u.

SEKHARAÏAH 11:9

Ynda kumta, nga la ong, “Ngan ym bsa ïa phi: kata kaba ïap, ai kan ïap; bad kata ka ban duh noh, ai kan duh noh; bad kita kiba la pynsah noh ai kin bam kawei kawei ïa ka doh jong kawei pat.”

JINGPYNPAW 13:10

“Lada uno uno ruh u ïalam mraw, u leit noh hi keiñ sha ka jinglongmraw: lada uno uno ruh u pynïap noh da ka waitlam, ka dei ban pynïap noh ïa u da ka waitlam. “Hangne don ka jingïaishah bad ka jingngeit jong kita ki riewkhuid.”