JEREMAÏAH 11:4 - KA BAIBL

⁴ kaba nga la hukum ïa ki kpa jong phi ha ka sngi kaba nga la wallam noh ïa ki na ka ri Ijipt, na ka lawar ding kaba da u nar,” nga da ong, “To kohnguh ïa ka ktien jong nga, bad to leh ïa ki, kat kum ïa baroh kaba nga hukum ïa phi: kumta phin long ki briew jong nga, bad nga ruh ngan long U Blei jong phi:

Khasi CL Bible (BSI)

⁴ Ka dei ka jutang kaba nga la pynlong bad ki kpa tymmen jong ki mynba nga la wallam noh ïa ki na Ijipt, ka ri kaba long kum ka lawar ding baklang ïa ki. Nga la ong ïa ki ban kohnguh ïa nga bad ban leh ïa kiei kiei baroh kiba nga la lah hukum. Nga la ong ïa ki ba lada ki kohnguh, kin ïoh long ki briew jong nga bad ngan ïoh long U Blei jong ki.

JEREMAÏAH 11:4 ပူးပေါင်းရင်းမြစ်များ

JENESIS 17:8

Bad ngan ai ha me, bad ha u symbai jong me hadien jong me, ïa ka ri ha kaba me shong nongwei, ïa ka ri Kanaan baroh kawei keiñ, ïa ka ban long ka bynta trai ba-neh junom; bad ngan long U Blei jong ki.”

1 SYIEM 8:51

namar ki long ki briew jong me, bad ka bynta jong me, kiba me la wallam noh na ri Ijipt, napdeng ka lawar ding nar:

2 SYIEM 18:6

Naba u la snoh ha U Trai, um shym kynriah noh na kaba bud ïa U, hynrei, u la sumar ïa ki hukum jong U, kiba U Trai u la hukum ha u Moses.

EKSODOS 20:6

bad uba leh isynei ïa ki hajar, kiba ieit ïa nga bad kiba sumar ruh ïa ki hukum jong nga.

ISAÏAH 30:6

Ka jingkit ki mrad ba shaphang shathie. Lyngba ka ri ka jingjynjar bad ka jingpisa, na kaba mih ka sing kmie bad u sing, u 'seiñpuh bad u 'seiñher ba-meh ding, ki pynkit ïa la ki spah halor ki tyrpeng ki kadda lud, ïa la ki jingkynshew ruh halor ki syntai ki ut, sha u paidlang u ban ym pynmyntoi ïa ki.

ISAÏAH 48:10

Ha khmih, nga la pynphrang ïa me, te ym kum ka rupa; nga la jied ïa me ha ka lawar ding ka jingjynjar.

JEREMAÏAH 11:7

Naba nga la phla jur ha ki kpa jong phi ha ka sngi ba nga la wallam artet ïa ki na ka ri Ijipt, bad haduh kane ka sngi, nga da khie dang step bad nga da phla, nga da ong, ‘To kohnguh ïa ka ktien jong nga.’

JEREMAÏAH 24:7

Bad ngan ai ha ki ka dohnud ban ithuh ïa nga, ba nga long U Trai: bad kin long u paidlang jong nga, nga ruh ngan long U Blei jong ki: naba kin phai pat sha nga da ka dohnud jong ki baroh.

JEREMAÏAH 26:13

Namar kata te, to pynbha ïa ki lynti jong phi bad ïa ki jingleh jong phi, bad to kohnguh ïa ka ktien U Trai U Blei jong phi; te U Trai un kylla-ka-bamut na kata ka jingsniew kaba u la kren pyrshah ïa phi.

JEREMAÏAH 30:22

“Te phin long ki briew jong nga, bad nga ngan long U Blei jong phi.”

JEREMAÏAH 32:28

Namar kata, kumne u ong U Trai: “Ha khmih, ngan ai noh ïa kane ka nongbah ha ka kti jong ki Khaldi, bad ha ka kti u Nebukhadressar u syiem ka Babilon, bad un jop ïa ka;

JEREMAÏAH 38:20

Hynrei, u Jeremaïah u la ong, “Kin ym aiti noh ïa me. To kohnguh, nga kyrpad ïa me, ïa ka ktien U Trai, ha kata kaba nga kren ha me: kumta kan long bha bad me, bad ka mynsiem jong me kan im.

ESEKIEL 11:20

ba kin dup ïaid ha ki aiñ jong nga, bad ba kin sumar ïa ki niam ki rukom jong nga, bad ba kin leh ïa ki: te kin long u paidbah jong nga, nga ruh ngan long U Blei jong ki.

ESEKIEL 14:11

khnang ba ka ïing Israel kan ym leit sakma shuh na nga, lymne kin ym pyntngit shuh ïa lade da ki jingryngkang jong ki baroh; hynrei, ba kin ïoh long ki briew jong nga, bad ba ngan ïoh long U Blei jong ki,’ ” ong U Trai U Blei.

ESEKIEL 36:28

Phin ïoh shong ruh ha ka ri kaba nga la ai ha ki kpa jong phi; bad phin long ki briew jong nga, bad nga de ngan long U Blei jong phi.

ESEKIEL 37:23

lymne kin ym pyntngit shuh ïa lade da ki bleithaw jong ki, lymne da kiba ijli jong ki, lymne da kano kano na ki jingryngkang jong ki: hynrei, ngan ri pynim ïa ki na ki jaka shong jong ki baroh, ha kiba ki la leh pop, bad ngan pynkhuid ïa ki ruh: kumta kin long ki briew jong nga, bad ma nga de ngan long U Blei jong ki.’

ESEKIEL 37:27

Ka tabernakl jong nga ruh kan long ryngkat bad ki; te ngan long U Blei jong ki, bad kin long ki briew jong nga.

DANIEL 3:26

Ynda kumta, u Nebukhadnessar u la wan hajan ka jingkhang jong kata ka lawar ding ba la thang rhem: u la kren bad u la ong, “Ko Shadrak, Meshak, bad Abednego, phi ki shakri jong U Blei U Bahakhlieh Tam Eh, to ïamih noh, to ale shane.” Ynda kumta, u Shadrak, u Meshak, bad u Abednego, ki la ïamih noh napdeng ka ding.

LEBITIKOS 26:12

Hynrei, ngan ïaid hapdeng jong phi, bad ngan long U Blei jong phi, bad phi ruh phin long u paidlang jong nga.

LEBITIKOS 26:3

“Lada phin ïaid ha ki hukum jong nga, bad lada phin sumar ïa ki hukum jong nga, bad leh ïa ki;

SEKHARAÏAH 13:9

Te ngan ïalam ïa kata ka shi bynta lyngba ïa ka ding, bad ngan pynkhuid ïa ki kumba pynkhuid ïa ka rupa, bad ngan phrang ïa ki kumba phrang ïa ka ksiar: kin khot ïa ka kyrteng jong nga, bad ngan shahshkor ïa ki: nga ngan ong, ‘U long u paidbah jong nga’; ki ruh kin ong, ‘U Trai u long U Blei jong nga.’ ”

SEKHARAÏAH 6:15

“Bad kita kiba ha jngai kin ïawan bad kin ïatei ha ka templ U Trai, bad phin ïoh tip ba U Trai ki paid u la phah ïa nga sha phi. Te kane kan jia, lada phin kohnguh bha ïa ka ktien U Trai U Blei jong phi.”

SEKHARAÏAH 8:8

bad ngan wallam ïa ki, bad kin ïoh shong hapdeng ka Jerusalem; bad kin long u paidbah jong nga, nga ruh ngan long U Blei jong ki, ha ka jingshisha bad ha ka hok.”

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

2 KORINTH 6:16

Bad ka ïing U Blei ka don ka jingïasoh aïu bad ki bleithaw? namar ngi long ka ïing U Blei u ba-im, kumba U Blei u la ong, “Ngan shong sah hapoh jong ki, bad ngan ïaid sngewbha hapdeng jong ki; ngan long U Blei jong ki ruh, ki ruh kin long u paidlang jong nga.

DEUTERONOMI 11:27

ïa ka jingkyrkhu keiñ, lada phin kohnguh ïa ki hukum U Trai uba U Blei jong phi, ïa kiba nga hukum ïa phi ha kane ka sngi;

DEUTERONOMI 4:20

Hynrei, U Trai u la shim ïa phi, bad u la wallam noh ïa phi na kata ka lawar ding saiñ nar, na ka ri Ijipt keiñ, khnang ba phin long u paidlang ha u, ka bynta trai keiñ, kumba phi long ha kane ka sngi.

DEUTERONOMI 5:6

“ ‘Ma nga long U Trai uba U Blei jong me, uba la wallam ïa me na ka ri Ijipt, na kata ka ïing ka jinglongmraw.

HEBRU 5:9

bad haba la pynbit janai ïa u, u la jia long u nongpynlong ka jingpynim bymjukut ïa kita baroh kiba kohnguh ïa u;

1 SAMUEL 15:22

Te u Samuel u la ong, “U Trai u sngewbha ma ha ki jingainguh thang bad ha ki jingkñia kumba ha kaba kohnguh ïa ka ktien U Trai? Ha khmih, kaba kohnguh ka kham bha ban ïa ka jingkñia, bad kaba shahshkor ban ïa ka khleiñ ki 'lang sohmoh.