JAKOB 5:3 - KA BAIBL

³ Ïa kata ka ksiar bad ïa kata ka rupa jong phi, la bam sarang; te kata ka jingsarang jong ki, kan long sakhi pyrshah ïa phi, bad kan bam duh ïa ka doh jong phi kum ka ding. Phi la kynshew la ka jingkynshew ha ki sngi ki bakhatduh.

Khasi CL Bible (BSI)

³ Ka ksiar bad ka rupa jong phi ka la bam sarang, bad kane ka sarang kan long ka sakhi pyrshah ïa phi bad kan sa bam duh ïa ka doh jong phi kum ka ding. Phi la kynshew spah ha kine ki sngi kiba khatduh.

JAKOB 5:3 ပူးပေါင်းရင်းမြစ်များ

JENESIS 31:48

Bad u Laban u la ong, “Kane ka kynton ka long ka jingsakhi hapdeng jong nga bad me ha kane ka sngi.” Namar kata, la khot “ka Galeed” ïa ka;

JENESIS 31:52

Kan long ka sakhi kane ka kynton, bad un long u sakhi une u mawbynna ruh de, ba ma nga ngan ym ïaid palat ïa kane ka kynton maw sha me, bad ba ma me ruh men ym ïaid palat ïa kane ka kynton maw bad ïa une u mawbynna sha nga, ïa ka ban pynsniew keiñ.

JENESIS 49:1

Ynda kumta, u Jakob u la khot ïa la ki khun shynrang, bad u la ong, “To ïalang hajuh, ba ngan ïathuh ha phi kaei kan jia ïa phi ha ki sngi ki ban sa wan.

Ka Kitab U Job 16:8

Me la khem khait ïa nga, te kata ka long sakhi pyrshah ïa nga: bad ka jingraikhoh jong nga ka ïeng ïaleh ïa nga, ka phla pyrshah ïa nga.

ISAÏAH 2:2

Te kan long ha ki sngi bakhatduh, ba yn pynskhem ïa u lum ka ïing U Trai ha kliar ki lum bah, bad yn pynkyntiew halor ki lum rit; bad ki jaid bynriew baroh kin tuid sha ka.

JEREMAÏAH 19:9

Bad ngan pynbam ïa ki da ka doh ki khun shynrang jong ki bad da ka doh ki khun kynthei jong ki, bad kin bam uwei uwei baroh ïa ka doh u lok jong u, ha kata ka jingker kut bad ha kata ka jingshipa, da kaba ki nongshun jong ki, bad kita kiba wad ïa ka jingim jong ki, kin pynshipa ïa ki.

MIKAH 3:3

kiba bam ruh ïa ka doh ki briew jong nga; bad ki khoh ïa ka snep jong ki na ki, bad ki pynkheiñ ïa ki shyieng jong ki; shisha, ki daiñ lyngkhot lyngkhai ïa ki, kumba ïa u khiew, bad kum ka doh ha u dek.

MIKAH 4:1

Hynrei, ha ki sngi ki bakhatduh kan long, ba ïa u lum ka ïing U Trai yn pynskhem halor ka khlieh ki lum, bad yn pynkyntiew ïa ka ha khlieh ki lum rit; bad ki paidbah kin ïatuid noh ha u.

KI KAM 2:17

“ ‘Kan jia ruh ha ki sngi ki bakhatduh,’ ong U Blei, ‘ba ngan theh noh na U Mynsiem jong nga halor ka doh baroh; te ki khun shynrang jong phi bad ki khun kynthei jong phi kin ïathuhlypa, bad ki samla jong phi kin ïohi ïa ki jingithuhpaw, bad ki tymmen jong phi ruh kin phohsniew ki jingphohsniew:

Ka Shithi U Paul Sha Ki Nong Rom 2:5

Hynrei, katba kum kata ka jinglong eh ka jong me bad ka dohnud bymkylla-ka-bamut, me ïaikynshew ïa lade ka jingbitar ïa kaba akher ka sngi ka jingbitar, bad ka jingpynpaw ïa ka jingbishar hok ka jong U Blei;

2 TIMOTHI 2:17

Bad kata ka ktien jong ki, kan bam kum kaba bampong: na kiba long ki jong u Hemenaïos bad u Philetos;

JOSHUA 24:27

Bad u Joshua u la ong ha uta u paidbah baroh, “Ha khmih, une u maw u long sakhi ïa ngi; namar u la ïohsngew ïa ki ktien U Trai baroh ïa kiba u la kren ha ngi: namar kata, un long u sakhi ïa phi, ïoh ba phin len ïa la U Blei.”

2 PETROS 3:3

da kaba phi tip ïa kane nyngkong, ba ha ki sngi ki bakhatduh kin wan ki nongkrenbeiñ da ka jingkrenbeiñ, kiba ïaid katba kum ki jingkwah brai la ki jong hi,

JINGPYNPAW 17:16

Bad kita ki shiphew ki reng ïa kiba me la ïohi, bad uta u mrad khlaw, kine kin ïashun ïa kata ka nuti, bad kin ïa-pynlong kaba marwei bad ka balyngkhuit ïa ka, bad kin ïabam duh ïa ka doh jong ka, bad kin ïathang duh ïa ka da ka ding.

JINGPYNPAW 20:15

Te jar ïa uba ym shym la shem ba la thoh ha kata ka kitab ka jingim, la bred ïa u sha kata ka pung ka ding.

JINGPYNPAW 21:8

Hynrei, ïa kita kiba sheptieng, bad ïa ki bymngeit, bad ïa kiba ijli, bad ïa kiba pynïap bad ïa kiba kyr-eit, bad ïa kiba ai ksuid, bad ïa kiba mane bleithaw, bad ïa kita baroh kiba lamler, ka bynta jong ki kan long ha kata ka pung ïa kaba thang da ka ding bad da u kyndok; kaba long kata ka jingïap ka ba-ar.”